Аўстралійскі
Этап 1 з 19 2014
Дэталі гонкі
Дата	16 сакавіка 2014 (2014-03-16) 2014
Афіцыйная назва	2014 Formula 1 Rolex Australian Grand Prix
Месца	Альберт-парк, Мельбурн, Аўстралія
Трэк	Часовая гарадская траса 5,303 км
Дыстанцыя	57 кругоў, 302,271 км
Запланаваная дыстанцыя	58 кругоў, 307,574 км
Надвор'е	Пахмурна
Наведвальнасць	100,500
Поўл-пазіцыя
Пілот	Льюіс Хэмілтан	Mercedes
Час	1:44.231
Найхутчэйшы круг
Пілот	Ніка Розберг	Mercedes
Час	1:32,478 на крузе 19
Подыум
Першае месца	Ніка Розберг	Mercedes
Другое месца	Кевін Магнусэн	McLaren-Mercedes
Трэцяе месца	Джэнсан Батан	McLaren-Mercedes

Гран-пры Аўстраліі 2014 года (англ.: 2014 Formula 1 Rolex Australian Grand Prix) - гоначны этап Чэмпіяната Свету ў класе Формула-1, які адбыўся ў Мельбурне 16 сакавіка 2014 года на трасе ў Альберт Парке. Гэта было 29-ае з'яўленне дадзенага этапа ў Чэмпіянаце. Гонка з'яўлялася першым этапам сезона 2014 года і складалася з 58 кругоў. Падчас этапа адбыўся дэбют 1,6-літровых рухавікоў канфігурацыі V6 з турбанагнятальнікам, якія былі выкарыстаныя ўпершыню з Гран-Пры Аўстраліі 1988 года.

Перамогу ў гонцы атрымаў нямецкі пілот Mercedes Ніка Розберг і такім чынам атрымаў лідарства ў Чэмпіянаце. На другое месца ўзняўся дэбютант Формулы-1 Кевін Магнусэн на McLaren, які стаў першым пілотам з Даніі, што ўзняўся на п'едэстал у Формуле-1. Трэцяе месца, а таксама свой 50-ы подыум у кар'еры атрымаў Джэнсан Батан. Аўстралійскі пілот Red Bull Даніэль Рык'ярда, які фінішаваў другім, быў дыскваліфікаваны пасля гонкі за парушэнні нарматываў па ўзроўні паліва.

Гонка таксама была адметна новым рэкордам: 19-гадовы расіянін Данііл Квят стаў сама маладым пілотам, які атрымаў ачкі ў гонцы, і такім чынам пабіў рэкорд Себасцьяна Фетэля. Сам Фетэль перапыніў свой рэкорд з перамог у дзевяці гонках запар.

Першая сэсія кваліфікацыі адбывалася ў добрых умовах надвор'я, але ўвесь час існавала магчымасць дажджу. Даніэль Рык'ярда праявіў сябе найлепшым чынам ў новай камандзе і паставіў найлепшы вынік у дэбюце кваліфікацыі, які служыў арыентырам для астатніх пілотаў. Каманда Lotus адчувала вялікія праблемы: Пастор Мальданада ўвогуле не здолеў паказаць які-небудзь час, а яго партнёр Раман Гражан здолеў кваліфікавацца толькі на апошнім, 21-ым месцы. Макс Чылтан пераўзышоў вынік свайго партнёра па Marussia Жуля Б'яншы, але не здолеў трапіць ў другую сэсію. Адметны быў вынік Камуі Кабаясі на Caterham - японскі пілот трапіў у другую сэсію.

Стан надвор'я ў другой сэсіі крыху пагоршыўся: пакрыццё трасы стала слізкім. Першай ахвярай дрэннага надвор'я стаў Кімі Райканен, чый балід завярнуўся пад канец сэсіі, што ў сваю чаргу сапсавала хуткія кругі для астатніх пілотаў. Джэнсан Батан і Себасцьян Фетэль не здолелі тарпіць у трэцюю сэсію менавіта з-за жоўтых сцягоў пад канец другога кваліфікацыйнага адрэзка. Пазней было таксама адзначана, што Фетэль адчуваў пэўныя праблемы з рухавіком.

