Юбілейны медаль «60 гадоў Узброеных Сіл СССР»
Краіна	СССР
Тып	медаль
Дата заснавання	28 студзеня 1978
Статус	не ўручаецца
Статыстыка ўзнагароджанняў
Колькасць	каля 10 723 340
Характарыстыкі
Матэрыял	Латунь
Памеры	дыяметр — 32 мм
Чарговасць узнагарод
Старэйшая	Юбілейны медаль «50 гадоў Узброеных Сіл СССР»
Малодшая	Юбілейны медаль «70 гадоў Узброеных Сіл СССР»
Медыяфайлы на Вікісховішчы

Юбіле́йны меда́ль «60 гадо́ў Узбро́еных Сіл СССР» заснаваны Указам Прэзідыума Вярхоўнага Савета СССР ад 28 студзеня 1978 года ў азнаменаванне 60-й гадавіны Узброеных Сіл СССР. Аўтар малюнка медаля — мастак Л . Д. Піпетка.

Юбілейным медалём «60 гадоў Узброеных Сіл СССР» узнагароджваюцца:

• асобы афіцэрскага саставу, прапаршчыкі, мічманы i ваеннаслужачыя звыштэрміновай службы, якія знаходзяцца да 23 лютага 1978 года на сапраўднай ваеннай службе ў Савецкай Арміі, Ваенна-Марскім Флоце, войсках Міністэрства ўнутраных спраў СССР, войсках і органах КДБ пры Савеце Міністраў СССР;
• былыя чырвонагвардзейцы, ваеннаслужачыя, якія прымалі ўдзел у баявых дзеяннях па абароне Савецкай Радзімы ў радах Узброеных Сіл СССР, партызаны грамадзянскай вайны і Вялікай Айчыннай вайны 1941—1945 гг.;
• асобы, звольненыя з сапраўднай ваеннай службы ў запас або адстаўку, праслужылі ў Савецкай Арміі, Ваенна-Марскім Флоце, войсках Міністэрства ўнутраных спраў СССР, войсках і органах КДБ пры Савеце Міністраў СССР 20 і больш каляндарных гадоў, або ўзнагароджаныя за перыяд праходжання сапраўднай ваеннай службы ордэнамі або медалямі СССР:
  • «За адвагу»
  • Ушакова
  • «За баявыя заслугі»
  • Нахімава
  • «За адзнаку ў ахове дзяржаўнай мяжы СССР»
  • «За адзнаку ў воінскай службе»

Юбілейны медаль «60 гадоў Узброеных Сіл СССР» носіцца на левым боку грудзей і пры наяўнасці іншых медалёў СССР размяшчаецца пасля юбілейнага медаля «50 гадоў Узброеных Сіл СССР».

Па стану на 1 студзеня 1995 года юбілейным медалём «60 гадоў Узброеных Сіл СССР» узнагароджана прыблізна 10 723 340 чалавек.

Юбілейны медаль «60 гадоў Узброеных Сіл СССР» вырабляецца з латуні і мае форму правільнага круга дыяметрам 32 мм.

На адным боку медаля на фоне накіраваных увысь ляцячых ракет і баявых самалётаў змешчана выява салдата Савецкай Арміі з аўтаматам. Справа ад фігуры салдата на гарызонце мора намаляваная падводная лодка, над якой у два радкі размешчаны даты «1918» і «1978».

На адваротным боку медаля па акружнасці размешчаны надпісы: «Шестьдесят лет» і «Вооружённых Сил СССР», падзеленыя зорачкамі. У цэнтры — выява пяціканцовай зоркі з молатам і плугам пасярэдзіне, накладзенае на скрыжаваныя вінтоўку і шашку.

Края медаля абрамлены борцікам. Усе надпісы і выявы на медалі выпуклыя.

Медаль пры дапамозе вушка і кальца злучаецца з пяцікутнай калодачкай, абцягнутай шаўковай муаравай стужкай шэрага колеру шырынёй 24 мм. Края стужкі акантаваны чырвонай палоскай шырынёй 5 мм. Пасярэдзіне стужкі падоўжная палоска залацістага колеру шырынёй 1 мм.

• Володин А. Н., Мерлай Н. М. Медали СССР. — СПб.: Печатный двор, 1997. — С. 94—95. — ISBN 5-7062-0111-0.
• Колесников Г. А., Рожков А. М. Ордена и медали СССР. — Мн.: Народная асвета, 1986. — С. 226—227.

• Медалі і ордэны СССР

Медалі СССР
за адменнае адрозненне	«Залатая Зорка» «Серп і Молат»
за ваенныя заслугі	«За адвагу» «За баявыя заслугі» «Партызану Айчыннай вайны» Ушакова Нахімава «За адзнаку ў вайсковай службе» «За бездакорную службу» «Ветэран Узброеных Сіл СССР» «За ўмацаванне баявой садружнасці» «За адзнаку ў ахове дзяржаўнай мяжы СССР»
за абарону	Каўказа Кіева Ленінграда Масквы Адэсы Севастопаля Савецкага Запаляр'я Сталінграда
за вызваленне	Бялграда Варшавы Прагі
за ўзяцце	Берліна Будапешта Вены Кёнігсберга
за перамогу над	Германіяй Японіяй
за працу	«За працоўную доблесць» «За працоўную адзнаку» «За доблесную працу ў Вялікай Айчыннай вайне 1941—1945 гг.» «Ветэран працы» «За аднаўленне прадпрыемстваў чорнай металургіі поўдня» «За аднаўленне вугальных шахт Данбаса» «За асваенне цалінных зямель» «За будаўніцтва Байкала-Амурскай магістралі» «За пераўтварэнне Нечарназем'я РСФСР» «За асваенне нетраў і развіццё нафтагазавага комплексу Заходняй Сібіры»
«грамадзянскія»	«Медаль Мацярынства» «У памяць 800-годдзя Масквы» «У памяць 250-годдзя Ленінграда» «У памяць 1500-годдзя Кіева» «За выдатную службу па ахове грамадскага парадку» «За выратаванне тапельцаў» «За адвагу на пажары»
юбілейныя — УС СССР	20 гадоў 30 гадоў 40 гадоў 50 гадоў 60 гадоў 70 гадоў
юбілейныя — Перамога ў Вялікай Айчыннай вайне	20 гадоў 30 гадоў 40 гадоў
юбілейныя — іншыя	«У азнаменаванне 100-годдзя з дня нараджэння Уладзіміра Ільіча Леніна» «50 гадоў савецкай міліцыі»