HIMARS
| M142 HIMARS | |
|---|---|
 HIMARS на авіябазе Баграм у Афганістане, 13 сакавіка 2014 года | |
| Тып | рэактыўная сыстэма залпавага агню |
| Краіна паходжаньня | ЗША |
| Гісторыя выкарыстаньня | |
| Пэрыяд выкарыстаньня | з чэрвеня 2005 году |
| Выкарыстаньне | ЗША, Сынгапур, Украіна |
| Гісторыя вытворчасьці | |
| Канструктар | Lockheed Martin |
| Дата стварэньня | 1996—2000 |
| Вытворца | Lockheed Martin, BAE Systems |
| Вытворчасьць | з сакавіка 2003 году |
| Характарыстыкі | |
| Вага | 11 000 кг |
| Даўжыня | 7000 мм |
| Шырыня | 2400 мм |
| Вышыня | 3200 мм |
| Экіпаж | 3 (апэратар, кіроўца, камандзір разьліку) |
| Асноўнае ўзбраеньне | 6 ракет РСЗА тыпу MLRS ці 1 тактычная ракета тыпу ATACMS |
| Практычная далёкасьць | 480 км (цягач)/300 км (ракета) |
| Хуткасьць | 85 км/гадз (цягач)/ 5 Мах (ракета) |
| Сыстэма кіраваньня | пульт |
M142 HIMARS (па-ангельску: High Mobility Artillery Rocket System, Гаймарз) — амэрыканская рэактыўная сыстэма залпавага агню (РСЗА) на колавых шасі.
M142 HIMARS створаны на базе пяцітоннага колавага шасі FMTV арміі ЗША (па-ангельску: Family of Medium Tactical Vehicles — «сямейства сярэдніх тактычных аўтамабіляў») можа несьці шэсьць рэактыўных снарадаў РСЗА або адну апэратыўна-тактычную балістычную ракету ATACMS. HIMARS ўзаемазамяняльная з РСЗА /M270A1, ды можа несьці палову яе боекамплекту.
Сыстэма M142 HIMARS можа перавозіцца на самалёце C-130 і вырабляецца кампаніяй BAE Systems Mobility & Protection Systems (раней Armor Holdings, Inc.). Ракетная частка вырабляецца фірмай Lockheed Martin.
Выкарыстаньне
[рэдагаваць | рэдагаваць крыніцу]Аб распрацоўцы M142 HIMARS ўпершыню стала вядома ў 1994 годзе[1]. У 2002 годзе корпус марской пяхоты ЗША дамовіўся з Сухапутнымі войскамі ЗША аб набыцьці 40 сыстэм HIMARS. Іх разгортваньне пачалося ў 2005 годзе у. У ліпені 2007 году, марскія пехацінцы з батарэі Фокс 2-га батальёну 14 палку марской пяхоты разьмясьціліся ў Іракскай правінцыі Аль-Анбар. Гэта першае падразьдзяленьне марской пяхоты, якое выкарыстоўвала HIMARS ў баявых дзеяньнях.
У верасьні 2011 Сынгапур прыняў HIMARS на ўзбраеньне свайго войска. У войскі паступілі 18 пускавых установак HIMARS, 9 пяцітонных шасі FMTV і кантэйнэры з ракетамі XM31 (GMLRS, Guided MLRS — аснашчаных інэрцыяльнай сыстэмай кіраваньня камплексаванай з GPS) з унітарнай фугаснай баявой часткай, а таксама адпаведнае дапаможнае і камунікацыйнае абсталяваньне і паслугі. Характэрна, што гэтая замова не ўключала ракеты тыпу М26 або іншых тыпаў некіраваных рэактыўных снарадаў MLRS.
Падчас расейска-ўкраінскай вайны, у красавіку 2022, Вашынгтон прыняў рашэньне перадаць УСУ сыстэмы M142 HIMARS, якія здольныя наносіць удары тактычнымі ракетамі на дыстанцыях да 300 кілямэтраў. У тым жа месяцы яна была дастаўлена ва Ўкраіну[2]. Расейцы заявілі, што гэтая зброя ставіць пад пагрозу значную частку іх тэрыторыі памежнай з Украінай[3].
