Landkroas Berchtsgoana Land
| Der Artikl is im Dialekt Obaboarisch gschriem worn. |
| Woppn | Kartn |
|---|---|
|
|
| Basisdatn | |
| Bundesland: | Bayern |
| Bezirk: | Obabayern |
| Vawoitungssitz: | Reichahoi |
| Flächn: | 839,92 km² |
| Einwohna: | 103.907 (31. Dezemba 2015) |
| Bveikarungsdichtn: | 124 Eihwohna je km² |
| Kennzeichn: | BGL |
| Kreisschlüssl: | 09 1 72 |
| Kreisgliedarung: | 15 Gmoa |
| Adress vo da Kreisverwotung: | Soizburger Stroß 64 83435 Reichahoi |
| Website: | www.berchtesgadener-land.de |
| Politik | |
| Landrat: | Bernhard Kern (CSU) |
| |
"Wem da liabe God liabt, den schickt er in des Land" so da Ludwig Ganghofer, da boarische Voiksdichter.
As Berchtsgoana Land (amtli: Landkreis Berchtesgadener Land), aa bekannt ois "As kloane deitsche Eck", auf da Landkoartn siagt mas ois kloanan Zipfe gonz im Siidostn vo Deitschland, is a Landkreis in Obabayern. Des Landl is, aba, auf da andan Seitn, aa in da Mittn vom boarischn Sprochraum. As is im Noadn und Westn begrenzt vom Landkreis Traunstoa und im Ostn, Sidn und Siidostn vom Bundesland Soizburg umschlossn. Des Biitdl mid St. Bartholomä, an Kenigssää und an Watzmo, kent ma fast auf da ganzn Wejd. Aber, net nur landschaftli, hods a sonst vii zum Bieten. Aa wann as Berchtsgoana Land wirtschaftlich vorbuidlich dosteht (bei d'Arwartslosn homs grod drei Prozent) und se von da Struktur recht modern zoagt, han de mehran Hiesign, no recht bodnständig und da Tradition verpflichdt und stengan zur Hoamat und Sproch (Boarisch).
Gschicht
[Werkeln | Am Gwëntext werkeln]Des Landl is gschichtlich aa recht intressant zum Seng: Zum Beispui hom vor 4000 Joar de Illyrer in Reichahoi scho Soiz obbaut, wia spada aa, de Kejtn (aa Vorfahrn von de Schottn, Iren, Waliser und Bretonen) und de Rema und no spada aa de Bajuwaren (Baiern). Des Soiz war für des ganze Gai oiwei wichtig und wead bis heit obbaut. Die Gegnd is bis heit dodafia bekannt.
Spada war dann des heitige Berchtsgoana Land in wesentliche drei Territorien aufgliedert, de wo warn:
- da heitige innere Landkreis (ab Hallthurm sidwerts), des war vo 1102 bis 1803 de Fürstprobstei Berchtsgoan und bis 1973 as Berchtsgoana Land Berchtsgoan
- da Neardliche Landkreis (ab Piding), da Südteil vom Rupertiwinke, der war seit da Soizburga Loslegung vo Baiern 1342 bis zum Schluß 1803 beim Erzbistum Soizburg und
- Reichahoi und Schneizlreith, de warn oiwei boarisch
Seit 1816 is zwar ois midanand vom heitigen Landkreis boarisch, aber eascht seit 1973 gibt´s oan Landkreis.
Leid
[Werkeln | Am Gwëntext werkeln]Leit wos fast ibaroi kena, aus da Gegnd, han unta andan da Hackl Schorsch und d´Niedernhuber Barbara, beide vo Berchtsgoan, de Häusl Regina aus Schneizlreith, da Ringsgwandl aus da Staffabruck und da Söllner Hanse aus Marzoi.
Landschaft
[Werkeln | Am Gwëntext werkeln]As Berchtsgoana Land is mit dem zwoathechstn Bergmassiv vo Deitschland ausgschtatt, dem sognhaftn Wotzmoo mit seina Oidn und seine siebm Kinda. Ansonstn gibts aa no recht vui anderne Bearg, wia an Staffa, d'Reitaoim oda an Predigtstui, aa a Stickl vom Unntasberg liagt im Berchtsgoana Land. Im Noadn hods mera Hügl und flachs Land, weis ja grod am Alpenrand liagt.
Aa a bor recht scheene saubere und guat frische Seen hods, zum Beispui an Thumsää, an Abtsdorfa Sää, an Heglwertta Sää und 'n Keenigssää.
Durch an Bergrutsch vor 4000 Joar is da Zaubawoid am Uafa vom Hintasää dastandn.
Städt und Gmoana
[Werkeln | Am Gwëntext werkeln](Einwohna am 1. Jenna 2016)
|
|
Gmoanfreie Gebiete
|
Im Netz
[Werkeln | Am Gwëntext werkeln]
Commons: Landkroas Berchtsgoana Land – Sammlung vo Buidl, Videos und Audiodateien- Hoamseitn
- Landkroas Berchtsgoana Land: Woppmgschicht vom Haus der Bayerischen Geschichte
Text is available under the CC BY-SA 4.0 license; additional terms may apply.
Images, videos and audio are available under their respective licenses.
