Васіль Цімафеевіч Рагуля
Пасол I кадэнцыі сейма Польскай Рэспублікі 5 лістапада 1922 — 27 лістапада 1927
Сенатар II кадэнцыі Польскай Рэспублікі 1928 — 1928
Нараджэнне	16 (28) ліпеня 1879 Ачукевічы, Навагрудскі павет, Мінская губерня, Расійская імперыя
Смерць	16 чэрвеня 1955(1955-06-16) (75 гадоў) ці 1955 Нью-Ёрк, Нью-Ёрк, ЗША
Партыя	Беларускі сялянскі саюз
Член у	Беларускі пасольскі клуб
Адукацыя	Віленскі настаўніцкі інстытут[d]
Дзейнасць	палітычная дзейнасць[d][1], social engagement[d][1] і публіцыстыка[1]
Медыяфайлы на Вікісховішчы

Васіль Цімафеевіч Рагуля (16 (28) чэрвеня 1879, в. Ачукевічы, Навагрудскі павет, Мінская губерня (цяпер Навагрудскі раён, Гродзенская вобласць) — 16 чэрвеня 1955, Нью-Ёрк, ЗША) — беларускі палітычны і грамадскі дзеяч, публіцыст.

Скончыў Віленскі настаўніцкі інстытут (1900). Настаўнічаў у Мінскім павеце, у Смаргоні і ў Мінску. Арыштаваны ў 1906 за ўдзел у рэвалюцыйных падзеях. Падчас Першай сусветнай вайны ваяваў на Заходнім фронце. У 1917 уступіў у Расійскую дэмакратычную партыю. Удзельнік 1-га Усебеларускага кангрэса (1917) у Мінску. У 1918 выкладаў у навучальных установах Мінска.

Падчас польскай акупацыі ўваходзіў у Расійскую аб'яднаную радыкальна-дэмакратычную групу. З лета 1920 у Чырвонай Арміі; у красавіку 1921 пакінуў яе і вярнуўся ў родную вёску. У 1922 абраны дэпутатам польскага сейма, увайшоў у Беларускі пасольскі клуб. Адзін з ініцыятараў стварэння і кіраўнікоў Беларускага сялянскага саюза. У снежні 1925 быў членам ініцыятыўнай групы па стварэнні Беларускага інстытута гаспадаркі і культуры. У 1928 абраны сенатарам, але хутка пазбаўлены парламенцкага імунітэту і зняволены на 2 гады. Пасля вызвалення вярнуўся ў родную вёску.

З верасня 1939 настаўнічаў у мясцовай школе. Арыштаваны 20 чэрвеня 1941. З пачаткам вайны збег з-пад арышту. Быў прызначаны бургамістрам Дзятлаўскага раёна. З 1944 у Германіі, потым у Бельгіі. У 1950 пераехаў у ЗША. Аўтар успамінаў.

• Прамовы паслоў Беларускага пасольскага клубу. Вільня, 1926;
• Успаміны. Нью Ёрк, 1957.

• Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — 591 с. — 10 000 экз. — ISBN 985-11-0214-8.
• Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 2 / Укладальнік Л. У. Маракоў. — Смаленск, 2003.
• Ляхоўскі У. В., Міхнюк У. М. Рагуля Васіль Цімафеевіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 202. — 10 000 экз. — ISBN 985-11-0035-8. — ISBN 985-11-0216-4 (т. 13).

• Гардзіенка А. Лісты Васіля Рагулі да Юркі Віцьбіча // ARCHE № 2(22)-2002 Архівавана 4 сакавіка 2016. — Эл.рэсурс arche.bymedia.net