Дождж узмацніўся падчас трэцяй кваліфікацыйнай сэсіі, што прымусіла некаторых пілотаў пачынаць яе на дажджавой гуме. Асноўная барацьба за поўл-пазіцыю праходзіла паміж двума пілотамі Mercedes Ніка Розбергам і Льюісам Хэмілтанам, а таксама пілотам Red Bull Даніэлем Рык'ярда. Хэмілтан выйграў поўл-пазіцыю, Рык'ярда атрымаў для сябе найлепшы вынік у кар'еры і другое месца, Розберг стаў трэцім. Добрыя вынікі атрымала каманда Williams, чые абодва пілоты трапілі ў заключную сэсію кваліфікацыі, чаго не адбывалася з 2012 года.

Гонка пачалася а сямнаццатай гадзіне па меснаму часу ў спрыяльных умовах надвор'я. Макс Чылтан і Жуль Б'яншы заглухнулі на стартавай прамой: Чылтан перад кругам прагрэва, а Б'яншы пасля. У выніку пелатону давялося праехаць другі запар круг прагрэва. Раман Гражан стартаваў з піт-лэйн з-за мадыфікацый баліда, якія былі зроблены падчас камендантскай гадзіны, а таксама быў пакараны праездам па піт-лэйн за выезд з гаража да 15-хвіліннага сігнала. Падчас старта Феліпэ Маса, Камуі Кабаясі і Кімі Райканен сутыкнуліся на стартавай прамой, у выніку чаго Маса і Кабаясі спынілі ўдзел у гонцы. Райканен здолеў працягнуць без пашкоджанняў. Пазней было падцверджана, што на балідзе Кабаясі адказалі тармаза на задніх колах.

Падчас старта ў галаве пелатона Ніка Розберг выбраўся на першую пазіцыю яшчэ да ўвахода ў першы паварот. У той жа час уладальнік поўл-пазіцыі Льюіс Хэмілтан і дзеючы Чэмпіён Себасцьян Фетэль зышлі з гонкі падчас першых пяці кругоў з-за праблем з рухавікамі. Фетэль паступова страчваў магутнасць, адкатваўся ў глыбіню пелатона і спыніўся ў боксах пасля 3 кругоў дыстанцыі. Хэмілтана зазвалі ў боксы кругам раней.

Ніка Розберг дамінаваў у гонцы да самага канчатку, нікому не саступіўшы лідарства. Розберг таксама паказаў найхутчэйшы круг і фінішаваў з 25-сэкунднай перавагай над Даніэлем Рык'ярда. Рыкярда фінішаваў другім і стаў першым аўстралійцам, які здолеў даехаць да п'едэстала ў дамашняй для сябе гонцы. Кевін Магнусэн у сваёй дэбютнай гонцы ў Формуле-1 атрымаў трэцяе месца і тым самым паўтарыў вынік Льюіса Хэмілтана 2007 года. Адментна, што абодва выступалі за McLaren і стартвалі з чацвёртага радка.

Чацвёртым на фініш заехаў Джэнсан Батан, пятым быў Фернанда Алонса. Вальтэры Ботас атрымаў шостае месца дзякуючы сваёй актыўнасці ў пелатноне. Ботас стартаваў пятнаццатым, але ўжо к адзінаццатаму кругу быў ў ачковай зоне. На адзінаццатым крузе Ботас зрабіў памылку на выхадзе з паварота і атрымаў пракол задняга правага кола, што адштурхнула яго на некалькі пазіцый уніз. Але таму зноў удалося вярнуцца ў барацьбу і атрымаць добрыя ачкі. Незадавльняючы вынік - восьмае месца - атрымаў леташні пераможца гран-пры Кімі Райканен, які зараз выступае за Ferrari. Жан-Эрык Вернь фінішаваў дзявятым, а дэбютант Формулы-1 Данііл Квят даехаў да дзясятага месца і стаў наймаладзейшым пілотам, які атрымаў ачкі ў гонках Формулы-1.

