Анто́пальскі раён — адміністрацыйна-тэрытарыяльная адзінка ў БССР у 1940—1959 гадах. Цэнтр — гарадскі пасёлак Антопаль. Плошча раёна 900 км², 85 населеных пунктаў.

Утвораны 15 студзеня 1940 года ў складзе Брэсцкай вобласці. 12 кастрычніка 1940 года раён падзелены на 13 сельсаветаў: Акцябрскі, Аніскавіцкі, Асіпавіцкі, Галоўчыцкі, Гарадзецкі, Дзераўноўскі, Дзеткавіцкі, Дзямідаўшчынскі, Заніўеўскі, Іласкі, Каменскі, Першамайскі, Худлінскі.

16 ліпеня 1954 года скасаваны Асіпавіцкі, Дзераноўскі, Дзямідаўшчынскі, Заніўеўскі, Іласкі, Каменскі і Худлінскі, утвораны Грушаўскі і Імянінскі сельсаветы, вёскі Тыневічы і Пацы перададзены ў склад Драгічынскага раёна, вёска Пігановічы перададзена з Драгічынскага раёна^[1]. 31 сакавіка 1959 года скасаваны Акцябрскі сельсавет.

8 жніўня 1959 года раён скасаваны. Антопаль і 4 сельсаветы (Галоўчыцкі, Дзеткавіцкі, Імянінскі і Першамайскі) перададзены ў Драгічынскі раён, Аніскавіцкі, Гарадзецкі і Грушаўскі сельсаветы — у Кобрынскі раён.

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.

Антопальскі раён (1940―1959)
Гарадскія пасёлкі Антопаль Сельсаветы Акцябрскі (1940—1959) Аніскавіцкі (1940—1959) Асіпавіцкі (1940—1954) Галоўчыцкі (1940—1959) Гарадзецкі (1940—1959) Грушаўскі (1954—1959) Дзераўноўскі (1940—1954) Дзеткавіцкі (1940—1959) Дзямідаўшчынскі (1940—1954) Заніўеўскі (1940—1954) Іласкі (1940—1954) Імянінскі (1954—1959) Каменскі (1940—1954) Першамайскі (1940—1959) Худлінскі (1940—1954)