Антонаўскі мост
Антонаўскі мост | |
Анто́нівський міст | |
![]() Выгляд маста | |
Тып | мост |
---|---|
Структурная сыстэма | прагонны, балкавы мост |
Месцазнаходжаньне | ![]() |
Пачатак будаўніцтва | 1977 |
Сканчэньне будаўніцтва | 24 сьнежня 1985 |
Дата разбурэньня | 2022 |
Вышыня | 17,2 м |
Іншыя велічыні памеру | даўжыня 1366 м шырыня 25 м |
Каардынаты | 46°40′12″ пн. ш. 32°43′13″ у. д. / 46.67° пн. ш. 32.72028° у. д.Каардынаты: 46°40′12″ пн. ш. 32°43′13″ у. д. / 46.67° пн. ш. 32.72028° у. д. |
Антонаўскі мост на мапе Ўкраіны ![]() ![]() Антонаўскі мост |
Антонаўскі (Хэрсонскі[1]) аўтамабільны мост (па-ўкраінску: Анто́нівський (Херсонський) автомобільний міст) — мост праз Дняпро, які злучае Хэрсон зь левабярэжжам, у прыватнасьці з Алёшкамі і Голаю Прыстаньню. Агульная працягласьць мосту складае 1366 м, шырыня — 25 м, шырыня праезнай часткі — 20,5 м, пешаходныя тратуары з двух бакоў — па 1,5 мэтры. Мост стаіць на 31 апоры і складаецца з 30 пралётных злучэньняў[2]. Дзякуючы яму адлегласьць паміж горадам і паўднёвымі раёнамі Левабярэжжа зьменшылася на 80-100 км. Кошт перавозкі тоны грузу зьменшыўся ў пяць разоў. Да расейскага ўварваньня 2022 году па мосьце праяжджала дзесяць з паловай тысяч аўтамабіляў за суткі.
Гісторыя
[рэдагаваць | рэдагаваць крыніцу]Будаўніцтва
[рэдагаваць | рэдагаваць крыніцу]У пачатку 1977 году на правым беразе Дняпра завяршылі разьведвальныя працы. На зьмену выведнікам прыйшлі будаўнікі — калектыў мостабудаўнікоў Мікалаеўскага атраду № 73 мостабудаўнічага трэсту № 1. У траўні 1977 году пачалі будаўніцтва мосту. У 1985 годзе мост пабудавалі і 24 сьнежня здалі ў эксплёатацыю. Адлегласьць паміж горадам і паўднёвымі раёнамі Левабярэжжа зьменшылася на 80-100 км, кошт перавозкі тоны грузу паменшылася ў пяць разоў.
Спачатку мост пабудавалі з мэтай злучэньня Хэрсону зь яго горадам-спадарожнікам Алёшкамі (у часы СССР гарады плянавалі аб’яднаць). Пабудова мосту значна спрасьціла камунікацыю гараджан з іншымі населенымі пунктамі: раней яны карысталіся баржамі або баркасамі, каб пераправіцца на іншы бераг.
Расейска-ўкраінская вайна
[рэдагаваць | рэдагаваць крыніцу]25 лютага 2022 падчас расейска-ўкраінскай вайны расейцы захапілі мост пад кантроль і ўвайшлі ў Хэрсон[3][4].
13 ліпеня украінская выведка паведаміла, што расейцы будуюць фартыфікацыйныя збудаваньні каля мосту[5].
Антонаўскі аўтамабільны мост побач з аднайменным чыгуначным мостам і разьмешчанай у паўсотні км на ўсход плацінай Кахоўскай ГЭС зьяўляюцца адзінымі пераправамі празь Дняпро ў Хэрсонскай вобласьці. Падчас акупацыі Хэрсону расейцамі праз гэтыя аб’екты адбывалася забесьпячэнне частак расейскага войска, якія ўтрымлівалі пляцдарм на правым беразе вобласьці, а таму ім надаецца стратэгічнае значэньне. У той жа час для ўкраінскіх узброеных сіл разбурэньне Антонаўскага мосту дазволіць адразаць часткі расейцаў[6].
