^{[2] [3] [4] [5]}

Israel Bruddah Iz Kamakawiwo'ole (* 20. Mai 1959 in Kaimukī auf da Insl Oahu (Hawaii); † 26. Juni 1997 in Honolulu, wor a Hawaiianischa Musika (Gsang, Ukulele, Komposition).

Mit sein Oibum Facing Future vo 1993 is a iber Hawaii aussi bekannt worn. Sei Medley "Over the Rainbow" und "What a Wonderful World" wead bis heit in Fuim, TV und Werbung imma wieda gspuit und is zum Evergreen worn. 2010 hod des Liad in Deitschland sogor de Nummer 1 in de Single-Charts gschaffd, 13 Joar nochm Dod vom Bruddah Iz.

Mit seim Gsang und Ukulele-Spui sowia mit seina Inspiration durch Jazz and Reggae is a bis zum heitign Dog fia de Hawaiianische Musi vo grossa Bedeitung bliabm.^[6]

Da Bruddah Iz kimmt aus oana musikalischn Familie, sei Onkl Moe Keale is a Musiklegendn vo Hawaii gwen. Mit 11 Joar hod da Israel scho mit da Musi ogfongt. Mit 15 hod a zamma mit seim Bruada Sippy und mit Jerome Koko, Moon Kauakahi und John Koko de Gruppm The Mākaha Sons of Niʻihau (schau: Niihau) grindt. De Bande hod 15 Albn aussabrocht und mehrfoch an Nā Hōkū Hanohano Award gwunna.

Ofang vo de 1990a Joar hod da Iz de Gruppm valossn und a is seitdem Solo auftretn. Mit seim Album Facing Future (1993) is a international berihmt worn.

Da Iz hod si aa fia Hawai, fia de Menschn in seim Land und fia de Hawaiische Sproch (Ōlelo Hawaiʻi) eigsetzt.

Da Israel Kamakawiwoʻole is nur 38 Joar oid worn. Er is an de Foign vo seina schwaarn Fettsucht gstorbm (er hod bis 343 kg gwogn). Sei Oschn is ins Meer gstraat worn. Ebba 10.000 worn dabei. Es wor mehra a Fest wia a Trauafeia.

• 1976 – „No Kristo“
• 1977 – „Kahea o Keale“
• 1978 – „Keala“
• 1979 – „Mākaha Sons of Ni'ihau“
• 1981 – „Mahalo Ke Akua“
• 1984 – „Puana Hou Me Ke Aloha“
• 1986 – „Ho'ola“
• 1991 – „Makaha Bash 3 Live“
• 1992 – „Ho'oluana“

• 1990 – „Kaʻanoʻi“
• 1993 – „Facing Future“
• 1995 – „E Ala E“
• 1996 – „N Dis Life“
• 2000 – „Iz in Concert“
• 2001 – „Alone in Iz World“
• 2004 – „Iz: The Man Behind the Music“
• 2007 – „Wonderful World“
• 2008 – „Unforgettable“
• 2010 – „Somewhere over the Rainbow“
• 2011 – „The Best of IZ - Somewhere over the Rainbow“

• Echo 2011: In da Kategorie „Hit des Jahres (national/international)“ (Over the Rainbow/What a Wonderful World) (posthum)

• Aloha ʻOe - Hawaiianisches Voiksliad

1. ↑ ^{1,0 1,1 1,2} Chartvafoigung Deitschland
2. ↑ ^{2,0 2,1 2,2} Chartdiskografie Österreich
3. ↑ ^{3,0 3,1 3,2} Chartdiskografie Schweiz
4. ↑ ^{4,0 4,1} UK-Chartstatistik
5. ↑ ^{5,0 5,1 5,2} US-Charthistorie
6. ↑ Gordon, Mike, Beverly Creamer and Wayne Harada. The Legacy: A Voice Of Hawaiʻi and Hawaiians , The Honolulu Advertiser. Obgruafa am 19. August, 2008.  The Legacy: A Voice Of Hawaiʻi and Hawaiians (Memento des Originals [1] vom 22. Mai 2008 im Internet Archive)  Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2Vorlage:Webachiv/IABot/iz.honoluluadvertiser.com

• Rick Carroll: IZ: Voice of the people. Honolulu, Hawaiʻi: Bess Press 2006, ISBN 978-1-57306-257-2
• Dan Kois: Facing Future. New York: Continuum (part of the 33⅓ series) 2010, ISBN 978082642905X

• Israel Kamakawiwo'ole Hoamseitn (englisch)
• Biographische Notizn und Photos (englisch)
• Honolulu Advertiser: IZ (englisch)
• SPIEGEL Online: Ein Toter erobert die Charts
• Video: "Somewhere over the Rainbow"
• "Pau Hana: Song of a Rainbow Warrior," Hana Hou, June/July 2010