Валынская вобласьць
Волинська область
Герб	Сьцяг
Агульныя зьвесткі
Краіна	Украіна
Статус	вобласьць Украіны[d]
Адміністрацыйны цэнтар	Луцак
Улучае	16 раёнаў
Найбуйнейшыя гарады	Уладзімер-Валынскі, Ковель, Новавалынск
Дата ўтварэньня	4 сьнежня 1939
Губэрнатар	Рыгор Пуставіт
Афіцыйныя мовы	украінская
Насельніцтва (2006)	1,04 млн (2,22%, 24-е месца)
Шчыльнасьць	51,6 чал./км²
Нацыянальны склад	украінцы — 96,9%, расейцы — 2,4%, беларусы — 0,3%, палякі — 0,1%.
Плошча	20 143 км² (3,34%, 19-е месца)
Месцазнаходжаньне
Мэдыя-зьвесткі
Часавы пас	GMT +2
Код ISO 3166-2	UA-07
Тэлефонны код	+38 033
Паштовыя індэксы	43xxx, 44xxx, 45xxx
Інтэрнэт-дамэн	lutsk.ua, lt.ua
Код аўтам. нумароў	AC
Афіцыйны сайт
Дадатковыя мультымэдыйныя матэрыялы

Валы́нская во́бласьць (па-ўкраінску: Волинська область) — адміністрацыйна-тэрытарыяльная адзінка ў паўночна-заходняй частцы Ўкраіны. Плошча 20 143 км². Насельніцтва 1057,21 тыс. чал. (2005). Адміністрацыйны цэнтар — места Луцак.

Разьмяшчаецца ў зоне ўкраінскага Палесься.

Мяжуе на захадзе з Польшчай, на поўначы — зь Беларусяй, на ўсходзе — з Ровенскай, на поўдні — зь Львоўскай абласьцямі Ўкраіны.

Працягласьць вобласьці з поўначы на поўдзень — 187 км, з захаду на ўсход — 163 км.

Клімат умерана кантынэнтальны. Зіма мяккая, лета цёплае. Сярэдняя тэмпэратура студзеня −4,5 °C, ліпеня 18,6 °C. Сярэднярочная колькасьць ападкаў — 550—600 мм. Працягласьць вэгетацыйнага пэрыяду каля 200 дзён.

Рэльеф пераважна раўнінны. Амаль тры чвэрці вобласьці разьмяшчаюцца ў межах Палескай нізіны, меншая, паўднёвая частка, займае паўночна-заходнюю частку Валынскага ўзвышша.

Глебы лесастэпавай частцы вобласьці ападзоленыя цёмна-шэрыя ды шэрыя, а таксама чарназёмы, у палескай частцы — дзярнова-падзолістыя й разнастайныя балотныя.

У паўночнай частцы вобласьці цячэ рака Прыпяць. Яе правыя прытокі Тур’я, Стаход, Стыр. На захадзе цячэ рака Буг. Азёры: Сьвіцязь, Пулямэцкае, Турскае, Арэхава, Белае і іншыя.

У Іпацьеўскім летапісе пад 981 рокам адзначана, што зямля дулобаў-валыняк ўваходзіць у г. зв. Кіеўскую Русь. Князь Уладзімер Вялікі заклаў места каля старадаўняга гарадзішча Вэлынь і назваў яго Ўладзімерам.

У ХVІ ст. Валынь увайшла ў склад Вялікага Княства Літоўскага, пасьля Люблінскай уніі — Рэчы Паспалітай.

У канцы ХVІІІ ст. гэтыя землі былі далучаныя да Расейскай імпэрыі.

Паводле Рыскай мірнай дамовы 1921 року тэрыторыя сучаснай вобласьці ўвайшла ў склад Польскай Рэспублікі. Было ўтворанае Валынскае ваяводзтва з цэнтрам у Луцку.

4 сьнежня 1939 року была ўтвораная Валынская вобласьць у межах УССР.

Вобласьць налічвае 4 адміністрацыйныя раёны: Ковельскі, Луцкі, Уладзімерскі і Камень-Кашырскі. Таксама ў вобласьці ёсьць 11 местаў, зь якіх 4 — абласнога значэньня, 22 мястэчкі, 1054 вёскі.

• Ковель
• Луцак
• Новавалынск
• Уладзімер

• Берастэчка
• Гарохаў
• Камень-Кашырскі
• Ківерцы
• Любамль
• Ражышча
• Усьцілуг

• Алыка
• Любяшоў
• Мар’янаўка
• Ратна
• Шацак

Валынская вобласьць — сховішча мультымэдыйных матэрыялаў

п а р Валынская вобласьць
Раёны	Камень-Кашырскі Ковельскі Луцкі Уладзімерскі
Гарады	Берастэчка Гарохаў Камень-Кашырскі Ківерцы Ковель¹ Луцак¹ Любамль Новавалынск¹ Ражышча Уладзімер¹ Усьцілуг
Мястэчкі	Алыка Благадатнае Галаўно Галобы Дубішча Забалоцьце Іванічы Колкі Лакачы Лукаў Люблінец Любяшоў Маневічы Мар’янаўка Ракіні Ратна Старая Выжыўка Сянкевічаўка Турыйск Цумань Шацак
Скасаваныя раёны	Гарохаўскі Іванічаўскі Ківерцаўскі Лакачынскі Любамльскі Любяшоўскі Маневіцкі Ражышчанскі Ратнеўскі Старавыжыўскі Турыйскі Шацкі
¹ — абласное падпарадкаваньне

п а р Адміністрацыйна-тэрытарыяльны падзел Украіны
Аўтаномная рэспубліка	Крым1
Вобласьці	Адэская Валынская Віньніцкая Данецкая2 Днепрапятроўская Жытомірская Закарпацкая Запароская Івана-Франкоўская Кіеўская Кіраваградзкая Луганская2 Львоўская Мікалаеўская Палтаўская Ровенская Сумская Тарнопальская Харкаўская Хмяльніцкая Хэрсонская Чаркаская Чарнавіцкая Чарнігаўская
Гарады дзяржаўнага значэньня	Кіеў Севастопаль1
1 — цалкам акупавана Расеяй; 2 — часткова акупавана Расеяй