Згуртаванне беларусаў Канады — арганізацыя беларускай дыяспары Канады. Заснавана 28 лістапада 1948 у Таронта 14-ю беларусамі, ініцыятарам і кіраўніком гэтай групы быў Кастусь Акула.

У сакавіку 1949 праз ЗБК было арганізавана святкавання Дня волі (25.3), а 28 мая 1949 у Таронта адбыўся 1-ы Агульны з'езд ЗБК, старшынёй Галоўнай управы ЗБК прызначаны Кастусь Акула. Былі заснаваныя аддзелы ЗБК у Таронта, Гамільтане, Лондане, Атаве, Садбуры і Манрэалі. На 4-м Агульным з'ездзе ЗБК (май 1952) большасць сяброў ЗБК выказала падтрымку Радзе і Ураду БНР і БАПЦ, меншая частка, якая выказвалася за апалітычнасць ЗБК, у выніку пакінула з'езд і заснавала Беларускае нацыянальнае аб'яднанне (БНА), а пры ім царкву Еўфрасінні Полацкай.

У 1951 пры ўніверсітэце Таронта дзякуючы ЗБК створаны лектарат беларусазнаўства (праіснаваў да 1953 года, калі яго лектар Вінцэнта Жук-Грышкевіча пераехаў у Мюнхен для працы ў беларускай рэдакцыі Радыё «Вызваленне» (цяпер Радыё «Свабода»). У 1952 праз ЗБК арганізаваная 1-я Сустрэча беларусаў Паўночнай Амерыкі, у тым жа годзе сябра ЗБК В. Жук-Грышкевіч рэпрэзентаваў беларусаў на «Пакс Романа», што адбываўся ў Таронта і Квебек-сіці. У 1953 годзе намаганнямі Вінцэнта Жук-Грышкевіча заснавана каса самапомачы — Belorussian (Toronto) Credit Union Ltd. Улетку 1954 ЗБК набыла дом на Дандас-стрыт, дзе БАПЦ адкрыла царкву Св. Кірылы Тураўскага. Але гэты дом мала адпавядаў патрэбам ЗБК, таму ў 1959 годзе быў прададзены (~10 млн. канадскіх дол.), і за сумесныя з БАПЦ грошы куплены будынак на Сант-Кларэнс авеню, 524, дзе быў створаны Беларускі рэлігійна-грамадскі цэнтр у Таронта. Пры старшыні ЗБК Антоне Маркевічу (2-я пал. 1950-х) ЗБК праз Таронтаўскае радыё арганізавала беларускія перадачы. ЗБК адзначаліся ўсе значныя для беларусаў і Беларусі святы і ўгодкі: Дзень беларускага друку, ладзіліся выстаўкі, імпрэзы і чытанні, у т.л. у супрацоўніцтве з іншымі беларускімі арганізацыямі Паўночнай Амерыкі, напрыклад з Беларускім інстытутам навукі і мастацтва ў Нью-Ёрку.

У студзені 1966 года заснаваны Каардынацыйны камітэт беларусаў Канады (ККБК), заснавальнікамі яго былі: Беларуская самапомач у Атаве, БНА, ЗБК, а ў 1967 далучыліся Беларускі інстытут навукі і мастацтва ў Канадзе і Саюз моладзі Канады, а ў 1980 годзе Згуртаванне беларусаў у правінцыі Квебек.

У 1967 В. Жук-Грышкевіч прыняў удзел у 2-й Канферэнцыі славян Канады, якая адбывалася пры ўніверсітэце Атавы, з дакладам "Беларусы і канадская статыстыка ў якім даводзіў, што беларусаў у Канадзе больш за 50 тысяч і яны мусяць быць адзначаны ў дзяржаўнай статыстыцы. Пасля гэтай канферэнцыі ў супрацоўніцтве з Беларускім інстытутам навукі і мастацтва ў Нью-Ёрку быў створаны Беларускі інстытут навукі і мастацтва ў Канадзе.

