Вялікая пячатка ЗША
Вялікая пячатка ЗША (англ.: Great Seal of the United States) — дзяржаўная эмблема, ужываецца для пацвярджэння сапраўднасці дакументаў выпушчаных урадам Злучаных Штатаў Амерыкі.
Вялікая пячатка ЗША мае два бакі. Выяву на пярэднім баку (аверсе) часта называюць гербам ЗША, бо з агульнапрынятым значэнні гербу ў ЗША няма.
Апісанне
[правіць | правіць зыходнік]![](https://upload.wikimedia.org/wikipedia/commons/thumb/5/5c/Great_Seal_of_the_United_States_%28obverse%29.svg/250px-Great_Seal_of_the_United_States_%28obverse%29.svg.png)
Пярэдні бок
[правіць | правіць зыходнік]На пярэднім боку пячаткі выяўлены белагаловы арлан. У адной лапе ён трымае 13 стрэл, у другой — аліўкавую галіну, якія сімвалізуюць, што Злучаныя Штаты Амерыкі «хочуць міру, але заўсёды гатовы да вайны». Аліўкавая галіна традыцыйна выяўлена з 13 лістамі і 13 аліўкамі. Галава арла павернута ў бок аліўкавай галіны, што значыць перавагу міру над вайной. У дзюбе арол трымае стужку з надпісам на лацінскай мове «E Pluribus Unum», што значыць «Са шматлікіх — адзінае». Над галавой арла размешчаны 13 зорак у блакітным воблаку. Зоркі размешчаны ў шэрагах 1-4-3-4-1, утвараюць шасціканцовую зорку. На грудзях у арла шчыт з блакітнай гарызантальнай паласой уверсе і 13 вертыкальнымі чырвонымі і сярэбранымі палосамі.
Адваротны бок
[правіць | правіць зыходнік]![](https://upload.wikimedia.org/wikipedia/commons/thumb/4/45/Great_Seal_of_the_United_States_%28reverse%29.svg/250px-Great_Seal_of_the_United_States_%28reverse%29.svg.png)
На адваротным боку пячаткі выяўлена няскончаная піраміда, яе вяршыню вянчае вока ў трохвугольніку. Піраміда складзена з трынаццаці ўзроўняў, традыцыйна сімвалізуе 13 штатаў, якія першапачаткова ўваходзілі ў склад ЗША — Масачусетс, Канектыкут, Род-Айленд, Нью-Гэмпшыр, Нью-Ёрк, Нью-Джэрсі, Пенсільванію, Дэлавер, Вірджынію, Мэрыленд, Паўночную Караліну, Паўднёвую Караліну, Джорджыю. На першым узроўні напісана дата 1776 год рымскімі лічбамі — MDCCLXXVI. Вока на вяршыні піраміды — усёвідушчае вока. Надпіс «Annuit cœptis» значыць «Яно добразычлівае да нашых пачынанняў». Фраза, напісаная на стужцы пад пірамідай, абвяшчае «Novus Ordo Seclorum» — «Новы парадак навекі».
Спіс элементаў лікам трынаццаць
[правіць | правіць зыходнік]- 13 зорак
- 13 вертыкальных палос на шчыце
- 13 стрэл у лапе арла
- 13 лістоў і 13 маслін на аліўкавай галіне
- па 13 літар у надпісах «E Pluribus Unum» і «Annuit cœptis»
- 13 цагляных узроўняў піраміды, а вакол яе — 13 пучкоў травы
Як выглядае пячатка
[правіць | правіць зыходнік]-
Вялікая пячатка ЗША
-
Працэс адбівання пячаткі прэсам
-
Адбітак пячатка
Цікавыя факты
[правіць | правіць зыходнік]![](https://upload.wikimedia.org/wikipedia/commons/thumb/1/1d/United_States_one_dollar_bill%2C_reverse.jpg/220px-United_States_one_dollar_bill%2C_reverse.jpg)
Вялікую пячатку ЗША з 1935 года выяўляюць на адваротным боку банкноты $ 1. Злева выява адваротнага боку пячаткі, справа — пярэдняга боку.
Гл. таксама
[правіць | правіць зыходнік]- Сцяг ЗША
- Пячатка прэзідэнта Злучаных Штатаў
Спасылкі
[правіць | правіць зыходнік]- Вялікая пячатка Злучаных Штатаў Архівавана 11 снежня 2007.
- www.greatseal.com (англ.)
- The Great Seal of the United States PDF, (англ.)
Пячаткі штатаў ЗША | ||
---|---|---|
Штаты | Айдаха · Аёва · Алабама · Аляска · Арызона · Арканзас · Ваёмінг · Вашынгтон · Вермонт · Вірджынія · Вісконсін · Гаваі · Дэлавэр · Джорджыя · Заходняя Вірджынія · Ілінойс · Індыяна · Каліфорнія · Канзас · Кентукі · Каларада · Канектыкут · Луізіяна · Масачусетс · Мінесота · Місісіпі · Місуры · Мічыган · Мантана · Мэн · Мэрыленд · Небраска · Невада · Нью-Гэмпшыр · Нью-Джэрсі · Нью-Ёрк · Нью-Мексіка · Агая · Аклахома · Арэгон · Пенсільванія · Род-Айленд · Паўночная Дакота · Паўночная Караліна · Тэнесі · Тэхас · Фларыда · Паўднёвая Дакота · Паўднёвая Караліна · Юта | |
Федэральны акруга | Акруга Калумбія | |
Астраўныя тэрыторыі | Амерыканскае Самоа · Віргінскія Астравы · Гуам · Паўночныя Марыянскія астравы · Пуэрта-Рыка | |
Гл. таксама | Канфедэратыўныя Штаты Амерыкі · Вялікая пячатка ЗША |
Text is available under the CC BY-SA 4.0 license; additional terms may apply.
Images, videos and audio are available under their respective licenses.