Рэты
| Рэты † | |
| |
Народы Італіі ў 1 тыс. да н. э.
| |
| Агульная колькасць | |
|---|---|
| Рэгіёны пражывання | Альпы |
| Мова | рэцкая |
| Рэлігія | політэізм |
| Блізкія этнічныя групы | этрускі |
Рэты (лац.: Raeti) † — старажытны народ або група плямён, што насялялі цэнтральную частку Альпійскіх гор.
Паходжанне
[правіць | правіць зыходнік]Паходжанне рэтаў да канца не высветлена. Тыт Лівій лічыў іх сваякамі этрускаў. Падобнай думкі прытрымліваюцца і сучасныя лінгвісты. Мяркуюць, што да сярэдзіны 1 тысячагоддзя да н. э. рэты насялялі даліну ракі По, адкуль былі выціснутыя ў Альпы кельтамі. Тут рэты асімілявалі мясцовых абарыгенаў або абарыгены захоўвалі свае паселішчы сярод сваякоў этрускаў, але рымляне далі і тым, і другім адно найменне. Тыт Лівій казаў, што "самі месцы, населеныя рэтамі, зрабілі іх лютымі і не захавалі ў іх нічога з ранейшага, толькі што мову, ды і тую сапсаваную".
Лёс
[правіць | правіць зыходнік]У 15 г. да н. э. рэты былі заваяваны рымлянамі. На тэрыторыі іх пражывання ўзнікла рымская правінцыя Рэцыя. Яе насельніцтва было значна раманізавана. Нашчадкамі рэтаў лічацца рэтараманскія народы.
Літаратура
[правіць | правіць зыходнік]- TITUS LIVIUS, THE HISTORY OF ROME
- Народы зарубежной Европы. Том 2. /Под редакцией С.А.Токарева,В.И.Козлова, О.А.Ганцкой. — М.: Наука, 1965
Text is available under the CC BY-SA 4.0 license; additional terms may apply.
Images, videos and audio are available under their respective licenses.