У 1960-я ЗБК удзельнічала ў грамадскім абмеркаванні дзяржаўнай моўнай палітыкі распачатым урадам Канады праз Камісію білінгвізму, ад ЗБК прадстаўлены былі два ліста — адзін ад магістра Алеся Грыцука, другі ад доктара Барыса Рагулі. У выніку камісія вырашыла, што Канада краіна двухмоўная і двухкультурная, але гэта было непрымальна для грамадзян Канады розных іншых этнічных прыналежнасцей, якія складалі тады каля 40 % насельніцтва Канады. Тады ў снежні 1968 года пад кіраўніцтвам сенатара Паўла Юзыка ў Таронта адбылася «Thinkers' Conference» па справе прававога стану культур этнічных груп. На гэтай канферэнцыі беларусаў прэзентаваў В. Жук-Грышкевіч. Канферэнцыя вынесла рэзалюцыю, каб дамагацца прызнання Канады краінай двухмоўнай, але шматкультурнай. У выніку ў 1971 годзе ў Канадзе абвешчана палітыка шматкультурнасці, а ў 1973 годзе створана Кансультатыўная рада па справах шматкультурнасці, якая складалася са 100 асоб — прадстаўнікоў розных этнічных груп Канады, якія ўсе былі прызначаныя ўрадам Канады, ад беларусаў была прызначаная Раіса Жук-Грышкевіч (займала пасаду 7 гадоў). Этнічныя арганізацыі былі незадаволены, што сябры Кансультатыўнай рады па справах шматкультурнасці былі прызначаныя ўрадам, без узгаднення з этнічнымі арганізацыямі, таму ў 1980 у Атаве заснаваная грамадская арганізацыя — Canadian Ethnocultural Council — CEC, што складалася з 36 этнічных арганізацый. У арганізацыі СЕС — Канадскай этнакультурнай рады ад ККБК бралі ўдзел Янка і Івонка Сурвілы, ККБК дагэтуль сябр-заснавальнік СЕС. З часам СЕС замяніла Кансультатыўная рада па справах шматкультурнасці (СССМ).

У сакавіку 1989 ЗБК праз ККБК арганізаваная 1-я Канферэнцыя прадстаўнікоў беларускага грамадства Канады, а таксама Канадскага фонду дапамогі ахвярам Чарнобыля ў Беларусі (арганізатар і старшыня Фонду — Івонка Сурвіла). На ўгодкі Чарнобыльскай катастрофы ў красавіку 1990 канадскія ўкраінцы арганізавалі масавую жалобную дэманстрацыю, узяць удзел у якой запрасілі і ККБК, ў часе дэманстрацыі старшыня ККБК выступіў з дакладам «Aftermath of Chernobyl in Belarus».

У 1991 ККБК арганізаваў 2-ю Канферэнцыю прадстаўнікоў беларускай абшчыны Канады, атрымаў на яе, як і на папярэднюю дзяржаўны грант. У 1993 годзе ЗБК, як сябра ЗБС «Бацькаўшчына», пад кіраўніцтвам Міколы Ганька арганізавала групавую паездку ў Мінск на 1-ы З'езд беларусаў свету. На гэтым З'ездзе выступалі з прывітальнымі прамовамі Старшыні ЗБК і ККБК, яны былі абраныя ў Вялікую раду ЗБС «Бацькаўшчына». У маі 1995 на 2-м Кангрэсе міжнароднай асацыяцыі беларусістаў у Мінску як дэлегат прыняла ўдзел Раіса Жук-Грышкевіч з дакладам «Роля беларускай эміграцыі ў Канадзе». У 1996 ЗБК дала даклад на іншую канферэнцыю ў Мінску, арганізаваную ЗБС «Бацькаўшчына» — «Культура беларускага замежжа — Канада».

