Няманя Човіч
Нарадзіўся	18 чэрвеня 1991(1991-06-18)[1] (33 гады) Нові-Сад, абшчына Нові-Сад[d], аўтаномны край Ваяводзіна, Рэспубліка Сербія[d], СФРЮ
Грамадзянства	Сербія
Рост	185 см
Вага	82 кг
Пазіцыя	нападнік
Інфармацыя пра клуб
Клуб	Хэнань
Маладзёжныя клубы
2007—2008 Цэмент (Беацін)
Клубная кар’ера[* 1]
2008—2010 Пролетар (Нові-Сад) 35 (11) 2010—2011 Парма 0 (0) 2011 Вайводзіна (Нові-Сад) 1 (0) 2011—2013 Спартак Злацібар Вода 34 (3) 2013 Доньі Срэм (Печынцы) 6 (0) 2014 Спартак (Семей) 9 (3) 2014 Пролетар (Нові-Сад) 11 (4) 2015 Шахцёр (Салігорск) 15 (2) 2016 Пролетар (Нові-Сад) 4 (0) 2016 Мінск 24 (8) 2017 Ламія 3 (1) 2017 Мінск 22 (3) 2018—2019 Пролетар (Нові-Сад) 48 (17) 2019—2022 Вайводзіна (Нові-Сад) 63 (16) 2022 Куньшань 32 (16) 2023— Хэнань (Чжэнчжоу)
Нацыянальная зборная[* 2]
2010 Сербія (да 19) 3 (1) 2012 Сербія (да 21) 1 (1) 2021 Сербія 2 (0)
↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 8 красавіка 2023. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 22 жніўня 2022

Няманя Човіч (сербск.: Немања Човић; нар. 18 чэрвеня 1991, Нові-Сад, Сербія) — сербскі футбаліст, нападнік кітайскага клуба «Хэнань» з Чжэнчжоу.

Пачынаў кар’еру, гуляючы ў ніжэйшых лігах Сербіі. У 2010 годзе апынуўся ў складзе прымаверы італьянскай «Пармы», але так і не дасягнуў асновы клуба. Улетку 2011 года стаў іграком клуба сербскай Суперлігі «Вайводзіна», але ўжо праз месяц перабраўся ў «Спартак Злацібар Вода», дзе гуляў на працягу двух гадоў.

У другой палове 2013 года выступаў за «Доньі Срэм». Першую палову 2014 года правёў у Казахстане, гуляючы за «Спартак» з Семея. Пасля вярнуўся ў «Пролетар», гуляў з ім у Першай лізе Сербіі.

У лютым 2015 года пасля прагляду падпісаў кантракт з салігорскім «Шахцёрам»^[2]. У першай палове сезона 2015 трывала з’яўляўся на полі, нярэдка і ў стартавым складзе, але пазней страціў месца ў аснове. У лістападзе 2015 года стала вядома, што «Шахцёр» не будзе падаўжаць кантракт з сербам, і той пакінуў клуб^[3].

У сакавіку 2016 года вярнуўся ў «Пролетар». Згуляў за клуб чатыры матчы, пасля чаго зноў апынуўся ў Беларусі, падпісаўшы кантракт з «Мінскам»^[4]. Здолеў замацавацца ў аснове мінчан, з 8 галамі ў чэмпіянаце стаў адным з найлепшых бамбардзіраў каманды ў сезоне. У лістападзе 2016 года па заканчэнні кантракта пакінуў «Мінск»^[5].

У лютым 2017 года стаў іграком клуба «Ламія» з другога дывізіёна Грэцыі^[6]. Аднак, ужо ў сакавіку разарваў кантракт і неўзабаве зноў далучыўся да «Мінска»^[7]. У першай палове сезона 2017 гуляў нерэгулярна, шмат прапускаючы з-за траўм, але пазней стаў трывалым іграком асновы. У лістападзе 2017 года па заканчэнні кантракта пакінуў каманду^[8].

У пачатку 2018 года зноў стаў іграком «Пролетара». У ліпені 2019 года перайшоў у «Вайводзіну», з якой выйграў Кубак Сербіі. У красавіку 2022 года перабраўся ў кітайскі клуб «Куньшань», якому па выніках сезона 2022 дапамог перамагчы ў Першай лізе, а сам стаў найлепшым бамбардзірам каманды. У сакавіку 2023 года «Куньшань» спыніў існаванне, і ў красавіку нападнік перабраўся ў «Хэнань».

Выступаў за юнацкія і моладзевыя зборныя Сербіі.

25 студзеня 2021 года дэбютаваў у нацыянальнай зборнай Сербіі, адгуляўшы другі тайм таварыскага матча супраць Дамініканскай Рэспублікі (0:0).

• 03 Бронзавы прызёр чэмпіянату Беларусі: 2015
• 03 Бронзавы прызёр чэмпіянату Сербіі: 2020
• Уладальнік Кубка Сербіі: 2020
• Пераможца Першай лігі Кітая: 2022