Мікалай Мікалаевіч Януш
Поўнае імя | Мікалай Мікалаевіч Януш | ||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|
Нарадзіўся |
9 верасня 1984[1][2] (39 гадоў) |
||||||||||||||||||
Грамадзянства |
![]() |
||||||||||||||||||
Рост | 182 см | ||||||||||||||||||
Вага | 80 кг | ||||||||||||||||||
Пазіцыя | нападнік | ||||||||||||||||||
Інфармацыя пра клуб | |||||||||||||||||||
Клуб |
![]() |
||||||||||||||||||
Пасада | галоўны трэнер | ||||||||||||||||||
Клубная кар’ера[* 1] | |||||||||||||||||||
|
|||||||||||||||||||
Нацыянальная зборная[* 2] | |||||||||||||||||||
|
|||||||||||||||||||
Трэнерская кар’ера | |||||||||||||||||||
|
|||||||||||||||||||
Узнагароды і медалі | |||||||||||||||||||
|
|||||||||||||||||||
Мікалай Януш (нар. 9 верасня 1984, Мікашэвічы) — беларускі футбаліст, нападнік. Двойчы станавіўся найлепшым бамбардзірам чэмпіянату Беларусі (2014, 2015).
У цяперашні час працуе галоўным трэнерам салігорскага «Партызана».
Клубная кар’ера
[правіць | правіць зыходнік]Выхаванец мікашэвіцкага футбола, доўгі час гуляў за «Граніт», пасля вылету мікашэвіцкага клуба з Вышэйшай лігі перайшоў у брэсцкае «Дынама». У першым туры чэмпіянату 2011 атрымаў траўму, з-за якой прапусціў амаль увесь сезон.
«Шахцёр»
[правіць | правіць зыходнік]У снежні 2011 года падпісаў кантракт з салігорскім «Шахцёрам». Спачатку выхадзіў на замену, але потым замацаваўся ў стартавым складзе на пазіцыі цэнтральнага нападніка. У чэрвені 2012 года атрымаў траўму, вярнуўся ў верасні і неўзабаве зноў стаў з’яўляцца ў стартавым складзе.
У сезоне 2013, пасля зыходу з каманды Дзмітрыя Камароўскага, яшчэ больш замацаваўся на пазіцыі адзінага форварда. У снежні 2013 года падоўжыў кантракт з гарнякамі[3]. Выдатна правёў сезон 2014, калі з 15 галамі стаў найлепшым бамбардзірам Вышэйшай лігі. Акрамя таго, 14 верасня 2014 года за 5 хвілін аформіў хет-трык у браму мінскага «Дынама», пасля чаго нават атрымаў выклік у нацыянальную зборную Беларусі[4], хоць на полі так і не з’явіўся.
У снежні 2014 года чарговы раз падоўжыў кантракт з салігорцамі[5]. У сезоне 2015 заставаўся асноўным нападнікам «Шахцёра». Чэмпіянат пачаў дублем у браму «Слуцка», пазней адзначыўся покерам у браму «Славіі» (10 жніўня) і хет-трыкам у браму «Нафтана» (31 кастрычніка). У выніку зноў стаў найлепшым бамбардзірам чэмпіянату з 15 галамі. У лістападзе 2015 года вырашыў застацца ў Салігорску і на наступны сезон[6].
У сезоне 2016 забіў 12 галоў у чэмпіянаце Беларусі, заняўшы трэцяе месца ў спісе бамбардзіраў пасля прадстаўнікоў барысаўскага БАТЭ Міхаіла Гардзейчука і Віталя Радзівонава. З ліпеня па верасень 2016 года амаль не гуляў з-за траўм. У снежні 2016 года падпісаў новае пагадненне з салігорцамі[7]. У першай палове сезона 2017, гуляючы ў якасці нападніка, нярэдка выхадзіў на замену, пазней стаў выкарыстоўвацца на пазіцыі атакуючага паўабаронцы і замацаваўся ў стартавым складзе. У кастрычніку 2017 года стала вядома, што Януш падоўжыў кантракт з салігорскім клубам[8].