19 ліпеня каб перашкодзіць забесьпячэньне расейскіх войскаў, украінцы выпусьцілі 12 ракет з HIMARS, каля 8 з іх трапілі па Антонаўскім мосьце, а частка перахапіла расейская СПА, нанесены ўдар па расейскім блокпосьце з вайскоўцамі і зброяй у раёне мосту[7][8]. Мост быў пашкоджаны[9]. На праезнай частцы зьявіліся варонкі ад выбухаў[10][11].
26 ліпеня мясцовыя жыхары паведамілі ў Telegram-каналах аб выбухах, якія грымелі ў раёне Антонаўскага мосту або на месцы, дзе расейцы захоўвалі сваю тэхніку. Былі таксама паведамленьні аб тым, што антонаўскі мост разбураны[12]. На наступны дзень прэс-сакратар апэратыўнага камандаваньня «Поўдзень» Натальля Гумянюк пацьвердзіла, што ВСУ нанесьлі ракетны ўдар па мосьце, а першы намесьнік старшыні Хэрсонскай абласной Рады Юрый Сабалеўскі паведаміў, што мост атрымаў істотныя пашкоджаньні і аднаўленчыя работы зоймуць шмат часу[13]. Пасьля ўдараў мост не быў разбураны, але перамяшчэньне па ім стала немагчымым[14].
11 лістапада зьявіліся фатаздымкі і відэазапісы Антонаўскага мосту, які, імаверна, падарвалі расейскія войскі пасьля адвядзеньня войскаў з Хэрсону. На фота было бачна, што адсутнічаюць два пралёты[15]. Перад гэтым расейцы зьнішчылі пяць мастоў у Хэрсонскай вобласьці, каб перашкодзіць або запаволіць наступальную апэрацыю ўкраінскага войска.
Крыніцы
[рэдагаваць | рэдагаваць крыніцу]- ^ Херсонский автомобильный мост Праверана 25 січня 2015 г. Архіўная копія ад 12 грудня 2016 г.
- ^ Антоновский мост Праверана 25 січня 2015 г. Архіўная копія ад 28 січня 2015 г.
- ^ Війна у Херсоні: бої за Антонівський міст та прорив оборони (відео) (укр.) Праверана 2022-03-16 г. Архіўная копія ад 16 березня 2022 г.
- ^ Ворог із важкими втратами прорвав оборону Херсона (укр.) Праверана 2022-03-16 г. Архіўная копія ад 20 березня 2022 г.
- ^ Війська РФ зводять фортифікаційні споруди біля Антонівського мосту на Херсонщині, - ОВА Праверана 2022-07-13 г.
- ^ Сергій Морфінов (22 липня 2022) Антонівський міст в диму. Яке значення переправ Херсонщини і що дає ЗСУ їхнє знищення. BBC Україна. Праверана 27 липня 2022 г.
- ^ російські ЗМІ: ЗСУ вдруге вдарили по Антонівському мосту (ВІДЕО), фото - Погляд (укр.) Праверана 2022-07-21 г.
- ^ Окупанти повідомили про обстріл Антонівського мосту в Херсоні. Удару завдано із HIMARS (оновлено). ВIДЕО Праверана 2022-07-19 г.
- ^ Антонівський міст пошкоджений, але поки придатний до експлуатації — Херсонська облрада, Укрінформ, 19.07.2022
- ^ Через пошкодження Антонівського мосту в Херсоні війська РФ хочуть облаштувати понтонну переправу — облрада, Радіо Свобода, 22 липня 2022
- ^ Антонівський міст лише початок: через погані українські дороги рашисти ризикують кинути танки при відступі з Херсону, «Діфенс Експрес», 22 липня 2022
- ^ В окупованому Херсоні пролунали вибухи: пишуть про удари по Антонівському мосту (відео). УНІАН (2022-07-26).
- ^ У ЗСУ підтвердили «філігранні удари» по Антонівському мосту. Укрінформ (2022-07-27).
- ^ Не зруйнований, але їхати не можна: Херсонська ОВА про Антонівський міст (рас.) Праверана 2022-07-27 г.
- ^ Зьявілася фота разбуранага Антонаўскага маста ў Херсоне, Радыё Свабода, 11-11-2022
Text is available under the CC BY-SA 4.0 license; additional terms may apply.
Images, videos and audio are available under their respective licenses.