• Беларускае слова (газета, Таронта)

• Жук-Грышкевіч Р. Гісторыя Згуртаваньня Беларусаў Канады // Гісторыя

• https://www.belarusian.ca — Афіцыйная старонка Згуртавання беларусаў Канады

Арганізацыі беларускай дыяспары
Аргенціна	Белавежа
Арменія	Ерэванская беларуская абшчына Арменіі «Беларусь»
Аўстралія	Беларускае аб’яднанне ў Аўстраліі Беларускі культурна-грамадскі клуб Беларускі вызвольны рух у Аўстраліі Задзіночанне беларускіх ветэранаў у Аўстраліі Федэральная рада беларускіх арганізацый у Аўстраліі Беларуска-аўстралійскае незалежнае аб’яднанне ў Новым Паўднёвым Уэльсе Аддзел Задзіночання беларускіх ветэранаў у Заходняй Аўстраліі Беларускі жаночы камітэт у Вікторыі Беларускі цэнтральны камітэт у Вікторыі Беларускае аб'яднанне ў Вікторыі Беларускае аб'яднанне ў Заходняй Аўстраліі Беларускае аб'яднанне ў Паўднёвай Аўстраліі Беларускае аб’яднанне ў Новым Паўднёвым Уэльсе (прыхільнікі Рады БНР)
Вялікабрытанія	Беларуская бібліятэка і музей імя Францішка Скарыны Згуртаванне беларусаў у Вялікай Брытаніі Хрысціянскае аб’яднанне беларускіх работнікаў у Вялікабрытаніі
Германія‎	Агульнабеларускі Саюз Вайскоўцаў Беларускі камітэт самапомачы Беларускі нацыянальны камітэт (Рэгенсбург) Беларускі нацыянальны цэнтр (1941) Беларускае прадстаўніцтва Беларуская гімназія імя Янкі Купалы Беларуская суполка RAZAM Інстытут вывучэння СССР
ЗША	Аб’яднанне беларускіх жанчын Беларускі інстытут навукі і мастацтва ў Нью-Ёрку Беларускі кангрэсавы камітэт Амерыкі Беларуска-амерыканскі грамадскі цэнтр Беларуска-амерыканскае аб’яднанне Беларуска-амерыканскае задзіночанне Беларуска-амерыканская нацыянальная рада Беларускі харытатыўна-адукацыйны фонд Вялікалітоўскі фонд імя Льва Сапегі Кангрэс беларусаў Амерыкі Полацак Саюз амерыканска-беларускіх ветэранаў Саюз беларуска-амерыканскай моладзі Фонд імя І. Любачкі Фундацыя імя Пётры Крэчэўскага
Канада	Беларускі выдавецка-мастацкі клуб «Пагоня» Згуртаванне беларусаў Канады Беларускі інстытут навукі і мастацтва ў Канадзе Каардынацыйны камітэт беларусаў Канады
Літва	Аб’яднанне студэнтаў-беларусаў Літоўскага ўніверсітэта імя Вітаўта Вялікага Сябрына Беларускае культурна-асветнае таварыства (Коўна) Беларуская грамада (Коўна)
Латвія‎	Бацькаўшчына Дзвінск Рыга Беларуская хата Дзвінская дзяржаўная беларуская гімназія Люцынская дзяржаўная беларуская гімназія
Расія‎	Арэнбургскі гурток беларусаў Беларус Беларускі гурток студэнтаў Пецярбургскай каталіцкай духоўнай акадэміі Беларускі навукова-літаратурны гурток Беларуская нацыянальна-культурная аўтаномія «Нёман» Беларускі нацыянальны камісарыят Беларуска-ўкраінскі камітэт помачы ахвярам вайны Беларускае вольнае эканамічнае таварыства (Петраград) Беларускае грамадска-культурнае таварыства (Санкт-Пецярбург) Беларуская вучнёўская грамада Беларуская народная грамада Беларуская сацыял-дэмакратычная рабочая партыя Таварыства ахвотнікаў беларускага народнага штукарства Беларуская хатка Арол Петраград Беларускае таварыства ў Петраградзе па аказанні дапамогі пацярпелым ад вайны
Украіна‎	Беларускі гай Беларускае зямляцтва пралетарскага студэнцтва
Чэхія	Беларускае (Крывіцкае) культурнае таварыства імя Ф. Скарыны Беларускі загранічны архіў Беларускі навуковы кабінет Карэспандэнцыйныя курсы беларусаведы
Эстонія	Беларуска-эстонскае згуртаванне