«Нёман»
[правіць | правіць зыходнік]У пачатку 2018 года стала вядома, што галоўны трэнер «Шахцёра» Марак Зуб не разлічвае на Януша ў новым сезоне, і той не паляцеў з камандай на збор у Турцыю[9]. У лютым 2018 года на правах арэнды далучыўся да гродзенскага «Нёмана»[10]. У складзе гродзенцаў стаў іграком стартавага складу, выступаў у якасці атакуючага паўабаронцы. У снежні 2018 года вярнуўся ў Салігорск[11].
Вяртанне ў «Шахцёр»
[правіць | правіць зыходнік]Да сезона 2019 рыхтаваўся з «Шахцёрам» і ў выніку пачаў сезон у яго складзе. Спачатку разглядаўся як ігрок ратацыі і звычайна выхадзіў на замену, аднак неўзабаве дзякуючы добрай выніковасці стаў часам з’яўляцца і ў стартавым складзе. У выніку з 11 галамі стаў найлепшым бамбардзірам «Шахцёра» ў чэмпіянаце. У снежні 2019 года па заканчэнні кантракта пакінуў салігорскі клуб[12].
«Іслач»
[правіць | правіць зыходнік]У студзені 2020 года падпісаў кантракт з «Іслаччу»[13]. Стаў асноўным іграком каманды, з 9 галамі стаў адным з найлепшым бамбардзіраў клуба ў сезоне.
У студзені 2021 года пакінуў «Іслач»[14] і неўзабаве абвясціў пра завяршэнне кар’еры[15].
Міжнародная кар’ера
[правіць | правіць зыходнік]У верасні 2014 года быў упершыню выкліканы ў нацыянальную зборную Беларусі[4], але тады так і не з’явіўся на полі. Дэбютаваў у зборнай 30 сакавіка 2015 года, выйшаўшы ў стартавым складзе ў таварыскім матчы супраць Габона[16].
Трэнерская кар’ера
[правіць | правіць зыходнік]У красавіку 2021 года стала вядома, што Мікалай Януш далучыўся да салігорскага «Партызана» з Другой лігі ў якасці гуляючага трэнера[17]. Пазней было вызначана, што ён не будзе выхадзіць на поле, а засяродзіцца на трэнерскай працы.
У ліпені 2022 года быў заяўлены за «Партызан» у якасці іграка, 23 ліпеня выйшаў на замену ў канцы матча супраць слуцкага «Спартака» (7:1).
Грамадскае жыццё
[правіць | правіць зыходнік]Мікалай Януш першым з беларускіх футбалістаў стаў выкарыстоўваць беларускую мову ў публічных выступах, а таксама сацыяльных сетках. У ліпені 2016 года разам з беларускім каментатарам Уладзімірам Навіцкім у жывым эфіры каментаваў гульню Лігі Еўропы «Шахцёр» (Салігорск) — «Рунавік» (Фарэры). Гэта першы выпадак, калі дзейны футбаліст працаваў на матчы па-беларуску[18].
Дасягненні
[правіць | правіць зыходнік]Як футбаліст
[правіць | правіць зыходнік]Срэбраны прызёр чэмпіянату Беларусі (2): 2012, 2013, 2016
Бронзавы прызёр чэмпіянату Беларусі (4): 2014, 2015, 2017, 2019
Уладальнік Кубка Беларусі (2): 2014, 2019
Найлепшы бамбардзір чэмпіянату Беларусі (2): 2014 (15 галоў), 2015 (15 галоў)
Найлепшы нападнік чэмпіянату Беларусі: 2015
У спісе 22 найлепшых ігракоў чэмпіянату Беларусі (3): 2014, 2015, 2016
Як трэнер
[правіць | правіць зыходнік]Пераможца Другой лігі чэмпіянату Беларусі: 2023
Статыстыка выступленняў
[правіць | правіць зыходнік]Сезон | Дывізіён | Клуб | Краіна | Матчы | Галы |
---|---|---|---|---|---|
2002 | Д2 | Граніт | ![]() |
23 | 0 |
2003 | Д2 | Граніт | ![]() |
27 | 1 |
2004 | Д2 | Граніт | ![]() |
29 | 4 |
2005 | Д2 | Граніт | ![]() |
