Гісторыя беларускай (крыўскай) кнігі
Жанр	манаграфія
Аўтар	Вацлаў Ластоўскі
Мова арыгінала	беларуская
Дата першай публікацыі	1926
Месца публікацыі	Коўна
Колькасць старонак	776
Афармленне	Мсціслаў Дабужынскі
Тэкст твора ў Вікікрыніцах

«Гісторыя беларускай (крыўскай) кнігі: спроба паясніцельнай кнігапісі ад канца Х да пачатку ХІХ стагодзьдзя» — манаграфія Вацлава Ластоўскага, прысвечаная гісторыі беларускай літаратуры. Кніга была падрыхтаваная і выдадзеная ў 1926 годзе да 400-годдзя беларускага друку ў Вільні, якое шырока адзначыла беларуская эміграцыя^[1].

Кніга была падрыхтавана вельмі хутка, але перад гэтым вялася агромністая праца па вывучэнні гістарычных шляхоў беларускага пісьменства і друку і шэраг апублікаваных нарысаў^[1].

У 2012 манаграфія была перавыдадзеная факсімальным выданнем^[2].

У кнізе змешчана звыш 900 дакументаў, сярод якіх былі рукапісныя і друкаваныя кнігі, акты, размешчаныя паводле стагоддзяў і алфавіта. Каля паловы з іх атрымала разгорнутую характарыстыку. Дадзеныя таксама звесткі пра знаходжанне помнікаў пісьмовасці, пра іх аўтараў ды навуковыя і мастацкія ацэнкі^[1].

Каб было прасцей арыентавацца, у кнізе зроблены слоўнікавы і тэматычны паказальнік. У слоўнікавы ўключаны персанальныя, геаграфічныя і аўтарскія рубрыкі. У тэматычным старажытнабеларуская літаратура размеркаваная паводле зместу, што тады было новым для беларускай літаратуры і бібліяграфіі^[1].

Ілюстрацыйны матэрыял для кнігі падбіраўся з прыватных і дзяржаўных сховішчаў у розных краінах. Мастацкае афармленне выканаў Мсціслаў Дабужынскі, які жыў тады ў Літве^[1].

У «Przegłądze Wileńskim» (1927, № 10) аўтар рэцэнзіі выказваў захапленне стараннасцю і велізарнасцю працы Ластоўскага^[1].

Некаторыя крытыкі палічылі залішнімі звесткі з гісторыі або з гісторыі народнай асветы або іншых галін беларусазнаўства^[1].

У тагачасных палітычных і гістарычных умовах «Гісторыя беларускай (крыўскай) кнігі» не магла быць запатрабаванай у БССР^[1].

• Прадмова
• Уступ
• Канец Х-га і XІ стагодзьдзе
• XII стагодзьдзе
• XIII стагодзьдзе
• XIV стагодзьдзе
• XV стагодзьдзе
• XVI стагодзьдзе
• XVII стагодзьдзе
• XVIII стагодзьдзе
• Слоўнік помнікаў старакрыўскай (беларускай) пісьменнасьці
• Выказ імён і рэчаў
• Выказ старакрыўскай (беларускай) пісьменнасьці паводле зьместу
• Выказ аўтораў, творы каторых або мысьлі выкарыстаны пры апрацаваньні гэтай кнігі
• Важнейшыя папраўкі друку

• Ластоўскі, В. Гісторыя беларускай (крыўскай) кнігі. Спроба паясьніцельнай кнігопісі ад канца Х да пачатку ХІХ стагодзьдзя / В. Ластоўскі. — Коўна: Друкарня Сакалоўскага і Лана, 1926. — 776 с.; іл.

Саітава, В. І., Кузьмініч Т. В. Гісторыя беларускай бібліяграфіі. Тэксты лекцый для студэнтаў ІІ курса ФІДК і ФЗН (бел.). — Мінск: 2007.

• Ластоўскі, В. Гісторыя беларускай (крыўскай) кнігі // Adverbum.org.

Вацлаў Ластоўскі
Творы	Гісторыя Кароткая гісторыя Беларусі (1910) Гісторыя беларускай (крыўскай) кнігі (1926) Публіцыстыка Сплачвайце доўг (1913) Што трэба ведаць кажнаму беларусу (1918) Аповесці ‎Прыгоды Панаса і Тараса (1912) Лабірынты (1923) Мовазнаўства Падручны расійска-крыўскі (беларускі) слоўнік (1924)
Выданні	Наша Ніва Гоман Крывічанін Крывіч
Арганізацыі	Хрысціянская злучнасць Выдавецтва Урад БНР Сувязь нацыянальна-дзяржаўнага вызвалення Беларусі
Памяць	Дуб
Звязанае	Вянок