Гент (футбольны клюб)

	Гент
Поўная назва	Koninklijke Atletiek Associatie Gent
Заснаваны	1864
Горад	Гент, Бэльгія
Стадыён	Гэлямка Арэна; Умяшчальнасьць: 20 000
Прэзыдэнт	Іван Дэ Вітэ[d]
Кіраўнік	Іван Дэ Вітэ[d]
Галоўны трэнэр	Гэйн Вангазэбрук[d];
Чэмпіянат	Про Ліга
· 2023—2024	7 месца
Хатнія колеры	Выязныя колеры
	Галерэя здымкаў у Вікісховішчы; kaagent.be (нід.) (анг.) (фр.)

«Гент» (па-нідэрляндзку: Gent) — бэльгійскі футбольны клюб з гораду Генту. Заснаваны ў 1864 годзе першапачаткова як лёгкаатлетычны клюб з сэкцыяй па хакеі на траве. Футбольная сэкцыя зьявілася ў 1900 годзе. Чэмпіён Бэльгіі і трохразовы ўладальнік Кубка Бэльгіі. Свае хатнія матчы клюб ладзіць на стадыёне Гэлямка Арэна, на якім гуляе з 2013 году. Да гэтага амаль 100 гадоў хатняй пляцоўкай быў стадыён імя Жуля Атэна. Традыцыйныя колеры «Генту» — сіні і белы. Сучасная назва на нідэрляндзкай мове была прынятая ў 1971 годзе, да гэтага афіцыйным назовам быў «Гантуаз» на францускай мове. У франкамоўнай частцы Бэльгіі дасюль выкарыстоўваецца былы францускі назоў. Мянушка клюбу Бафала ўзыходзіць да візыту Біфала Біла і ягонага цырка Дзікага Захаду ў Гент на пачатку XX стагоддзе^[2].

Гісторыя

Клюб быў закладзены ў 1864 годзе як гімнастычнае таварыства Генту (франц. Société Gymnastique la Gantoise) з мэтай прасоўваньня гімнастыкі. Некаторыя філіі таварыства хутка сталі незалежнымі, а ў 1891 годзе каманда аб’ядналася з атлетычнай асацыяцыяй гораду, якая сама па сабе была зьліцьцём розных клюбаў, як то бегавога клюбу. Новы клюб атрымаў назву Атлетычная асацыяцыя Генту (франц. Association Athlétique La Gantoise). Акрамя гімнастыкі клюб на той час меў сэкцыі лёгкай атлетыкі, боксу, крыкету, роварнага спорту, фэхтаваньня, хакею на траве, плаваньня і тэнісу.

У апошняе дзесяцігодзьдзе XIX стагодзьдзя ў Генце пачалі зьяўляцца футбольныя суполкі. Празь нейкі час 1 красавіка 1899 году некалькі такіх суполак аб’ядналіся ў клюб «Расінг», які на працягу наступных гадоў быў асноўным супернікам «Генту». У самім атлетычным клюбе футбольная сэкцыя зьявілася толькі ў 1900 годзе, дзякуючы высілкам студэнтаў Мэльле. Першым прэзыдэнтам каманды стаўся лекар Гэктар Прыем. Першапачаткова колерамі клюбу былі абраныя чорны і белы, але да 31 кастрычніка 1900 году, калі каманда стала афіцыйным чальцом клюбу, колеры былі зьмененыя на сіні і белы. Першым матчам 15 лістапада 1900 году была гульня супраць клюбу «Омніюм». У студзені 1901 году каманда правяла матч супраць клюбу «Расінг», які на той час быў мацнейшым за «Гент». Сустрэча скончылася зь лікам 10:0 на карысьць «Расінгу». У 1901 годзе клюб дэбютаваў ў бэльгійскай сыстэме ліг^[3].

Склад

Актуальны на 13 верасьня 2024 году

№	Пазыцыя	Імя	Год нараджэньня
1	Бр	Дэніел Шміт	1992
3	Аб	Арчы Браўн	2002
4	Аб	Цуёсі Ватанабэ	1997
6	ПА	Амры Гандэльман	2000
8	ПА	Пітэр Геркенс	1995
9	Нап	Андры Гуд’ёнсэн	2002
10	ПА	Аімэ Амгба	2002
11	Нап	Мамаду Санко	2005
12	Аб	Юго Гамбор	2002
13	Аб	Стэфан Мітравіч	1990
15	ПА	Ацукі Іта	1998
16	ПА	Матыяс Дэлёрж	2004
17	ПА	Эндру Юльсагер	1995
18	ПА	Матыс Самуаз	2001

№	Пазыцыя	Імя	Год нараджэньня
19	Нап	Франк Сюрдэ	2002
20	Аб	Т’ягу Араужу	2001
21	Нап	Макс Дын	2004
22	Аб	Ноа Фадыга	1999
23	Аб	Джордан Тарунарыга	1997
24	ПА	Свэн Кумс (капітан)	1988
25	Аб	Нурыю Фартуна	1995
26	Бр	Люі Фартэн	2002
27	ПА	Тыбэ Дэ Флігер	2005
29	Нап	Элію Варэла	2002
30	Бр	Сэлестэн Дэ Схрэвэль	2002
33	Бр	Даві Руф	1994
—	Нап	Залан Ванча (ар. Лёмэль)	2004