Беларусы ў Малдове — нацыянальная меншасць у Малдове. Складае каля 20 тыс. чалавек, ці 0,5 % насельніцтва краіны.

Гісторыя з’яўлення беларускай дыяспары ў Малдове малавядомая. Міграцыя беларусаў у Малдову была нязначнай як у 14—16 стст., калі левабярэжная частка Малдовы ўваходзіла ў склад ВКЛ, гэтак і ў 18—19 стст., калі частка Малдовы была захопленая Расіяй. У 1374 годзе на пасад Малдаўскага княства быў запрошаны ліцвінскі князь Юрый Карыятавіч, які, праўда, быў атручаны ў тым самым годзе.

Невялікая ўстойлівая беларуская дыяспара ўзнікла ў краіне толькі пасля 2-й сусветнай вайны. У 1959 годзе ў Малдове жыло каля 9 тыс. беларусаў, да 1989 іх колькасць узрасла да 20 тыс. Тым не менш у савецкі час беларусы практычна не мелі тут сваіх нацыянальных культурна-асветных асяродкаў. Беларусы прыяжджалі перадусім на будоўлі, па арганізаваных наборах, абавязковым размеркаванні навучэнцаў, сямейных абставінах. Вялікая колькасць беларускіх спецыялістаў і вучоных была накіравана з Беларусі для аказання садзейнічання ў пасляваенным узнаўлення розных відаў галін эканомікі Малдовы. Гэта аказала вызначальны ўплыў на фарміраванне якаснага характару беларускай нацыянальнай меншасці Малдовы, які складаецца з прадстаўнікоў навуковае і творчае інтэлігенцыі, якія зрабілі свой уклад у развіццё навукі, сельскай гаспадаркі, культуры, мастацтвы краіны.

Так, заснавальнікам малдаўскай школы мастакоў стаў выхадзец з Ашмян, мастак і педагог Уладзімір Акушка. Ён і яго сын пакінулі пасля сябе працы, якія ўвайшлі ў фонд Нацыянальнага мастацкага і гістарычнага музеяў Малдовы, яны падрыхтавалі і навучылі цэлую плеяду малдаўскіх скульптараў і мастакоў. У 1953—1970 у Кішынёве выкладаў і працаваў народны мастак БССР Г. Вашчанка. З 1945 г. у медыцынскым інстытуце Кішынёва працаваў доктар медыцынскых навук, прафесар Е. Кучынскі, які да 1967 узначальваў кафедру фізіялогіі. У 1974—1988 доктар медыцынскых навук, прафесар У. Еранкоў таксама ўзначальваў кафедру Кішынёўскага медінстытуту. Доктар медыцынскых навук, прафесар, заслужаны дзеяч навукі Малдаўскай ССР Ф. Агейчанка ў 1945—1954 гг. працаваў у Кішынёўскім медінстытуце.

У першай Кішынёўскай гімназіі на працягу 25 гадоў — да 1900 выкладаў рускую мову і літаратуру педагог, пісьменнік і навуковец А. Шыманоўскі. У 1951—1990 расійскую і замежную літаратуру ў Кішынёўскім дзяржаўным універсітэце выкладала доктар філалагічных навук, прафесар, літаратуразнавец Т. Васільева. У галіне земляробства, садоўніцтва і вінаробства Малдовы працавалі выпускнікі Беларускай сяльгасакадэміі. Пад кіраваннем заслужанага дзеяча навукі і тэхнікі Малдаўскай ССР, доктара сельскагаспадарчых навук, прафесара B. Чатыркіна ў свой час былі дасягнуты вялікія поспехі ў галіне развіцця селекцыйнае жывёлагадоўлі краіны. Вядомы арганізатар сельскагаспадарчае навукі ў МССР доктар сельскагаспадарчых навук, прафесар П. Герасімовіч быў адным з першых кіраўнікоў Кішынёўскага сельскагаспадарчага інстытута. Пасля вайны засноўваў інстытут і падрыхтоўваў кадры доктар сельскагаспадарчых навук, загадчык кафедры земляробства Г. Ваньковіч. Доктар фізіка-матэматычных навук, прафесар, лаўрэат Дзяржаўнае прэміі Малдовы ў галіне навукі і тэхнікі Э.Сенакосаў падрыхтаваў 8 кандыдатаў фізіка-матэматычных навук, атрымаў звыш за 20 аўтарскіх патэнтаў, арганізаваў кафедра цвёрдацельнае электронікі і мікраэлектронікі і навукова-даследчая лабараторыя паўправаднікоў пераўтваральнікаў. З 1935 і да сярэдзіны 1980-х гадоў у Малдове працаваў мікрабіёлаг і педагог, доктар біялагічных навук, прафесар І. Захараў.

