Vikipediya:Beş əsas prinsip

VP:5PVP:5PVP:BƏPVP:BƏPVP:SÜTUNLARVP:SÜTUNLARVP:5VP:5VP:BEŞVP:BEŞ

Bu səhifə Vikipediyanın rəsmi prinsiplərindən biridir.

Səhifənin məzmunu bütün vikipediyaçılar tərəfindən eyni dərəcədə riayət edilməsi tələb olunan qaydalardan ibarətdir. Səhifədə redaktə etmədən öncə bu dəyişikliklərin Vikipediyaçılar tərəfindən dəstəkləndiyindən əmin olun. Düzgün hesab etmədiyiniz məqam varsa, səhifənin müzakirə səhifəsində bunu aydın şəkildə ifadə edin.

Vikipediya qanunları beş əsas prinsipə söykənir:		VP:5P1VP:5P1
	Vikipediya bir ensiklopediyadır
	Bizim ensiklopediyamız ümumi və ixtisaslaşdırılmış ensiklopediya, almanax və coğrafi sorğu kitabçalarının bir çox xüsusiyyətləri özündə cəmləşdirir. Vikipediya siyasi tribuna, reklam lövhəsi, anarxiya və ya demokratiya təcrübəsi, dolaşıq məlumatlar toplusu və ya veb kataloq deyil. Vikipediya lüğət, qəzet və ya mənbə sənədlərinin toplusu deyil, baxmayaraq ki, bunların bəziləri üçün VikiLayihələr mövcuddur.
	Vikipediyada bitərəf nöqteyi nəzərdən yazılış formasıdır	VP:5P2VP:5P2
	Biz əsas məqamları sənədləşdirən və izah edən, qərəzsiz tərzdə onların şöhrətinə hörmətlə lazımi diqqətin veriliyi məqalələr üçün çalışırıq. Biz təbliğatın qarşısını alırıq və məlumat və məsələləri müzakirə etməkdən daha çox onları səciyyələndiririk. Bəzi sahələrdə hamı tərəfindən qəbul edilmiş bir nöqteyi nəzər ola bilər, bəzən isə bir neçə nöqteyi nəzər ola bilər ki, bunlar "düzgün" və ya "ən yaxşı" konteksində deyil, hər biri dəqiq təqdim edilməlidir. Bütün məqalələrin, xüsusilə mübahisəli və yaşayan şəxslərlə əlaqəli məqalələrin dəqiqliklə yoxlanılabilər olmasına, etibarlı, nüfuzlu mənbələrə istinad edilməsinə çalışılmalıdır. Redaktorların şəxsi təcrübələri, şərhləri və ya fikirləri bura aid deyil.
	Vikipediya hər kəsin istifadə, redaktə edə biləcəyi və yayımlaya biləcəyi sərbəst məzmundur	VP:5P3VP:5P3
	Redaktorlar öz işlərini ictimaiyyətə sərbəst lisenziyaladıqları üçün redaktorlar heç bir məqalənin sahibi deyil və fəaliyyətləri redaktə edilə və yenidən yayımlana bilər. Müəllif hüquqları qanunlarına hörmət edin və heç vaxt mənbədən plagiatlıq etməyin. Bəzən azad olmayan faylların ədalətli istifadəsinə icazə verilir, amma əvvəlcə sərbəst alternativlərini tapmağa cəhd edin.
	Vikipediya redaktorları bir-birinə hörmətlə və nəzakətlə yanaşmalıdır	VP:5P4VP:5P4
	Siz narazı olsanız belə digər Vikipediyaçılara nəzakətlə yanaşın. Vikipediya etiketinə riayət edin və şəxsi hücumlarla məşğul olmayın. Konsensus tapmağa çalışın, redaktə müharibəsindən uzaq olun və fikrinizi bildirmək üçün Vikipediyanı pozmayın. Xoş niyyətli olun və digərlərinin də xoş niyyətli olduğunu fərz edin. Yeni gələnlərə qarşı açıq olun və xoş qarşılayın. Münaqişələr yarandıqda müvafiq müzakirə səhifələrində sakitcə müzakirə edin və mübahisələrin həlli qaydalarını tətbiq edin və unutmayın ki, Azərbaycandilli Vikipediyada redaktə və müzakirə edə biləcəyiniz 201.283 məqalə var.
	Vikipediyanın dəyişməz qanunları yoxdur:	VP:5P5VP:5P5
	Vikipediyanın prinsip və rəhbərlikləri var, amma bunlar dəyişməz deyil; onların məzmunu və izahı zamanla inkişaf edə bilər. Prinsiplər və qatı qaydalar şifahi sözlərdən artıqdır, amma inkişaf edən Vikipediya bəzən müəyyən istisnalar etməyə ehtiyac duyur. Cəsur olun, amma məqalələri yeniləyərkən ehtiyatsızlığa yol verməyin. Səhv etməkdən qorxmayın: hər bir səhifənin bütün keçmiş versiyaları saxlanılır, beləcə sizin səhvlər asanlıqla düzəldilir.