Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Er vevoniezh e vez implijet an termen spesad evit unan eus ar renkoù rummouriel diazez a reer ganto evit sevel renkadurezh ar bevien. Termenet e vez ar spesadoù evel strolladoù ar bevien (plant ha loened) a c'hell gouennañ etrezo ha genel distaoladennoù distag ha strujus. Graet e vez al labour rummata gant daou seurt bevoniourien, al loenoniourien hag al louzawourien (ar re-se evit rummata ar plant).

Dre vras e talvez meur a anv boutin implijet evit loened ha plant anavezet mat evit hini ar spesad (leon, ki-dour), met meur a spesad a ya dindan ar skrev, da skouer.

Ul labour pouezus eo klask peseurt spesadoù distag a c'heller kavout daoust d'an heñvelidigezhioù. Meur a wech e vez kavet daou spesad pa veze kredet e oant unan hepken. Pa vez divizet ez eus ur spesad en e unan e vez savet un anv daoudel, da lavaret eo anv latin ar genad heuliet gant anv latin ar spesad. An daou anv a zo anv skiantel ar bevien.

E 2004 e oa bet kinniget niveriñ spesadoù ar vevien er mod-se : [3]

• 287 655 plant, enno :
  • 15 000 man
  • 13 025 raden
  • 980 noazhadeg
  • 199,350 divhaddelienneg
  • 59 300 unhaddelienneg
• 74 000-120 000 foue^[1];
• 10 000 kevni
• 1 250 000 loen, enno :
  • 1 190 200 divellkeineg :
    • 950 000 amprevan
    • 70 000 blotvil
    • 40 000 kresteneg
    • 130 200 seurt all
  • 58,808 mellkeineg :
    • 29 300 pesk
    • 5 743 divanaleg
    • 8 240 stlejvil
    • 10 234 evn
    • 5 416 bronneg

Koulskoude e kred meur a vevoniour eo kalz uheloc'h niver ar spesadoù a ya da vezañ renket e-barzh genadoù zo :

• 5-10 milion bakteri^[2];
• 1,5 milion foue^[1];

1. ↑ ^1,0 ha^1,1 David L. Hawksworth, "The magnitude of fungal diversity: the 1•5 million species estimate revisited" Mycological Research (2001), 105: 1422-1432 Cambridge University Press [1]
2. ↑ Proceedings of the National Academy of Sciences, Census of Marine Life (CoML) [2]