Боепрыпасы
[рэдагаваць | рэдагаваць крыніцу]Для MLRS і HIMARS існуюць 2 роды боепрыпасаў:
MFOM
[рэдагаваць | рэдагаваць крыніцу]MFOM (па-ангельску: MLRS Family of Munitions — сямейства боепрыпасаў MLRS)
- М26 — некіраваны рэактыўны снарад з касэтнай галаўной часткаю (субэлемэнты М77)
- М26А2 — некіраваны рэактыўны снарад з касэтнай галаўной часткай (субэлемэнты М77) і павялічанай далёкасьцю (ER MLRS)
- М26А1 — некіраваны рэактыўны снарад з касэтнай галаўной часткай (субэлемэнты М85) і павялічанай далёкасьцю (ER MLRS) (распрацоўваецца)
- GMLRS (Guided MLRS — кіраваны MLRS) — кіраваны (інэрцыйны + GPS) рэактыўны снарад з касэтнай галаўной часткай (субэлемэнты М85) і павялічанай далёкасьцю ER MLRS (распрацоўваецца). Кошт адной ракеты GMLRS складае 100 000$.[4]
- М28 — навучальны рэактыўны снарад
- М28А1 —навучальны рэактыўны снарад з паменшанай далёкасьцю
- AT-2 — касэтны рэактыўны снарад — пастаноўшчык мін
AFOM
[рэдагаваць | рэдагаваць крыніцу]- Асноўны артыкул: MGM-140 ATACMS
AFOM (па-ангельску: Army TACMS Family of Munitions — сямейства боепрыпасаў ATACMS)
- ATACMS Block I — Тактычная ракета з касэтнай галаўной часткаю на 950 баявых элемэнтаў, далёкасьцю да 165 км і інэрцыйнай сыстэмай кірваньня
- ATACMS Block IA — Тактычная ракета з касэтнай галаўной часткаю на 300 баявых элемэнтаў, далёкасьцю да 300 км і інэрцыйнай сыстэмай кірваньня (СК) камплектаванай з прымачом GPS
- ATACMS Block IA Unitary — Тактычная ракета з фугаснай баявой часткаю вагою 500 фунтаў, далёкасьцю да 270 км і інэрцыйнай сыстэмай кірваньня (СК) камплектаванай з прымачом GPS
- ATACMS Block II — Тактычная ракета з касэтнай галаўной часткаю на 13 самапрыцэльных баявых элемэнтаў BAT, далёкасьцю да 140 км (распрацоўваецца)
- ATACMS Block IIA — Тактычная ракета з касэтнай галаўной часткаю на 6 самапрыцэльных баявых элемэнтаў BAT (палепшаная канструкцыя), далёкасьцю да 300 км (распрацоўваецца).
Галерэя
[рэдагаваць | рэдагаваць крыніцу]-
Загрузка зьменнага пакету ў пускавую установу -
HIMARS рыхтуецца страляць на перадавой апэратыўнай базе марской пяхоты «Эдынбург», Аўганістан. 26 лютага 2012 году -
![Запуск апэратыўна-тактычнай балістычнай ракеты MGM-140 ATACMS]]](https://upload.wikimedia.org/wikipedia/commons/thumb/0/0d/Blast_Off%21_%2814057689728%29.jpg/300px-Blast_Off%21_%2814057689728%29.jpg)
Запуск апэратыўна-тактычнай балістычнай ракеты MGM-140 ATACMS]]
_launcher_prepares_to_fire_during_a_dry-fire_drill_by_U.S._Marines_at_Forward_Operating_Base_Edinburgh,_Afghanistan,_Feb_120226-M-XZ121-034.jpg)
![Запуск апэратыўна-тактычнай балістычнай ракеты MGM-140 ATACMS]]](/be-tarask/%D0%A4%D0%B0%D0%B9%D0%BB:Blast_Off!_(14057689728).jpg)
Крыніцы
[рэдагаваць | рэдагаваць крыніцу]- ^ Панорама. Из компетентных иностранных источников. США (рас.) // Зарубежное военное обозрение. — 1994. — № 11. — ISSN 0134-921X.
- ^ https://twitter.com/taraschmut/status/1518825708281372673 (укр.) Праверана 2022-04-26 г.
- ^ США передадут Украине комплексы M142 HIMARS с дальностью до 500 километров, avia.pro
- ^ Иордания получила первые комплексы HIMARS
Вонкавыя спасылкі
[рэдагаваць | рэдагаваць крыніцу]- Рэактыўныя сыстэмы залпавага агню HIMARS
- High Mobility Artillery Rocket System (HIMARS) (анг.)
- HIMARS Technical Manuals (анг.)
- Army-Technology.com: HIMARS (анг.)
- Lockheed-Martin: HIMARS (анг.)
- DoD Press Release on Proposed HIMARS Sale to Singapore (анг.)
- Information about M26/M30/M31 MLRS rockets on designation-systems.net (анг.)
- MERX Release on Proposed HIMARS to the Canadian Forces in 2010 (анг.)
Text is available under the CC BY-SA 4.0 license; additional terms may apply.
Images, videos and audio are available under their respective licenses.
