Заходняя Прусія Westpreußen
Правінцыя Прусіі 1773—1829, 1878—1920
Заходняя Прусія ў граніцах 1878 года
Даведкавая інфармацыя
Сталіца	Данцыг (1815—1829, 1878—1920)
Плошча	25.534,9 км² (1900)
Насельніцтва	1 563 658 чал. (1900)
Медыяфайлы на Вікісховішчы

Заходняя Прусія (ням.: Westpreußen) — правінцыя Каралеўства Прусіі на абодвух берагах ніжняга цячэння ракі Вісла са сталіцай у Данцыгу. Існавала з 1773 па 1829 і з 1878 па 1919.

Утворана 1772/1793 з тэрыторый, якія Прусія заваявала ў Раздзелах Рэчы Паспалітай. Фрыдрых II загадаў, каб новая правінцыя атрымала назву «Заходняя Прусія» і каб Герцагства Прусія, аб’яднанае з Эрмландам (Варміяй) насіла назву «Усходняя Прусія».

Назва «Заходняя Прусія» азначае захад гістарычнай прыбалтыйскай вобласці Прусія, а не узніклага ў 1701 аднайменнага каралеўства са сталіцай у Берліне (зямлі былога курфюрства Брандэнбург, якія сталі цэнтрам прускай дзяржавы Гогенцолернаў, знаходзяцца заходней Заходняй Прусіі). На працягу XIX стагоддзя з ходам тэрытарыяльнай экспансіі каралеўства Прусія на захад такая назва стала яшчэ больш умоўнай. Такі ж сэнс (адносна прыбалтыйскай тэрыторыі) мае і назва Усходняя Прусія (былое герцагства).

У 1939 годзе пасля ўключэння вольнага горада Данцыга ў склад Трэцяга рэйха была ўтворана рэйхсгау Данцыг-Заходняя Прусія.

Пасля 1945 года дзяржава Прусія была ліквідавана (фармальна ў лютым 1947 года), Заходняя Прусія і дзве траціны Усходняй Прусіі сталі часткай Польшчы (гл. Паморскае ваяводства), а адна трэць Усходняй Прусіі адышла да СССР.

Правінцыі Каралеўства Прусіі
Існавалі доўгі час	Усходняя Прусія · Заходняя Прусія · Брандэнбург · Памеранія · Позен · Саксонія · Сілезія · Вестфалія · Рэйнская правінцыя · Землі Гогенцолернаў · Шлезвіг-Гольштэйн · Гановер · Гесэн-Насау (1866/68)
Распушчаны	дыстрыкт Нетцэ · Паўднёвая Прусія · Новая Усходняя Прусія · Новая Сілезія (1807) · Ніжні Рэйн · Юліх-Клевэ-Берг (1822) · Прусія (1878)
Створаны	Ніжняя Сілезія · Верхняя Сілезія (1919) · Позен-Заходняя Прусія (1922) · Гале-Мерзебург · Кургесэн