Potsdamer Platz
![](https://upload.wikimedia.org/wikipedia/commons/thumb/1/1c/PotsdamerPlatz_Vogelperspektive_2004_1.jpg/250px-PotsdamerPlatz_Vogelperspektive_2004_1.jpg)
![](https://upload.wikimedia.org/wikipedia/commons/thumb/c/c1/Fotothek_df_pk_0000145_001.jpg/250px-Fotothek_df_pk_0000145_001.jpg)
![](https://upload.wikimedia.org/wikipedia/commons/thumb/9/94/Potsdamer_Platz_1945.jpg/250px-Potsdamer_Platz_1945.jpg)
![](https://upload.wikimedia.org/wikipedia/commons/thumb/6/63/Berlin-former_Potsdamer_Platz-1982.jpg/250px-Berlin-former_Potsdamer_Platz-1982.jpg)
Potsdamer Platz a zo ur blasenn hag ur groashent e kreiz-kêr Berlin, en Alamagn. Anvet eo diwar anv Potsdam, ur gêr tost ouzh Berlin. Lod brasañ savadurioù ar blasenn a zo bet savet goude 1990. Unan eus lec'hioù aroueziusañ Berlin eo, ha stank eo an douristed a zeu d'he gwelout.
Er bloavezhioù 1920 ha 1930 e oa unan eus lec'hioù buhezekañ Europa. Lod brasañ savadurioù ar blasenn a voe distrujet abalamour da vombezadegoù an Eil Brezel-bed. Pa voe rannet Berlin goude ar brezel, e voe troc'het ar blasenn e div lodenn, ha goude 1963 e veze treuzet gant Moger Berlin, neuze e voe dilezet.
Goude diskar Moger Berlin e 1989 e voe aozet ur sonadeg er blasenn gant Roger Waters : The Wall a voe sonet gantañ d'an 21 a viz Gouere 1990, da lidañ unvanidigezh Alamagn.
![](https://upload.wikimedia.org/wikipedia/commons/thumb/1/12/Berlin_Ampel.jpg/140px-Berlin_Ampel.jpg)
Goude 1990 e voe sachet evezh ar bolitikourien gant ar blasenn, rak tost ouzh kreiz-kêr emañ. Dilennidi ar c'huzul-kêr a zivizas rannañ ar blasenn e peder lodenn, pep hini anezho a voe fiziet en ur postour prevez, da bep hini anezho da aozañ e raktres. Da vare al labourioù-se e voe chanter brasañ Europa.
![](https://upload.wikimedia.org/wikipedia/commons/thumb/5/50/SonyCenterAtNight.jpg/170px-SonyCenterAtNight.jpg)
Gant Renzo Piano e voe savet steuñv savadur Daimler-Benz, deuet da vezañ DaimlerChrysler hiziv an deiz. Meur a savour brudet a savas steuñvioù. Potsdamer Platz No. 1 par Gant Hans Kollhoff e voe treset steuñv Potsdamer Platz No. 1, ur savadur ma kaver ennañ burevioù breutaerien. (a-zehou war ar skeudenn, ar savadur brik e-kreiz). Gant Helmut Jahn e voe savet steuñv Sony Center, hag a vez gwelet peurliesañ evel unan eus savadurioù aroueziusañ ar savouriezh a-vremañ e Berlin. Daoust ma ne savas ket a-du an holl gant ar raktres pa voe kinniget, ez eo deuet d avezañ ul lec'h ma teu stank an dud : 70 000 gweladenner an devezh a vez, hag a-hed an amzer e vez tud war al lec'h. Ouzhpenn desachañ touristed ez eo ul lec'h mat teu ar Verliniz d'ober o frenadennoù, hag an dud entanet gant ar sinema a zeu ivez : tri c 'hemplezh sinema, un akademiezh hag ur mirdi diwar-benn ar sinema ha 40 sal-sinema a gaver ivez.
Lodennoù zo eus Der Himmel über Berlin, ur film savet gant Wim Wenders e 1987, a zo bet filmet e Potsdamer Platz, a-raok ma vefe diskaret ar Voger.
Liammoù diavaez
[kemmañ | kemmañ ar vammenn]Text is available under the CC BY-SA 4.0 license; additional terms may apply.
Images, videos and audio are available under their respective licenses.