Нефтыда (грэч.), Небетхет (стар.-егіп. "Спадарыня абіцелі") — у егіпецкай міфалогіі малодшая з дзяцей Геба і Нут. Багіня геліопальскай Энеады.

Малявалася ў вобразе жанчыны з іерогліфам свайго імя на галаве (дом з будаўнічым кошыкам наверсе). Лічылася і шанавалася жонкай Сета, але, мяркуючы па тэкстах, вельмі мала з ім звязана. Яе сутнасць у егіпецкай рэлігійнай літаратуры амаль не раскрыта. У міфалагічных тэкстах, аднак, Нефтыда выступае разам з сястрой Ісідай у містэрыях Асірыса і ва ўсіх памінальных магічных абрадах. Яна разам з Ісідай аплаквае Асірыса, удзельнічае ў пошуках яго цела, ахоўвае яго мумію, стоячы ў падгалоўя яго ложа. Абедзве сястры ля ўсходняга неба сустракаюць памерлага. Нефтыда з'яўлялася спадарожніцай Ра падчас яго начнога плавання па падземных водах.

Паводле «Тэкстаў пірамід», Нефтыда плавае ў начной барцы (Ісіда — у дзённай). Нефтыда, Ісіда і Селкет атаясамляліся з сакаліхамі, таму іх часта выяўляюць на саркафагах у відзе крылатых жанчын, як абаронцаў памерлых. У якасці выявы Нефтыды нярэдка выступала Сешат.

	Нефтыда на Вікісховішчы

Рэлігія Старажытнага Егіпта
Міфалогія	Паганства Пантэізм Політэізм Эманацыя Душа Дуат Нумералогія
Багі	Амат Амон Аманет Анубіс Анукет Апоп Апіс Атон Атум Бастэт Бата Бену Бэс Чатыры сыны Гора Геб Хапі Хатхор Хека Хекат Хор Ісіда Хепры Хнум Хонсу Кук Маахес Маат Мафдэт Менхіт Мерытсегер Месхенет Манту Мін Мневіс Мут Нейт Нехбет Нефертум Нефтыда Нун Нут Асірыс Пахет Птах Кебуй Ра Рэшэп Саціс Сехмет Сакар Себек Селкет Сапду Сет Сешат Шу Таўрт Тэфнут Татэнет Тот Уаджыт Вадж-вер Упуаўт Васрэт
Тэксты	Амдуат Кнігі дыхання Кніга пячор Кніга мёртвых Кніга Зямлі Кніга варот Кніга замагільнага свету Тэксты пірамід
Вераванні	Ахвярапрынашэнне Пахавальныя абрады Атэнізм Пракляцце фараонаў