Генеральныя Штаты Каралеўства Нідэрландаў Staten-Generaal van het Koninkrijk der Nederlanden
Тып
Тып	Двухпалатны парламент
Кіраўніцтва
Старшыня Першай палаты	nl:Ankie Broekers-Knol, VVD з 2 ліпеня 2013
Старшыня Другай палаты	nl:Anouchka van Miltenburg, VVD з 25 верасня 2012
Структура
Членаў	225 75 (Першая палата) 150 (Другая палата)
Выбары
Апошнія выбары	12 верасня 2012
Зала пасяджэнняў
Будынак Генеральных Штатаў у Гаазе (Біненхоф)
Сайт
http://www.parlement.nl/

Генеральныя Штаты Нідэрландаў (нідэрл.: Staten-Generaal van het Koninkrijk der Nederlanden, якія мянуюцца таксама Парламент, нідэрл.: Het Parlement) — вышэйшы заканадаўчы орган Нідэрландаў.

Генеральныя Штаты складаюцца з Першай Палаты (вядомай таксама як Сенат) і Другой Палаты (Палата Прадстаўнікоў). Сенат абіраецца шляхам непрамых выбараў рэгіянальнымі заканадаўчымі органамі, Другая Палата фарміруецца шляхам прамых усенародных выбараў.

Генеральныя Штаты засядаюць у будынку Біненхоф («Унутраны двор») у Гаазе. Першая Палата збіраецца толькі адзін дзень у тыдзень і зацвярджае законапраекты, прынятыя Другой Палатай. На падставе складу Другой Палаты фарміруецца Урад Нідэрландаў.

У рыцарскай зале (Рыдэрзал) Біненхофа адбываюцца ўрачыстыя сумесныя паседжанні палат, па выпадку адкрыцця сесіі з удзелам манарха (Прынцаў дзень, кожны год у трэці аўторак верасня), у сувязі з зацвярджэннем шлюбу члена каралеўскай сям’і або са смерцю манарха. Сумеснае паседжанне палат мае права таксама дзейнічаць як паўнамоцны орган у выпадку вакантнага прастола, адсутнасці спадчынніка і няздольнасці рэгента выконваць абавязкі — яно можа абіраць у такім выпадку новага манарха.

Першапачаткова вышэйшая саслоўна-прадстаўніцкая ўстанова нідэрландскіх правінцый (якія ўключалі таксама тэрыторыю сучаснай Бельгіі). Генеральныя Штаты складаліся з дэпутатаў духавенства, дваранства і верхавіны гараджан. Упершыню былі скліканы ў 1463, пасля аб’яднання Нідэрландаў бургундскімі герцагамі. Першае паседжанне адбылося 9 студзеня 1464 г. у Бругэ. Генеральныя Штаты мелі права ваціравання падаткаў, асабліва шырокія паўнамоцтвы даў «Вялікі прывілей» 1477. У перыяд Нідэрландскай рэвалюцыі XVI стагоддзя сталі цэнтрам апазіцыі іспанскаму рэжыму, а з аддзяленнем Паўночных Нідэрландаў — вышэйшым пастаянна дзеючым заканадаўчым органам Рэспублікі Злучаных Правінцый. У Генеральных Штатах кожная правінцыя мела адзін голас, але частка тэрыторыі рэспублікі — так званыя Генеральныя землі — не адносілася да правінцый, кіравалася непасрэдна з цэнтра і не мелі голасу ў парламенце.

Генеральныя штаты праіснавалі да Батаўскай рэвалюцыі 1795 года і былі адноўлены ў 1815 годзе ў Злучаным Каралеўстве Нідэрландаў.

У гонар Генеральных штатаў атрымаў назву Статэн-Айленд у Нью-Ёрку (былая нідэрландская калонія Новы Амстэрдам).

Краіны Еўропы: Парламенты
Азербайджан¹ Албанія Андора Аўстрыя Балгарыя Беларусь Бельгія Боснія і Герцагавіна Ватыкан Венгрыя Вялікабрытанія Германія Грузія Грэцыя Данія Ірландыя Ісландыя Іспанія Італія Казахстан² Кіпр¹ Латвія Літва Ліхтэнштэйн Люксембург Малдова Мальта Манака Нарвегія Нідэрланды Партугалія Паўночная Македонія Польшча Расія² Румынія Сан-Марына Сербія Славакія Славенія Турцыя² Украіна Фінляндыя Францыя Харватыя Чарнагорыя Чэхія Швейцарыя Швецыя Эстонія
Залежныя тэрыторыі
Азорскія астравы Аландскія астравы Гернсі Гібралтар Джэрсі Востраў Мэн Фарэрскія астравы Шпіцберген Ян-Маен
Непрызнаныя і часткова прызнаныя дзяржавы
Абхазія¹ Косава Паўднёвая Асеція¹ Прыднястроўе
¹ Часткова або цалкам у Азіі, у залежнасці ад праведзенай мяжы (en) ² У асноўным у Азіі

Нідэрланды у тэмах
Гісторыя · Узброеныя сілы · Навука
Палітыка	Дзяржаўны лад · Нідэрландская манархія (каралі) · Канстытуцыя · Дзяржаўны савет · Генеральныя штаты · Прэм'ер-міністр · Знешняя палітыка
Cимволы	Герб · Сцяг · Гімн
Эканоміка	Падаткаабкладанне · Валюта  · Транспарт · Турызм (нацыянальныя паркі) · Пошта (гісторыя і маркі)
Геаграфія	Сталіца · Адміністрацыйны падзел · Гарады · Рэкі · Насельніцтва (галандцы)
Культура	Мовы · Адукацыя · Літаратура · Кінематограф · Музыка · Архітэктура · Спорт · Святы · Кухня · Сусветная спадчына
Рэлігія	Каталіцызм · Пратэстантызм · Іншыя рэлігіі ў Нідэрландах
Сувязь	Пошта · Інтэрнэт
Партал «Нідэрланды»