• Diwar-benn bloavezh 1989 an deiziadur gregorian eo ar bajenn-mañ.

Afghanistan

• 15 a viz C'hwevrer : dibenn Brezel Afghanistan, p'he deus URSS tennet he soudarded eus ar vro.

Japan

• 7 a viz Genver : marv an impalaer Hirohito ; e vab Akihito eo ar 125vet impalaer.
• 21 a viz Ebrel : Nintendo a laka ar benveg c'hoarioù video Game Boy war ar marc'had stadunanat ; e dibenn 1990 e vo lakaet e werzh en Europa.

Myanmar

• 20 a viz Gouere : harzet eo Aung San Suu Kyi ha dalc'het en he zi betek ar bloaz 2010.

 Sina

• 4 a viz Mezheven : Lazhadeg al leurgêr Tiananmen e Beijing.

 Alamagn

• 18 a viz Here : roet lamm da Erich Honecker, penn RDA.
• 9 a viz Du : diskaret Moger Berlin.

Breizh

• Kêr Roazhon a laka staliañ panelloù brezhonek evit mont tre ha kuitaat ar gumun.
• Aotren a ra ar Stad krouidigezh an DEUG brezhoneg kentañ e skol-veur Roazhon II, da-heul un hirstourmad liesvloaziek renet gant UGB hag USB. Klok eo ar c’hursus brezhoneg. A-benn ar fin e vo tu da gregiñ tuta ha stummañ skolaerien ha kelennerien evit ar skolioù divyezhek.
• Krouidigezh klasoù divyezhek publik e Douarnenez ha Tregastell.
• Krouidigezh skolioù Diwan Kraozon, Kemperle ha Brec'h

 Bulgaria

• 10 a viz Du: roet lamm da Dodor Jivkov, penn komunour Republik Pobl Bulgaria.

Danmark

• 1añ a viz Here : aotreet dre lezenn eo an dimeziñ etre tud heñvelreizh, ar wech kentañ er bed.

 Frañs

• Lid 200vet deiz-ha-bloaz an dispac’h gall ha disklêriadur Gwirioù Mab-den.

 Hungaria

• 2 a viz Mae : kentañ toull er Rideoz houarn, pa ziskar Hungaria un troc'had a 240 kilometrad a-hed he harzoù gant Aostria.

Island

• 1añ a viz Meurzh : aotreet ar bier er vro, goude bezañ bet berzet abaoe 1915.

Roumania

• 16 a viz Kerzu : ur vanifestadeg e Timişoara, evit skoazellañ ar pastor László Tőkés, a zigor an dispac'h e Roumania.
• 22 a viz Kerzu : roet lamm da Nicolae Ceauşescu, penn Roumania.
• 25 a viz Kerzu : Nicolae Ceauşescu, kadoriad Roumania, hag e wreg Elena, a zo barnet ha lakaet d'ar marv kerkent.

URSS

• 3 a viz Mae : kentañ preti stadunanat McDonald's savet e Moskov, a zigoro d'an 31 a viz Genver 1990.

 Tchekoslovakia

• 29 a viz Kerzu : aet Václav Havel da brezidant ar republik.

 Yougoslavia

• 28 a viz Meurzh : gant gouarnamant Serbia eo tennet statud emrenerezh Kosovo ha Voivodina.

Stadoù-Unanet

• 20 a viz Genver : George H. W. Bush eo 41vet prezidant Stadoù-Unanet Amerika.
• 24 a viz Meurzh : an Exxon Valdez a ya d'ar strad e Bae ar Priñs William en Alaska. Ar 40 000 tonenn eoul-maen a oa o treuzdougen a ya da saotrañ 1 744 kilometrad aodoù.

Panamá

• 20 a viz Kerzu : aloubet eo ar vro gant SUE evit klask diskar an diktatour Manuel Noriega (1934-2017).

Paraguay

• 3 a viz C'hwevrer : un taol-Stad a ziskar an diktatour Alfredo Stroessner, a oa bet o ren ar vro abaoe 1954.

Stadoù-Unanet

• 17 a viz Kerzu : an tresadennoù-bev The Simpsons evit ar wech kentañ er skinwel.

• 11 a viz C'hwevrer : ar Stadunanadez Barbara Harris (1930-2020) eo ar vaouez kentañ o vout anvet da eskobez en Iliz anglikan.

• 14 a viz C'hwevrer : bannet eo kentañ loarell ar reizhiad GPS.
• 14 a viz Meurzh : Tim Berners-Lee a ginnig ur raktres evit ar Genrouedad.
• Miz Mae : kentañ gwech ma klasker kemmañ ur gen denel.
• Miz Du : kentañ kevreadenn genwerzhel da Internet, dre an IAP The World.
• 15 a viz Mae : an touseg aour (Incilius periglenes) diwezhañ zo gwelet e Costa Rica ; da get ez eo aet ar spesad abaoe.

Bro-Saoz

• 15 a viz Ebrel : 97 den marv ha 766 gloazet e deroù ar c'hrogad melldroad Liverpool-Nottingham en Hillsborough Stadium e Sheffield.

• 5 a viz Here : Tenzin Gyatso, ar 14vet Dalai Lama, a c'hounez Priz Nobel ar Peoc'h.

• 3 Ebrel : Anjela Duval, barzhez hag emsaverez.

• 9 Genver : Louise Michel, e Marselha.