Фетэль упершыню з ліпеня 2013 не змог атрымаць перамогу, тым самым яго пабедная серыя з 9 гонак была спынена.

Пасля гонкі Даніэля Рык'ярда, які заняў другое месца дыскваліфікавалі. Такім чынам Кевін Магнусэн узняўся на другую прыступку, а Джэнсан Батан на трэцюю. Рык'ярда выключылі з вынікаў з-за парушэння артыкула 5.1.4. тэхнічнага рэгламента, які рэгулюе максімальна дазволеныя паказчыкі цыркуляцыі паліва, якое паступае ў рухавік. Таксама Red Bull абвінавачваўся ў недазволеных метадах вымярэння цыркуляцыі паліва. Каманда падала пратэст, але безвынікова.

Камуі Кабаясі быў абвешчаны невінаватым у сутыкненні з Феліпэ Масай падчас старта, бо аварыя была выклікана тэхнічнымі непаладкамі на Caterham японскага пілота, а менавіта праблемамі за тармазамі.

Пазіцыя	№	Пілот	Канструктар	Q1	Q2	Q3	На старце
1	44	Льюіс Хэмілтан	Mercedes	1:31.699	1:42.890	1:44.231	1
2	3	Даніэль Рык'ярда	Red Bull-Renault	1:30.775	1:42.295	1:44.548	2
3	6	Ніка Розберг	Mercedes	1:32.564	1:42.264	1:44.595	3
4	20	Кевін Магнусэн	McLaren-Mercedes	1:30.949	1:43.247	1:45.745	4
5	14	Фернанда Алонса	Ferrari	1:31.388	1:42.805	1:45.819	5
6	25	Жан-Эрык Вернь	Toro Rosso-Renault	1:33.488	1:43.849	1:45.864	6
7	27	Ніка Хюлькенберг	Force India-Mercedes	1:33.893	1:43.658	1:46.030	7
8	26	Данііл Квят	Toro Rosso-Renault	1:33.777	1:44.331	1:47.368	8
9	19	Феліпэ Маса	Williams-Mercedes	1:31.228	1:44.242	1:48.079	9
10	77	Вальтэры Ботас	Williams-Mercedes	1:31.601	1:43.852	1:48.147	151
11	22	Джэнсан Батан	McLaren-Mercedes	1:31.396	1:44.437		10
12	7	Кімі Райканен	Ferrari	1:32.439	1:44.494		11
13	1	Себасцьян Фетэль	Red Bull Racing-Renault	1:31.931	1:44.688		12
14	99	Адрыян Зуціл	Sauber-Ferrari	1:33.673	1:45.655		13
15	10	Камуі Кабаясі	Caterham F1-Renault	1:34.274	1:45.867		14
16	11	Серхіа Перэс	Force India-Mercedes	1:34.141	1:47.293		16
17	4	Макс Чылтан	Marussia F1-Ferrari	1:34.293			Піт-лэйн2
18	17	Жуль Б'яншы	Marussia F1-Ferrari	1:34.794			Піт-лэйн2
19	21	Эстэбан Гуцьерэс	Sauber-Ferrari	1:35.117			203
20	9	Маркус Эрыксан	Caterham F1-Renault	1:35.157			19
21	8	Раман Гражан	Lotus F1-Renault	1:36.993			Піт-лэйн2
Час 107%: 1:37,129 хв. (ад найлепшага выніка К1 1:30,775 хв.)
DNQ	13	Пастор Мальданада	Lotus F1-Renault	Няма часу4			21
Крыніца:[1]

Заўвагі:

1. ↑  — Вальтэры Ботас атрымаў штраф у 5 пазіцый за замену скрыні перадач.
2. ↑  — Стартаваў з піт-лэйн.
3. ↑  — Эстэбан Гуцьерэс атрымаў штраф у 5 пазіцый за замену скрыні перадач.
4. ↑  — Пастор Мальданада не здолеў паказаць час, які ўкладваецца ў правіла 107% ад часу найхутчэйшага кола Даніэля Рык'ярда у першай кваліфікацыйнай сэсіі. Пазней яму дазволілі стартаваць.

