Багуслаў Багданавіч Вільчкоўскі
Багуслаў Багданавіч Вільчкоўскі | |
---|---|
Дата нараджэння | 14 сакавіка 1928 |
Месца нараджэння |
в. Пагулянка, Наваградскае ваяводства, Польская Рэспубліка |
Дата смерці | 27 лістапада 1964 (36 гадоў) |
Месца смерці | |
Месца пахавання | |
Грамадзянства |
![]() |
Жонка | Ганарата Іосіфаўна |
Узнагароды і прэміі |
Багуслаў Багданавіч Вільчкоўскі (14 сакавіка 1928, в. Пагулянка, Наваградскае ваяводства,
Польская Рэспубліка[1] — 27 лістапада 1964) — старшыня калгаса «Іскра» Баранавіцкага раёна Брэсцкай вобласці, Герой Сацыялістычнай Працы (1966, пасмяротна)[2].
Біяграфія
[правіць | правіць зыходнік]Нарадзіўся 14 сакавіка 1928 года ў сям’і памешчыка. Паляк.
Яго бацькі ў перыяд уз’яднання Заходняй Беларусі і ўваходжання яе ў склад Беларускай ССР усталі на бок Савецкай улады. Жылі на станцыі Міцькавічы.
У гады Вялікай Айчыннай вайны заставаліся на акупаванай тэрыторыі. У 14 гадоў Багуслаў стаў сувязным партызанскага атрада, збіраў звесткі, перадаваў партызанам, неаднаразова ўдзельнічаў у падрывах чыгуначнага моста, варожых эшалонаў)[2].
Вярнуўшыся да мірнага жыцця, стаў працаваць простым конюхам у калгасе «Іскра». Жыў у вёсцы Малая Сваротва Баранавіцкага раёна. Уступіў у ВКП(б)/КПСС. Неўзабаве быў прызначаны брыгадзірам і ў 1959 годзе вылучаны на пасаду старшыні калгасу — гэта было рашэнне партыйнай арганізацыі.
Быў дэпутатам Вярхоўнага Савета БССР, членам рэвізійнай камісіі Брэсцкай абласной партыйнай арганізацыі.
Увечары 27 лістапада 1964 года, падчас выступу на партыйным сходзе ў памяшканні праўлення калгаса, Багуслаў Вільчкоўскі быў забіты — злачынец стрэліў з цемры, з вуліцы праз акно. Гэта быў надзвычайны выпадак не толькі рэспубліканскага, але і ўсесаюзнага маштабу. Яго забойца быў устаноўлены, прызнаны вінаватым у здзяйсненні тэрарыстычнага акту і прыгавораны да вышэйшай меры пакарання[3].
Багуслаў Багданавіч быў пахаваны на могілках вёскі Соргавічы.
Памяць
[правіць | правіць зыходнік]- Імя Вільчкоўскага да нядаўняга часу насіў былы калгас «Іскра»[2].
- У вёсцы Малая Сваротва, у будынку былой драўлянай канторы, дзе быў забіты старшыня, знаходзіцца цяпер музей імя Вільчкоўскага[2].
- На цэнтральнай сядзібе калгаса усталяваны бюст[2].
- Яго імя носіць вуліца ў Баранавічах[2].
Узнагароды
[правіць | правіць зыходнік]- Указам Прэзідыума Вярхоўнага Савета СССР ад 22 сакавіка 1966 года за дасягнутыя поспехі ў развіцці жывёлагадоўлі, павелічэнні вытворчасці і нарыхтовак мяса, малака, яек, воўны і іншай прадукцыі Вільчкоўскаму Багуславу Багдановічу прысвоена званне Героя Сацыялістычнай Працы пасмяротна[2]
- Узнагароджаны ордэнам Леніна, медалямі
Зноскі
Літаратура
[правіць | правіць зыходнік]- Хліманаў В. Усё асталося людзям. — В кн.: Сцяганосцы новага, перадавога. Мн., 1967.
Спасылкі
[правіць | правіць зыходнік]Багуслаў Багданавіч Вільчкоўскі на сайце «Героі краіны»
- Пуля для депутата | Документальный детектив Архівавана 3 снежня 2012. (руск.)
Text is available under the CC BY-SA 4.0 license; additional terms may apply.
Images, videos and audio are available under their respective licenses.