Элейская школа
Элейская школа — школа старажытнагрэчаскай філасофіі VI—V ст. да н.э.
Назва ад горада, у якім узнікла (Элея — грэчаская калонія ў Паўднёвай Італіі). Заснавальнік Ксенафан, асноўныя прадстаўнікі Парменід, Зянон Элейскі, Меліс Самаскі. Яны ўпершыню проціпаставілі мысленне пачуццёваму ўспрыманню, адзначылі няўстойлівасць, цякучасць чалавечых адносін і ўспрыманняў; галоўную ролю ў спасціжэнні ісціны адводзілі мысленню. Быццё, на іх думку, бесперапыннае, нерухомае, нязменнае, аднароднае, непадзельнае, аднолькава ўласцівае кожнаму элементу, рэчаіснасці, выключае якое-небудзь мноства рэчаў. Гэтая ідэя склалася ў процівагу дыялектычнаму вучэнню аб прыродзе Геракліта. Для абароны вучэння Элейскай школы Зянон прапанаваў сістэму аргументаў, пабудаваных у форме доказаў ад процілеглага і накіраваных супраць прызнання множнасці і руху быцця (напр., пушчаная страла нерухомая, таму што час складаецца з асобных імгненняў, а прастора — з асобных пунктаў). У далейшым паняцце адзінага нязменнага быцця паслужыла адной з крыніц філасофіі Платона і неаплатанізму.
Літаратура
[правіць | правіць зыходнік]- Катляроў І. Элейская школа // БЭ ў 18 т. Т. 18. Кн. І. Мн., 2004.
- Н. Diels, "Parmenides Lehrgedicht" (В., 1900);
- Zeller, "Philosophie d. Griechen" (іт., 5-e выд.);
- Solmsen F. The "Eleatic One" in Melissus.Amst.,1969.
 Філосафы / Антычныя філосафы / Дасакратыкі | |
|---|---|
| Прадфіласофская традыцыя |
|
| Мілецкая школа | |
| Піфагарэйцы | |
| Элеаты |
|
| Атамісты | |
| Сафісты |
|
| Па-за школамі | |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