29 | 10 |
2006 | Д2 | Мікашэвічы | ![]() |
25 | 7 |
2007 | Д2 | Граніт-Мікашэвічы | ![]() |
25 | 12 |
2008 | Д1 | Граніт-Мікашэвічы | ![]() |
19 | 7 |
2009 | Д1 | Граніт | ![]() |
26 | 5 |
2010 | Д1 | Дынама | ![]() |
28 | 10 |
2011 | Д1 | Дынама | ![]() |
7 | 0 |
2012 | Д1 | Шахцёр | ![]() |
22 | 8 |
2013 | Д1 | Шахцёр | ![]() |
28 | 6 |
2014 | Д1 | Шахцёр | ![]() |
28 | 15 |
2015 | Д1 | Шахцёр | ![]() |
25 | 15 |
2016 | Д1 | Шахцёр | ![]() |
24 | 12 |
2017 | Д1 | Шахцёр | ![]() |
26 | 5 |
2018 | Д1 | Нёман | ![]() |
28 | 4 |
2019 | Д1 | Шахцёр | ![]() |
26 | 11 |
2020 | Д1 | Іслач | ![]() |
20 | 9 |
2022 | Д3 | Партызан | ![]() |
6 | 2 |
Крыніцы
[правіць | правіць зыходнік]- ↑ Nikolai Yanush // Transfermarkt — 2000. Праверана 9 кастрычніка 2017.
- ↑ Mikalay Yanush // FBref.com
- ↑ Николай Януш продлил соглашение с "Шахтером" (руск.). football.by (12 снежня 2013). Праверана 21 лістапада 2023.
- ↑ а б Родионов, Сиваков, Брессан, Жевнов и Януш вызваны в сборную Беларуси, Глеб – вне состава (руск.). by.tribuna.com.
- ↑ Николай Януш продлил контракт с "Шахтером" (руск.). football.by (15 снежня 2014). Праверана 21 лістапада 2023.
- ↑ Николай Януш: "Моим приоритетом было остаться в "Шахтере". В итоге мы нашли взаимопонимание с клубом" (руск.). football.by (24 лістапада 2015). Праверана 21 лістапада 2023.
- ↑ Николай Януш продлил контракт с "Шахтером" (руск.). football.by (5 снежня 2016). Праверана 21 лістапада 2023.
- ↑ Януш, Матвейчик и еще пять игроков основного состава продлили контракты с «Шахтером» (руск.). by.tribuna.com.
- ↑ Николай Януш: «Зуб сказал, что по возрасту мы с Рыбаком уже не подходим команде, буду прорабатывать варианты аренды» (руск.). by.tribuna.com.
- ↑ "Неман" договорился с "Шахтером" об аренде Николая Януша (руск.). football.by (14 лютага 2018). Праверана 21 лістапада 2023.
- ↑ Януш вернулся в "Шахтер" из аренды в "Немане" (руск.). football.by (5 снежня 2018). Праверана 21 лістапада 2023.
- ↑ Януш, Бакай, Рыбак и Ковалев официально покинули "Шахтер" (руск.). football.by (31 снежня 2019). Праверана 21 лістапада 2023.
- ↑ Януш подписал контракт с "Ислочью" (руск.). football.by (20 студзеня 2020). Праверана 21 лістапада 2023.
- ↑ Николай Януш ушел из "Ислочи" (руск.). football.by (6 студзеня 2021). Праверана 21 лістапада 2023.
- ↑ Николай Януш объявил о завершении карьеры (руск.). football.by (9 студзеня 2021). Праверана 21 лістапада 2023.
- ↑ Беларусь - Габон. Горбунов, Януш и Макась дебютируют в национальной сборной (руск.). football.by (30 сакавіка 2015). Праверана 21 лістапада 2023.
- ↑ Николай Януш возобновит карьеру. Играть будет в Д3 (руск.). football.by (22 красавіка 2021). Праверана 21 лістапада 2023.
- ↑ Уладзімір Навіцкі і футбаліст Мікалай Януш пракаментавалі гульню па-беларуску . Наша Ніва (7 ліпеня 2016). Праверана 21 лістапада 2023.
Спасылкі
[правіць | правіць зыходнік]Text is available under the CC BY-SA 4.0 license; additional terms may apply.
Images, videos and audio are available under their respective licenses.