Ровенская вобласьць
Рівненська область
Герб	Сьцяг
Агульныя зьвесткі
Краіна	Украіна
Статус	вобласьць Украіны[d]
Адміністрацыйны цэнтар	Роўна
Улучае	16 раёнаў
Найбуйнейшыя гарады	Дубна, Астрог, Вараш
Дата ўтварэньня	4 сьнежня 1939
Губэрнатар	Сяргей Рыбачка
Афіцыйныя мовы	украінская
Насельніцтва (2006)	1,156 млн (2,46%, 20-е месца)
Шчыльнасьць	57,69 чал./км²
Нацыянальны склад	украінцы — 95,90% расейцы — 2,57% беларусы — 1,01% палякі — 0,17%.
Плошча	20 047 км² (3,32%)
Вышыня па-над узр. м.  · найвышэйшы пункт  · сярэдняя вышыня  · найніжэйшы пункт	372 м  360 м  134 м
Шырата	ад 50°01' да 51°58' пн. ш.
Даўгата	ад 25°01' да 27°38' у. д.
Месцазнаходжаньне
Мэдыя-зьвесткі
Часавы пас	GMT +2
Код ISO 3166-2	UA-56
Тэлефонны код	+38 036
Паштовыя індэксы	33xxx, 34xxx, 35xxx
Інтэрнэт-дамэн	rovno.ua; rv.ua
Код аўтам. нумароў	BK
Афіцыйны сайт
Дадатковыя мультымэдыйныя матэрыялы

Ро́венская во́бласьць (па-ўкраінску: Рівненська область) — адміністрацыйна-тэрытарыяльная адзінка на паўночным захадзе Ўкраіны. Плошча 20 047 км². Насельніцтва на 2006 год — 1,156 млн чалавек. Адміністрацыйны цэнтар — места Роўна.

Мяжуе з Жытомірскай вобласьцю на ўсходзе, з Валынскай вобласьцю на захадзе. На поўдні — зь Львоўскай, Тарнопальскай і Хмяльніцкай абласьцямі Ўкраіны. На поўначы мяжуе зь Беларусяй.

Працягласьць вобласьці з поўначы на поўдзень 215 км, а з захаду на ўсход — 186 км.

Клімат умерана кантынэнтальны.

Паводле вышыні сваёй паверхні вобласьць падзяляецца на паўночную частку, якая знаходзіцца ў межах Палескай нізіны, ды паўднёвую частку, якая знаходзіцца на Валынскім узвышшы. Найвышэйшымі яе дзялянкамі (звыш 300 м) зьяўляюцца Паўчанскае плято (да 328 м) і Мізоцкі камлюк (да 342 м). На крайнім поўдні ў межы вобласьці заходзяць схілы Падольскага ўзвышша.

Агулам у вобласьці налічваецца 173 ракі даўжынёй больш за 10 км. Усе яны належаць да басэйну Дняпра. Галоўнай воднай артэрыяй зьяўляецца рака Гарынь са сваім найбольшым прытокам Случчу. Зь іншых значных рэчак на Ровеншчыне цякуць Стыр, Льва, Ствыга, на крайнім паўночным захадзе — Прыпяць.

У вобласьці больш за 500 азёраў рознага паходжаньня (карставыя, заплаўныя ды іншыя). Сярод іх — Нобель, Белае, Лука, Вялікае Пачаеўскае азёры. Утвораныя 31 вадасховішча й больш за 300 сажалак.

Ровенская вобласьць была ўтвораная 4 сьнежня 1939 року ў межах УССР на базе колішняга Валынскага ваяводзтва міжваеннай Польскай Рэспублікі.

Вобласьць налічвае 16 адміністрацыйных раёнаў, 11 местаў, зь якіх 4 — абласнога значэньня, 16 мястэчак, 3 пасёлкі, 999 вёсак.

п а р Ровенская вобласьць
Раёны	Астроскі Бярэзнаўскі Гашчанскі Дзямідаўскі Дубенскі Дубровіцкі Зарачанскі Здалбунаўскі Кастопальскі Корацкі Млынаўскі Радзівілаўскі Ракітнаўскі Ровенскі Сарненскі Уладзімерацкі
Гарады	Астрог¹ Бярэзна Вараш¹ Дубна¹ Дубровіца Здалбунаў Кастопаль Корац Радзівілаў Роўна¹ Сарны
Мястэчкі	Гошча Дзямідаўка Зарэчнае Квасілаў Клевань Клесаў Мізач Млынаў Оржаў Ракітнае Рафалаўка Сасновае Смыга Стэпань Тамашгорад Уладзімерац
¹ — абласное падпарадкаваньне

п а р Адміністрацыйна-тэрытарыяльны падзел Украіны
Аўтаномная рэспубліка	Крым1
Вобласьці	Адэская Валынская Віньніцкая Данецкая2 Днепрапятроўская Жытомірская Закарпацкая Запароская Івана-Франкоўская Кіеўская Кіраваградзкая Луганская2 Львоўская Мікалаеўская Палтаўская Ровенская Сумская Тарнопальская Харкаўская Хмяльніцкая Хэрсонская Чаркаская Чарнавіцкая Чарнігаўская
Гарады дзяржаўнага значэньня	Кіеў Севастопаль1
1 — цалкам акупавана Расеяй; 2 — часткова акупавана Расеяй