Gant ar ger Duero e tegouezher amañ. Evit sterioù all ar ger, gwelit Duero (disheñvelout).

An Douro (e portugaleg, distaget [ˈdowɾu], [ˈdoɾu]), Duero (e spagnoleg, distaget ˈdweɾo]), a zo ur stêr vras 897 km he hed e Ledenez Iberia. Eieniñ a ra e Spagn kent redek trema ar c'hornôg betek Porto ma'n en en daol er Meurvor Atlantel. Ar 572 km kentañ eus he red a zo e Spagn. Goude, a-hed 112 km, e ra ar vevenn etre Spagn ha Portugal, hag an 213 km diwezhañ a zo e Portugal.

Eus anv latin ar stêr, Durius, e teu Douro ; meneget eo gant Silius Italicus, Plinius an Henañ ha Pomponius Mela, hag er stummoù henc'hresianek Dourios, Dorios ha Dōros gant Ptolemaios, Strabon ha Cassius Dio.

Den ne oar orin an anv avat. Dre ma red en ur vro a oa keltiek gwechall e c'houlakaer ur wrizienn geltiek *du(b)r- "dour", "dourredenn", met gallout a rafe dont dreist al latin eus ur wrizienn indezeuropek *dura / duria, a zo paot en Europa, er broioù keltiek dreist-holl.

En un dourva a 98 073 km² e red an Duero : 78 859 km² anezho e Spagn ha 19 214 km² e Portugal. E Spagn e tastum dour eus Castilla y León, Galiza, Cantabria, La Rioja, Castilla-La Mancha, Extremadura ha kumuniezh Madrid.

Spagn Lez dehou Lez kleiz Pisuerga Valderaduey Esla Tormes Rio Rituerto Rio Riaza Rio Duratón Rio Cega Rio Adaja Zapardiel Rio Trabancos Huebra

Portugal Lez dehou Lez kleiz Rio Sabor Rio Tua Rio Pinhão Rio Corgo Rio Sermanha Rio Teixeira Rio Tâmega Rio Sousa Rio Tinto Rio Arda Rio Inha Stêr Águeda[1] Ribeira de Aguiar Rio Côa Ribeira de Teja Rio Torto Rio Távora Rio Tedo Rio Varosa Rio Cabrum Rio Bestança Rio Paiva

Proviñs Burgos

• Peñaranda de Duero
• Roa de Duero

Proviñs Soria

• Berlanga de Duero
• Viana de Duero

Proviñs Valladolid

• Corrales de Duero

Muioc'h a restroù diwar-benn

Douro

a vo kavet e Wikimedia Commons.