Вёска Санюкі Краіна Беларусь Вобласць Гомельская Раён Ельскі Сельсавет Дабрынскі Каардынаты 51°50′34″ пн. ш. 29°14′37″ у. д.HGЯO Плошча 0,93[1] км² Насельніцтва 102 чалавекі (2009) Часавы пояс UTC+3 Тэлефонны код +375 2354 Паштовы індэкс 247830 Аўтамабільны код 3 СААТА 3214822061 Санюкі на карце Беларусі ±

Санюкі на Вікісховішчы

Санюкі́^[2] (трансліт.: Saniuki, руск.: Санюки) — вёска ў Ельскім раёне Гомельскай вобласці Беларусі. Уваходзіць у склад Дабрынскага сельсавета.

За 5 км на паўночны ўсход ад раённага цэнтра і чыгуначнай станцыі Ельск (на лініі Калінкавічы — Оўруч), за 186 км ад Гомеля, на рацэ Мытва (прыток Прыпяці).

Паводле пісьмовых крыніц вядома з 2-й паловы XVIII ст., як пасяленне ў Мазырскім павеце Менскага ваяводства.

Пасля 2-га падзелу Рэчы Паспалітай (1793 г.) у складзе Расійскай імперыі. У 1809 г. сяло Санюкоў у Мазырскім павеце Мінскай губерні.

У 1834 г. 14 двароў, 143 жыхары, у складзе маёнтка Міхалка.

Дваранін Вінцэнт Ігнатавіч Лянкевіч у вёсках Санюкі і Новая Рудня ў 1846 г. валодаў 2400 дзесяцінамі зямлі і 2 карчмамі.

Паводле перапісу 1897 г. 46 двароў, 265 жыхароў, школа граматы. У аднайменнай сядзібе дзейнічаў вадзяны млын.

У 1898 г. пабудаваны новы будынак школы. Апрача земляробства 15 вяскоўцаў займаліся бандарным промыслам.

У 1908 г. 49 двароў, 277 жыхароў, у Міхалкаўскай воласці Мазырскага павета.

3 20.8.1924 г. да 16.7.1954 г. цэнтр Санюкоўскага сельсавета Каралінскага, а з 5.2.1931 г. Ельскага раёнаў Мазырскай (да 26.7.1930 г., з 21.6.1935 г. да 20.2.1938 г.) акругі, з 20.2.1938 г. Палескай, з 8.1.1954 г. Гомельскай вобласці.

У 1929 г. арганізаваны калгас «Энергія», працавала кузня.

У Вялікую Айчынную вайну ў баях каля вёскі ў 1943—1944 гг. загінулі 32 воіны (пахаваны ў брацкай магіле на могілках). 66 вяскоўцаў загінулі на фронце.

Паводле перапісу 1959 г. 560 жыхароў.

Да 27 снежня 2022 года вёска ўваходзіла ў склад Млыноцкага сельсавета^[3].

Вёска знаходзіцца у складзе саўгаса «Млынок».

На тэрыторыі вёскі знаходзіцца адзіная на сельсавет агульнаадукацыйная школа на 192 вучняў. На 2012 год — 57 навучэнцаў. Ёсць фельдшарска-амбулаторны пункт, сельскі дом культуры.

Насельніцтва — 102 чалавекі (2009)^[4].

• Мікалай Аляксандравіч Назарчук (1927—2019) — вядомы беларускі мастак, член саюза мастакоў Рэспублікі Беларусь.

• Гарады і вёскі Беларусі: Энцыклапедыя. Т. 1, кн. 1. Гомельская вобласць / С. В. Марцэлеў; рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2004. — 632 с.: іл. — 4 000 экз. — ISBN 985-11-0303-9.

Дабрынскі сельсавет
Цэнтр	Дабрынь
Пасёлкі	Дабрынскі · Зялёны Бор · Палеск
Аграгарадкі	Млынок
Вёскі	Бабруйкі · Данілаўка · Княжабор’е · Мазуры · Новая Рудня · Палаўкі · Роза Люксембург · Санюкі · Славечна · Ульянаўка