3-ці Беларускі фронт
| 3-ці Беларускі фронт | |
|---|---|
 | |
| Краіна | |
| Уваходзіць у | Рабоча-Сялянская Чырвоная Армія |
| Тып | Фронт |
| Удзел у | |
.svg){kind=small}
Трэці Беларускі фронт — аператыўна-стратэгічнае аб’яднанне савецкіх войскаў у Вялікай Айчыннай вайне.
Утвораны 24 красавіка 1944 года у выніку перайменавання Заходняга фронту.
Склад фронту
[правіць | правіць зыходнік]Першапачаткова ў яго склад былі ўключаныя 5, 31, 39-я і 1-я паветраная арміі. У наступным у яго ўваходзілі 2-я і 11-я гвардзейскія, 3, 21, 28, 33, 43, 48, 50-я арміі, 5-я гвардзейская танкавая і 3-я паветраная арміі.
Удзел у аперацыях і бітвах
[правіць | правіць зыходнік]Падчас Беларускай аперацыі 1944 года фронт правёў Віцебска-Аршанскую (сумесна з Першым Прыбалтыйскім фронтам), Вільнюскую і Каўнаскую аперацыі. Яго войскі прасунуліся на глыбіню 500 км, вызвалілі гарады Віцебск, Орша, Барысаў, Мінск, Маладзечна, Вільнюс, Каўнас і іншыя, выйшлі да дзяржаўнай мяжы СССР з Усходняй Прусіяй.
У кастрычніку 1944 года фронт сіламі 39-й і 1-й паветранай армій ўдзельнічаў у Мемельскай аперацыі 1-га Прыбалтыйскага фронту, у выніку якой была ізаляваная і прыціснутая да Балтыйскага мора Курляндская групоўка праціўніка. Войскі фронту прасунуліся на глыбіню ад 30 да 60 км у Усходнюю Прусію і ў Паўночна-Усходнюю Польшчу, авалодалі гарадамі Шталупенен (Несцераў), Голдап, Сувалкі.
У студзені-красавіку 1945 войскі 3-га Беларускага фронту ўдзельнічалі ва Усходне-Прускай стратэгічнай аперацыі, падчас якой 13-21 студзеня правялі Інстэрбургска-Кёнігсбергскую аперацыю.
Ва ўзаемадзеянні з 2-м Беларускім фронтам яны прарвалі глыбока эшаланаваную абарону, прасунуліся на глыбіню 70-130 км, выйшлі на подступы да Кёнігсберга (Калінінград) і блакавалі ўсходне-прускую групоўку праціўніка, а затым (13-29 сакавіка) ліквідавалі яе і выйшлі да заліва Фрышас-Хаф.
З 6 па 9 красавіка войскі фронту правялі Кёнігсбергскую аперацыю, у выніку якой авалодалі крэпасцю і горадам Кёнігсберг.
25 красавіка, завяршыўшы ліквідацыю Земландскай групоўкі войскаў праціўніка, авалодалі портам і горадам Пілай (Балтыйск).
Расфарміраванне фронту
[правіць | правіць зыходнік]15 жніўня 1945 года на падставе загаду НКО СССР ад 9 ліпеня 1945 г. фронт расфарміраваны, палявое ўпраўленне пакладзена на фарміраванне ўпраўлення Баранавіцкай ваеннай акругі.
 | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
| Франты (камандуючыя) |
| ||||||||||||||||||
| Франты СПА |
| ||||||||||||||||||
| Флоты | |||||||||||||||||||
| Флатыліі |
| ||||||||||||||||||
| |||||||||||||||||||
| |||||||||||||||||||
Слоўнікі і энцыклапедыі |
|---|
Text is available under the CC BY-SA 4.0 license; additional terms may apply.
Images, videos and audio are available under their respective licenses.