Са здабыццём у 1991 Беларуссю і Малдовай незалежнасці частка беларусаў вярнулася на радзіму (1673 чалавекі ў 1991—1995), невялікая колькасць прыбыла ў Малдову (45 чалавек у 1995). У 1990-я ў Малдове былі створаныя Беларуская грамада ў Кішынёве, пры якой была заснавана нядзельная школа, суполка «Беларусь» у Бендэрах, аддзел беларускай літаратуры пры адной з бібліятэк Кішынёва і г. д. У 1997 паміж Беларуссю і Малдовай было падпісана пагадненне пра абарону правоў і інтарэсаў беларусаў у Малдове і малдаванаў у Беларусі.

Агульная колькасць беларусаў, аб’яднаных у розныя грамадскія арганізацыі дыяспары ў гарадох Кішынёў, Цярэспаль, Бельцы, Бендэры, Грыгарыёпаль і Рыбніца, налічвае каля 2300 чалавек. Вышэйшым каардынацыйным і дарадчым органам беларускіх суполак з’яўляецца створаная ў 2000 Кардынацыйная рада кіраўнікоў беларускіх абшчын Малдовы, якая на сваіх паседжаннях з удзелам прадстаўнікоў пасольства Беларусі ў Малдове сцвярджае план мерапрыемстваў і арганізуе дзейнасць грамадскіх аб’яднанняў. Старшыня Кардынацыйнага савета абіраецца штогод большасцю галасоў у парадку чарговасці з ліку кіраўнікоў абшчын. Асноўная дзейнасць беларускіх суполак Рэспублікі Малдова накіраваная на стварэнне годных умоў жыцця іх сяброў у выніку цеснага супрацоўніцтва з дзяржаўнымі органамі Рэспублікі Малдова і Рэспублікі Беларусь, захаванне і развіццё беларускай культуры і традыцый, пашырэнне і ўмацаванне сувязяў суайчыннікаў Малдовы з іх гістарычнай радзімай у галіне навукі, эканомікі, культуры і адукацыі. Традыцыйным стала правядзенне Фестываляў беларусаў Малдовы, якія адбыліся 29 мая 2004, 21 — 23 верасня 2007, 12—15 верасня 2008.

Арганізацыі паводле сайта Згуртавання беларусаў свету «Бацькаўшчына»^[1]:

• Абшчына «Беларусь», г. Кішынёў, старшыня — Алег Гізатулін;
• Беларуская Грамада, г. Кішынёў;
• Таварыства беларускай культуры, г.п. Слабадзея;
• Таварыства беларускай культуры, г. Рыбніца;

Арганізацыі паводле сайту Амбасады Рэспублікі Беларусь у Рэспубліцы Малдова^[2]:

• Беларуская суполка ў Рэспубліцы Малдова, г. Кішынёў, старшыня — Юрый Статкевіч, больш за 200 чалавек;
• Асацыяцыя беларусаў муніцыпія Кішынёў «Беларусь», г. Кішынёў, старшыня — Генадзь Зяньковіч, 30 чалавек;
• Беларуская суполка, г. Бельцы, старшыня — Вячаслаў Загорцаў, 50 чалавек;
• Таварыства беларускай культуры, г. Цярэспаль, старшыня — Тамара Ломцева, 671 чалавек;
• Бендэрскае таварыства беларускай культуры, г. Бендэры, старшыня — Ганна Лапацьева, 593 чалавекі;
• Грыгарыёпальскае таварыства беларускай культуры, г. Грыгарыёпаль, 65 чалавек;
• Рыбніцкае таварыства беларускай культуры, г. Рыбніца, старшыня — Вольга Пілецкая, 83 чалавекі;
• Беларуская суполка Гагаузіі, г. Камрат, старшыня — Ірына Кіровіч, 40 чалавек.

• Беларуская энцыклапедыя: У 18 т. / Рэдкал.: Г. П. Пашкоў і інш. — Мн. : БелЭн

Беларусы
Культура Беларусі	Абрады і звычаі Архітэктура Вёска Гаспадарчыя заняткі Дэманалогія Імёны Інтэрнэт Касцюм Кінематограф Кухня Літаратура Мастацтва Народнае дойлідства Міфалогія Музыка Прамысловыя заняткі Прозвішчы Танец Тэатр Тэлебачанне Фальклор
Беларусы паводле краін	Азербайджан Аргенціна Арменія Аўстралія Адэлаіда Брысбен Мельбурн Перт Сідней Аўстрыя Беларусь Венесуэла Вялікабрытанія Германія Грузія Тыфліс Казахстан Канада Кыргызстан Кітай Латвія Літва Мексіка Малдова Новая Зеландыя Нарвегія Польшча Беласточчына Расія Астрахань Будакі Санкт-Пецярбург Сібір Тудаўляне Ліцвіны Севершчыны ЗША Таджыкістан Туркменістан Узбекістан Украіна Кіеў Львоў Фінляндыя Чэхія Швецыя Эстонія
Стаўленне да рэлігіі	Праваслаўе Каталіцтва Пратэстанцтва Атэізм Іслам Уніяцтва
Беларуская мова	Беларусь Латвія Літва Польшча Расія Украіна Эстонія
Канцэпцыі паходжання	Польская Вялікаруская Крывіцкая Крывіцка-дрыгавіцка-радзіміцкая Фінская Балцкая Старажытнаруская Славяна-балцкая Сучасная
Рознае	Антрапалогія Беларусазнаўства Беларусізацыя Беларусцы Бульбаш Вайсрутэнізацыя Гісторыя Гуды Згуртаванне беларусаў свету «Бацькаўшчына» Кіраўнікі Краязнаўства Ліцвіны Менталітэт Нацыянальнае адраджэнне Нацыяналізм Нацыянальны характар Этнагенез Этнаграфія Этнічная тэрыторыя

