Vikipediya:Stil kitabçası/Qeyri-müəyyən ifadələrdən çəkinin
Vikipediya, azad ensiklopediya
Qeyri-müəyyən ifadələr o ifadələrdir ki, onlar sanki fikri təsdiq edir, lakin bununla bərabər yoxlanıla bilən mənbələrə istinad etmir və ya özləri də qeyri-dəqiqidir, məsələn - "bir neçə" sözü dəqiq sayla müqayisədə qeyri-müəyyəndir. Bu ifadələr cümləyə etibarlılıq şəkli verir və oxuyucuya bu mənbənin etibarlılığını yoxlamaq imkanı vermir. Əgər bir fikir qeyri-müəyyən ifadələrsiz keçinə bilmirsə, o neytrallığı pozur; bu cür ifadənin mənbəsini tapmaq və ya ifadəni silmək lazımdır. Amma mülahizə qeyri-müəyyən ifadələrsiz də irəli sürülə bilərsə, onda bu ifadələr onun neytrallığına ziyan vurur, bu ifadələrdən istifadə etməmək daha məqsədəuyğundur.
Məsələn "Bakı - dünyanın ən gözəl şəhəridir" mülahizəsi tərəflidir. Qeyri-müəyyən ifadələrdən istifadə ilə bu mülahizənin neytral olması illüziyası yaradır: "Bəzilərinə görə, Bakı - dünyanın ən gözəl şəhəridir"
Lakin, bu cür mülahizə, hətta məntiqi olsa belə (çünki, bəzi insanlar həqiqətən Bakının dünyanın ən gözəl şəhəri olmasını iddia edir) informativ deyil:
- Kim belə deyir?
- Onlar bunu nə vaxt deyiblər? Bu gün?
- Bəziləri ümumiyyətlə nə qədərdir?
- Bu bəziləri haradadır?
- Onlar nə qədər neytraldırlar?
- Onların fikri niyə əhəmiyyət daşıyır?
Qeyri-müəyyən ifadələr neytralmövqeyə yardımçı olmur, əksinə şəxsi düşüncəyə, dedi-qodu və ya təbliğata xidmət edir. Hər oxucu oxuduğunun əsassız olduğunu hiss edə bilməz. Bu etibarlılığı qəbul edilmiş ensiklopediyalarda xüsusilə təhlükəlidir. Anonim mənbəyə istinad etməkdənsə, mülahizəni əsəsləndirənin adını çəkmək daha düzgündür.
Həmçinin bax
[mənbəni redaktə et]
Text is available under the CC BY-SA 4.0 license; additional terms may apply.
Images, videos and audio are available under their respective licenses.
