Віктар Паўлавіч Нікалайкін
| Віктар Паўлавіч Нікалайкін | |||||||
|---|---|---|---|---|---|---|---|
|
| |||||||
|
|||||||
| Прэзідэнт | Аляксандр Лукашэнка | ||||||
| Кіраўнік урада | Сяргей Сідорскі Міхаіл Мясніковіч Андрэй Кабякоў Сяргей Румас |
||||||
| Губернатар | Аляксандр Косінец Мікалай Шарснёў |
||||||
| Папярэднік | Пётр Віктаравіч Драздоў | ||||||
| Пераемнік | Вадзім Уладзіміравіч Заранкін | ||||||
|
|
|||||||
| Нараджэнне |
19 верасня 1961 (62 гады) |
||||||
| Адукацыя |
|
||||||
| Узнагароды |
 Ганаровая грамата Савета Міністраў Рэспублікі Беларусь (28 лістапада 2022) |
||||||
Віктар Паўлавіч Нікалайкін (нар. 19 верасня 1961, в. Сівінка, Веткаўскі раён, Гомельская вобласць) — старшыня Віцебскага гарвыканкама (2009—2019), дэпутат Палаты прадстаўнікоў Нацыянальнага сходу Рэспублікі Беларусь 7-га і 8-га скліканняў.
Біяграфія
[правіць | правіць зыходнік]У 1983 годзе скончыў Беларускі політэхнічны інстытут па спецыяльнасці «арганізацыя і бяспека дарожнага руху»; працаваў інжынерам аўтакалоны № 2459 Віцебскага аблаўтаўпраўлення, начальнікам калоны № 5. З 1984 па 1989 гады — на камсамольскай рабоце: другі сакратар Чыгуначнага раённага камітэта ЛКСМБ г. Віцебска, сакратар, другі сакратар Віцебскага гарадскога камітэта ЛКСМБ. З 1989 года працаваў загадчыкам аддзела Віцебскага гарадскога выканаўчага камітэта, займаў пасаду кіраўніка адміністрацыі Кастрычніцкага раёна Віцебска. З 15 лістапада 2007 года — намеснік старшыні Віцебскага абласнога выканаўчага камітэта.
З красавіка 2009 года выконваў абавязкі старшыні Віцебскага гарадскога выканаўчага камітэта. На 12-й пазачарговай сесіі Віцебскага гарадскога Савета дэпутатаў 21 красавіка 2012 года па ўзгадненні з А. Лукашэнкам быў зацверджаны дэпутатамі на пасадзе старшыні Віцебскага гарадскога выканаўчага камітэта.
На парламенцкіх выбарах, якія прайшлі 17 лістапада 2019 года, балатаваўся ў Палату прадстаўнікоў Нацыянальнага сходу Рэспублікі Беларусь 7-га склікання па выбарчай акрузе № 17 «Віцебская-Горкаўская». Па выніках галасавання набраў 44 566 галасоў (84,08 % ад 53 006 выбаршчыкаў, якія прынялі ў галасаванні)[1]. У сувязі з абраннем у парламент у снежні 2019 года быў вызвалены з пасады старшыні Віцебскага гарадскога выканаўчага камітэта[2]. У Палаце прадстаўнікоў заняў пасаду старшыні Пастаяннай камісіі па жыллёвай палітыцы і будаўніцтве.
З 2024 года дэпутат Палаты прадстаўнікоў Нацыянальнага сходу Рэспублікі Беларусь 8-га склікання.
Узнагароды
[правіць | правіць зыходнік]У 2013 годзе Віктар Нікалайкін быў ўдастоены звання «Чалавек года Віцебшчыны». 3 снежня 2014 года быў узнагароджаны ордэнам Пашаны[3]. Узнагароджаны Ганаровай граматай Савета Міністраў Рэспублікі Беларусь (2022)[4].
Зноскі
- ↑ [rec.gov.by/sites/default/files/pdf/2019/itog_2.pdf Витебская область. Сведения о результатах голосования] (руск.). Цэнтральная камісія Рэспублікі Беларусь па выбарах і правядзенні рэспубліканскіх рэферэндумаў. Праверана 1 лютага 2020.
- ↑ Должность мэра Витебска вакантна: с сайта горисполкома убрали информацию о Николайкине (руск.)(недаступная спасылка). TUT.BY (19 снежня 2019). Архівавана з першакрыніцы 1 лютага 2020. Праверана 1 лютага 2020.
- ↑ Мэра Витебска Виктора Николайкина наградили орденом Почета. Народныя навіны Віцебска (17 снежня 2014). Праверана 1 лютага 2020.
- ↑ ПАСТАНОВА САВЕТА МІНІСТРАЎ РЭСПУБЛІКІ БЕЛАРУСЬ 28 лістапада 2022 г. № 819 Аб узнагароджанні Ганаровай граматай Савета Міністраў Рэспублікі Беларусь
Text is available under the CC BY-SA 4.0 license; additional terms may apply.
Images, videos and audio are available under their respective licenses.
