Falun Gong
An Falun Gong o Falun Dafa (Ruweda nin Dharmang Praktis) sarong praktis espiritwal na Tsino na dungan sinasaro an gawi nin meditasyon asin ehersisyong qigong na batay sa pilosopiyang moral nagsesentro sa tolong prinsipyo: katohanan, pagmamakulog asin hanot ginhawa. An praktis tinata'wan doon an moralidad asin pagpatalubo nin birtud, asin nabibistong sarong praaktis qigong kan adal Budhismo alagad an mga katokdoan kaini guminuno man nin mga elemento hale sa tradisyon nin Taoismo. Paagi nin pagmamatanos sa pakikitrato asin pagpraktis nin meditasyon, an mga tagapraktis kaini minamawot na mahale sainda an sobrang pagkamoot sa mga bagay materyal, asin ultimamente makamtan an espiritwal na pagkagamiaw.[1][2]
An Falun Gong inot na itinukdo sa publiko sa Norte-subangan nin Tsina kan 1992 kan kagmukna kaini na si Li Hongzhi. Nagbutwa ini sa panahon nauso an pagpraktis nin qigong o mga ehersisyong meditasyon kun saen ini nahihiling sa luwayluway na paghiro sa pag'ehersisyo asin paghinangos na tantyado. Napalalaen ini sa ibang grupong qigong huli sa dai kaini paghagad bayad sa pag'ayon, daing aro-aldaw na pagsasamba, an maigot na pagpaorog sa moralidad asin an mga teolohikal na mga katokdoan kaini. An mga taga-Solnopan na mga akademiko hinihiling ini na sarong disiplinang qigong, sarong hiron espiritwal, pagpapatalubo sa sadiri, susog sa tradisyon kan mga soanoy na pagtubod sa Tsina, o bilang sarong pormang relihiyon intsik.[3]
Mga panluwas na takod
[baguhon | baguhon an source]- Opisyal na websityo kan Falun Gong. Kinua 20-9-16.
Toltolan
[baguhon | baguhon an source]- ↑ http://www.falundafa.org/eng/introduction.html Kinua 20-9-16
- ↑ https://www.britannica.com/topic/Falun-Gong Kinua 20-9-16
- ↑ http://www.falundafa.org/eng/introduction.html Kinua 20-9-16
Text is available under the CC BY-SA 4.0 license; additional terms may apply.
Images, videos and audio are available under their respective licenses.
