Юбілейны медаль «Сорак гадоў Перамогі ў Вялікай Айчыннай вайне 1941—1945 гг.»
Краіна	СССР
Тып	медаль
Дата заснавання	12 красавіка 1985
Статус	не ўручаецца
Статыстыка ўзнагароджанняў
Колькасць	каля 11 268 980
Характарыстыкі
Матэрыял	Латунь
Памеры	дыяметр — 32 мм
Чарговасць узнагарод
Старэйшая	Юбілейны медаль «Трыццаць гадоў Перамогі ў Вялікай Айчыннай вайне 1941—1945 гг.»
Малодшая	Медаль «За перамогу над Японіяй» Юбілейны медаль «50 год Перамогі ў Вялікай Айчыннай вайне 1941—1945 гг.» (Беларусь)
Медыяфайлы на Вікісховішчы

Юбіле́йны меда́ль «Со́рак гадо́ў Перамо́гі ў Вялі́кай Айчы́ннай вайне́ 1941-1945 гг.» заснаваны Указам Прэзідыума Вярхоўнага Савета СССР ад 12 красавіка 1985 года ў азнаменаванне 40-годдзя Перамогі над фашысцкай Германіяй у Вялікай Айчыннай вайне 1941—1945 гг. Аўтары малюнка медаля — мастакі А. Г. Мірашнічэнка і В. А. Ермакоў.

Юбілейным медалём «Сорак гадоў Перамогі ў Вялікай Айчыннай вайне 1941—1945 гг.» узнагароджваюцца:

• усе ваеннаслужачыя і асобы вольнанаёмнага складу, якія прымалі ў шэрагах Узброеных Сіл Саюза ССР удзел у баявых дзеяннях на франтах Вялікай Айчыннай вайны,
• партызаны Вялікай Айчыннай вайны,
• удзельнікі савецкага падполля,
• а таксама іншыя асобы, узнагароджаныя медалямі
  • «За Перамогу над Германіяй у Вялікай Айчыннай вайне 1941—1945 гг.» і
  • «За Перамогу над Японіяй».
• Усе асобы, узнагароджаныя наступнымі медалямі:
  • «За доблесную працу ў Вялікай Айчыннай вайне 1941—1945 гг.»,
  • «За абарону Ленінграда»,
  • «За абарону Масквы»,
  • «За абарону Адэсы»,
  • «За абарону Севастопаля»,
  • «За абарону Сталінграда»,
  • «За абарону Каўказа»,
  • «За абарону Кіева» і
  • «За абарону Савецкага Запаляр'я».

Асобам, якія ўзнагароджаны медалямі «За абарону ...», уручаецца медаль з надпісам на адваротным боку «УЧАСТНИКУ ВОЙНЫ», а асобам, узнагароджаным медалём «За доблесную працу ў Вялікай Айчыннай вайне 1941—1945 гг.» — з надпісам на адваротным боку «УЧАСТНИКУ ТРУДОВОГО ФРОНТА».

Юбілейны медаль «Сорак гадоў Перамогі ў Вялікай Айчыннай вайне 1941—1945 гг.» носіцца на левым боку грудзей і размяшчаецца пасля юбілейнага медалю «Трыццаць гадоў Перамогі ў Вялікай Айчыннай вайне 1941—1945 гг.».

Юбілейны медаль «Сорак гадоў Перамогі ў Вялікай Айчыннай вайне 1941—1945 гг.» вырабляецца з латуні і мае форму правільнага круга дыяметрам 32 мм.

Усе надпісы і выявы на медалі выпуклыя. Края медаля абрамлены борцікам.

Медаль пры дапамозе вушка і кальца злучаецца з пяцікутнай калодкай, абцягнутай шаўковай муаравай стужкай шырынёй 24 мм з трыма падоўжнымі вузкімі чорнымі палоскамі, якія чаргуюцца з чатырма вузкімі палоскамі аранжавага колеру і адной — чырвонага колеру шырынёй 10 мм. Краю стужкі акантаваны вузкімі зялёнымі палоскамі. Такім чынам, левая палова стужкі паўтарае ў мініяцюры малюнак стужкі ордэна Славы.

На адным боку медаля на фоне пяціканцовай зоркі, лаўровых галін і агнёў святочнага салюту ў гонар Перамогі савецкага народа ў Вялікай Айчыннай вайне размешчаны выявы скульптурнай групы салдата, рабочага, калгасніцы і Спаскай вежы Маскоўскага Крамля; у верхняй частцы даты «1945» і «1985».

На адваротным боку медаля размешчаны: у верхняй частцы па акружнасці надпіс «УЧАСТНИКУ ВОЙНЫ» або «УЧАСТНИКУ ТРУДОВОГО ФРОНТА», у сярэдзіне — надпіс «40 лет Победы в Великой Отечественной войне 1941—1945 гг.», у ніжняй частцы — рэльефная выява сярпа і молата над стужкай. На медалях, адчаканеных для ўзнагароджання замежных грамадзян, надпісы на рэверсе медаля — «УЧАСТНИКУ ВОЙНЫ» або «УЧАСТНИКУ ТРУДОВОГО ФРОНТА» адсутнічаюць.

• Володин А. Н., Мерлай Н. М. Медали СССР. — СПб.: Печатный двор, 1997. — С. 50—51. — ISBN 5-7062-0111-0.
• Колесников Г. А., Рожков А. М. Ордена и медали СССР. — Мн.: Народная асвета, 1986. — С. 18—20, 55.

• Медалі і ордэны СССР

• Нагрудны знак «25 гадоў перамогі ў Вялікай Айчыннай вайне»

Медалі СССР
за адменнае адрозненне	«Залатая Зорка» «Серп і Молат»
за ваенныя заслугі	«За адвагу» «За баявыя заслугі» «Партызану Айчыннай вайны» Ушакова Нахімава «За адзнаку ў вайсковай службе» «За бездакорную службу» «Ветэран Узброеных Сіл СССР» «За ўмацаванне баявой садружнасці» «За адзнаку ў ахове дзяржаўнай мяжы СССР»
за абарону	Каўказа Кіева Ленінграда Масквы Адэсы Севастопаля Савецкага Запаляр'я Сталінграда
за вызваленне	Бялграда Варшавы Прагі
за ўзяцце	Берліна Будапешта Вены Кёнігсберга
за перамогу над	Германіяй Японіяй
за працу	«За працоўную доблесць» «За працоўную адзнаку» «За доблесную працу ў Вялікай Айчыннай вайне 1941—1945 гг.» «Ветэран працы» «За аднаўленне прадпрыемстваў чорнай металургіі поўдня» «За аднаўленне вугальных шахт Данбаса» «За асваенне цалінных зямель» «За будаўніцтва Байкала-Амурскай магістралі» «За пераўтварэнне Нечарназем'я РСФСР» «За асваенне нетраў і развіццё нафтагазавага комплексу Заходняй Сібіры»
«грамадзянскія»	«Медаль Мацярынства» «У памяць 800-годдзя Масквы» «У памяць 250-годдзя Ленінграда» «У памяць 1500-годдзя Кіева» «За выдатную службу па ахове грамадскага парадку» «За выратаванне тапельцаў» «За адвагу на пажары»
юбілейныя — УС СССР	20 гадоў 30 гадоў 40 гадоў 50 гадоў 60 гадоў 70 гадоў
юбілейныя — Перамога ў Вялікай Айчыннай вайне	20 гадоў 30 гадоў 40 гадоў
юбілейныя — іншыя	«У азнаменаванне 100-годдзя з дня нараджэння Уладзіміра Ільіча Леніна» «50 гадоў савецкай міліцыі»