Паз.	Пілот	Канструктар	Кругі	Піт-стопы	Час	Старт	Найхутчэйшы круг
01	Ніка Розберг	Mercedes	57	2	1:32:58,710	03	1:32,478 (19)
02	Кевін Магнусэн	McLaren-Mercedes	57	2	+ 26,777	04	1:32,917 (39)
03	Джэнсан Батан	McLaren-Mercedes	57	2	+ 30,027	10	1:33,186 (57)
04	Фернанда Алонса	Ferrari	57	2	+ 35,284	05	1:32,616 (56)
05	Вальтэры Ботас	Williams-Mercedes	57	2	+ 47,639	15	1:32,568 (56)
06	Ніка Хюлькенберг	Force India-Mercedes	57	2	+ 50,718	07	1:33,210 (56)
07	Кімі Райканен	Ferrari	57	2	+ 57,675	11	1:33,691 (56)
08	Жан-Эрык Вернь	Toro Rosso-Renault	57	2	+ 1:00,441	06	1:33,864 (35)
09	Данііл Квят	Toro Rosso-Renault	57	2	+ 1:03,585	08	1:32,634 (38)
10	Серхіа Перэс	Force India-Mercedes	57	3	+ 1:25,916	16	1:33,366 (34)
11	Адрыян Зуціл	Sauber-Ferrari	56	1	+ 1 Круг	13	1:34,564 (41)
12	Эстэбан Гуцьерэс	Sauber-Ferrari	56	2	+ 1 Круг	20	1:34,202 (33)
13	Макс Чылтан	Marussia F1-Ferrari	55	2	+ 2 Кругі	17	1:35,635 (55)
НК	Жуль Б'яншы1	Marussia F1-Ferrari	49	2	+ 8 Кругоў	18	1:35,281 (41)
–	Раман Гражан	Lotus F1-Renault	43	2	DNF	ПЛ	1:34,766 (30)
–	Пастор Мальданада	Lotus F1-Renault	29	1	DNF	21	1:37,332 (17)
–	Маркус Эрыксан	Caterham F1-Renault	27	1	DNF	19	1:37,064 (26)
–	Себасцьян Фетэль	Red Bull Racing-Renault	03	0	DNF	12	1:49,947 (02)
–	Льюіс Хэмілтан	Mercedes	02	0	DNF	01	1:40,287 (02)
–	Феліпэ Маса	Williams-Mercedes	00	0	DNF	09	–
–	Камуі Кабаясі	Caterham F1-Renault	00	0	DNF	14	–
DSQ	Даніэль Рык'ярда2	Red Bull-Renault	57	2	+ 24,525	02	1:33,066 (49)

Заўвагі:

1. ↑  — Жуль Б'яншы не праехаў 90% гонкі, таму не класіфікаваны сярод тых, хто фінішавалі
2. ↑  — Даніэль Рык'ярда быў дыскваліфікаваны за парушэнні тэхнічнага рэгламента па кантролю за цыркуляцыяй паліва.

Пазіцыі пілотаў у чэмпіянаце

Пазіцыя	Пілот	Ачкі
1	Ніка Розберг	25
2	Кевін Магнусэн	18
3	Джэнсан Батан	15
4	Фернанда Алонса	12
5	Вальтэры Ботас	10

Пазіцыі канструктараў у чэмпіянаце

Пазіцыя	Канструктар	Ачкі
1	McLaren-Mercedes	33
2	Mercedes	25
3	Ferrari	18
4	Williams-Mercedes	10
5	Force India-Mercedes	9

• Заўвага: Адлюстраваныя толькі першыя 5 пазіцый.

• grandprix.com.au — афіцыйны сайт Гран-Пры Аўстраліі