Арганізацыі беларускай дыяспары
Аргенціна	Белавежа
Арменія	Ерэванская беларуская абшчына Арменіі «Беларусь»
Аўстралія	Беларускае аб’яднанне ў Аўстраліі Беларускі культурна-грамадскі клуб Беларускі вызвольны рух у Аўстраліі Задзіночанне беларускіх ветэранаў у Аўстраліі Федэральная рада беларускіх арганізацый у Аўстраліі Беларуска-аўстралійскае незалежнае аб’яднанне ў Новым Паўднёвым Уэльсе Аддзел Задзіночання беларускіх ветэранаў у Заходняй Аўстраліі Беларускі жаночы камітэт у Вікторыі Беларускі цэнтральны камітэт у Вікторыі Беларускае аб'яднанне ў Вікторыі Беларускае аб'яднанне ў Заходняй Аўстраліі Беларускае аб'яднанне ў Паўднёвай Аўстраліі Беларускае аб’яднанне ў Новым Паўднёвым Уэльсе (прыхільнікі Рады БНР)
Вялікабрытанія	Беларуская бібліятэка і музей імя Францішка Скарыны Згуртаванне беларусаў у Вялікай Брытаніі Хрысціянскае аб’яднанне беларускіх работнікаў у Вялікабрытаніі
Германія‎	Агульнабеларускі Саюз Вайскоўцаў Беларускі камітэт самапомачы Беларускі нацыянальны камітэт (Рэгенсбург) Беларускі нацыянальны цэнтр (1941) Беларускае прадстаўніцтва Беларуская гімназія імя Янкі Купалы Беларуская суполка RAZAM Інстытут вывучэння СССР
ЗША	Аб’яднанне беларускіх жанчын Беларускі інстытут навукі і мастацтва ў Нью-Ёрку Беларускі кангрэсавы камітэт Амерыкі Беларуска-амерыканскі грамадскі цэнтр Беларуска-амерыканскае аб’яднанне Беларуска-амерыканскае задзіночанне Беларуска-амерыканская нацыянальная рада Беларускі харытатыўна-адукацыйны фонд Вялікалітоўскі фонд імя Льва Сапегі Кангрэс беларусаў Амерыкі Полацак Саюз амерыканска-беларускіх ветэранаў Саюз беларуска-амерыканскай моладзі Фонд імя І. Любачкі Фундацыя імя Пётры Крэчэўскага
Канада	Беларускі выдавецка-мастацкі клуб «Пагоня» Згуртаванне беларусаў Канады Беларускі інстытут навукі і мастацтва ў Канадзе Каардынацыйны камітэт беларусаў Канады
Літва	Аб’яднанне студэнтаў-беларусаў Літоўскага ўніверсітэта імя Вітаўта Вялікага Сябрына Беларускае культурна-асветнае таварыства (Коўна) Беларуская грамада (Коўна)
Латвія‎	Бацькаўшчына Дзвінск Рыга Беларуская хата Дзвінская дзяржаўная беларуская гімназія Люцынская дзяржаўная беларуская гімназія
Расія‎	Арэнбургскі гурток беларусаў Беларус Беларускі гурток студэнтаў Пецярбургскай каталіцкай духоўнай акадэміі Беларускі навукова-літаратурны гурток Беларуская нацыянальна-культурная аўтаномія «Нёман» Беларускі нацыянальны камісарыят Беларуска-ўкраінскі камітэт помачы ахвярам вайны Беларускае вольнае эканамічнае таварыства (Петраград) Беларускае грамадска-культурнае таварыства (Санкт-Пецярбург) Беларуская вучнёўская грамада Беларуская народная грамада Беларуская сацыял-дэмакратычная рабочая партыя Таварыства ахвотнікаў беларускага народнага штукарства Беларуская хатка Арол Петраград Беларускае таварыства ў Петраградзе па аказанні дапамогі пацярпелым ад вайны
Украіна‎	Беларускі гай Беларускае зямляцтва пралетарскага студэнцтва
Чэхія	Беларускае (Крывіцкае) культурнае таварыства імя Ф. Скарыны Беларускі загранічны архіў Беларускі навуковы кабінет Карэспандэнцыйныя курсы беларусаведы
Эстонія	Беларуска-эстонскае згуртаванне