黃山站
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
![](https://upload.wikimedia.org/wikipedia/commons/thumb/6/62/Huangshan_station_of_Fuzhou_Metro_Line_1.jpg/220px-Huangshan_station_of_Fuzhou_Metro_Line_1.jpg)
站名來源
根據《榕城考古略》記載,本站站名臺中的「黃山」以前是號「鳳山」,是趁高蓋山夫邊延伸過其小山,因為形狀像展開翼翼其鳳凰,所以號伊「鳳山」,復因為只塊有野価儂姓「黃」,所以別稱「黃山」,也有儂講原名是「凰山」,遘尾會變號「黃山」了。
車站結構
站廳
黃山站其站廳是特色車站,站廳其吊頂設計了鳳凰其形狀,寓意了黃山地名其由來。車站裡勢其廁所敆C出入口。
![](https://upload.wikimedia.org/wikipedia/commons/thumb/8/8e/201901_Concourse_PANO_of_Huangshan_Station.jpg/1000px-201901_Concourse_PANO_of_Huangshan_Station.jpg)
站臺
黃山站有兩萆站臺,都是乞1號線使其,站臺是島式站臺其設計,其中,1號站臺是去象峰,2號站臺是去三江口使其。
![](https://upload.wikimedia.org/wikipedia/commons/thumb/6/60/201901_Platform_1_PANO_of_Huangshan_Station.jpg/1000px-201901_Platform_1_PANO_of_Huangshan_Station.jpg)
![](https://upload.wikimedia.org/wikipedia/commons/thumb/5/5a/201901_Platform_2_PANO_of_Huangshan_Station.jpg/1000px-201901_Platform_2_PANO_of_Huangshan_Station.jpg)
出入口
黃山站有三萆出入口,無障礙電梯敆A出入口。其中,C出入口其邊兜向北有公交車站「黃山站」,B出入口其邊兜向南有公交車站「黃山站」。
Text is available under the CC BY-SA 4.0 license; additional terms may apply.
Images, videos and audio are available under their respective licenses.