Kaspar Hauser, aa Hausa Koschba, (* vamuatle 30. Aprui 1812, † 17. Dezemba 1833 in Ansbach) wor a Findlkind vo dem ma ned woass, wos heakemma is.

Da Hauser is am 1828 ois 16-Jaariga in Niamberg auftaucht. Er hod wenig gredt und wor oscheinend a weng geistig zruckbliem. Spada hod a behapdt, dass a sei ganzes Lebn lang bei Wossa und Brod in an dunglan Zimma gfanga gwen waa. So hod dea Foi a groß', wejdweits Afsehn dalangt. Aus heitiga medizinischa Sicht is des „buachstobli vastandn“ so owa ned voastejbor.

Spada is de Vaschwearungstheorie afkemma, dass da Hauser da Erbprinz vo Baden waa, den wo ma gegn an sterbadn Saigling vatauscht häd, um ana Nebnlinie vo dera badischn Fiaschtnsippschoft de Thronfoige za dameglichn. Bishea is des owa ned bewiesn. Bekannt is owa, dass da Hauser oiwei bloß boarisch gredt hod, obwoi a de letzten finf Joar in seim Lebn in Frankn war und davor angeblich ganz aloa in an dunkln Zimma.

1833 is da Hauser mit ana dedlichn Stichwundn hoamkemma. Er hod gsogt, dass a ogriffn worn waa. Seine Ohänga glaam, dass des a politisches Attentat wor. Andere sogn, dass des bloß a Sejbstvaletztung gwen waa, um wieda im Middlpunkt zstej.

1974 hod da Werner Herzog an Fuim ibas Lebn vom Kaspar Hauser draht ("Jeder für sich und Gott gegen alle").

• Literatur von und über Kaspar Hauser im Katalog der Deutschen Nationalbibliothek
• Andrew Lang:The Mystery of Kaspar Hauser, 1905
• Institut für Rechtsmedizin der Universität München: Zur DNA-Analytik: Ein Beispiel: Analyse mitochondrialer DNA im Fall Kaspar Hauser, 1998
• ZDF: Sphinx: Mordfall Kaspar Hauser, 2003
• Kaspar-Hauser-Abteilung im Markgrafenmuseum, Kaspar-Hauser-Platz 1 – Wer bist Du Kaspar Hauser?@1@2Vorlage:Toter Link/www.ansbach.de (Seite nicht mehr abrufbar; Suche in Webarchiven)
• Kaspar-Hauser-Festspiele

 Commons: Kaspar Hauser – Oibum mit Buidl, Videos und Audiodateien