Saleh Məmmədov
Azərbaycan Respublikasının maliyyə naziri
5 oktyabr 1992[1] – 9 dekabr 1993[2]
Əvvəlki	Bədir Qarayev
Sonrakı	Fikrət Yusifov
Şəxsi məlumatlar
Doğum tarixi	12 avqust 1956(1956-08-12) (68 yaş)
Doğum yeri	Pələkli, Tovuz rayonu, Azərbaycan SSR, SSRİ
Təhsili	Azərbaycan Dövlət İqtisad Universiteti
Fəaliyyəti	dövlət qulluqçusu

Saleh Məmmədəli oğlu Məmmədov (12 avqust 1956, Pələkli, Tovuz rayonu) — Azərbaycan Respublikasının sabiq maliyyə naziri (1992–1993), iqtisad elmləri dokturu, professor.

Saleh Məmmədov 1956-cı ilin avqust ayının 12-də Tovuz rayonunun Çatax sovetliyinin Pələkli kəndində anadan olmuşdur. 1973-cü ildə rayonun Çatax kənd orta məktəbini əla qiymətlərlə bitirmişdir. 1973–1977-ci illərdə Azərbaycan Xalq Təsərrüfatı İnstitutunun Maliyyə və statistika fakültəsində təhsil almışdır. 1977–78-ci illərdə hərbi xidmətdə olmuşdur.

1980-ci ildə Azərbaycan Xalq Təsərrüfatı İnstitutunun Maliyyə ixtisası üzrə aspiranturasına daxil olmuş, aspiranturanı bitirərək, iqtisad elmləri namizədi elmi dərəcəsini almışdır. Ardınca, İ. A. Voznesenski adına Sankt-Peterburq Maliyyə-İqtisad İnstitutunda doktorantura üzrə təhsilini davam etdirərək iqtisad elmləri doktoru elmi dərəcəsini almışdır.

Ailəlidir, üç övladı var.

Əmək fəaliyyətinə 1978-ci ildə Azərbaycan Respublikası Maliyyə Nazirliyində iqtisadçı vəzifəsində başlamış, doktorantura təhsilini bitirdikdən sonra isə Azərbaycan Xalq Təsərrüfatı İnstitutunun Maliyyə kafedrasında fəaliyyət göstərmişdir.

Dövr ərzində, Azərbaycan KP MK-nin iqtisadi məsələlər üzrə katibinin, Azərbaycan Respublikasının baş nazirinin, Azərbaycan Respublikası prezidentinin iqtisadi məsələlər üzrə müşaviri vəzifəsində işləmişdir.

1992-ci ilin oktyabrında Azərbaycan Respublikasının Maliyyə naziri təyin edilmiş və 1993-cü ilin dekabrında vəzifəsindən azad edilmişdir. 17 mart 1993-cü il tarixində Azərbaycan Respublikası Milli Bankı İdarə Heyətinin üzvü təyin edilmişdir.^[3] Bundan sonra fəaliyətini Bakı şəhər icra hakimiyyətində icra başçısının məsləhətçisi kimi davam etdirmiş, həmçinin müxtəlif universitetlərdə elmi-pedoqoji fəaliyyətlə məşğul olmuşdur.

"Azərbaycanın sosial-iqtisadi inkişaf proqramı (2000–2050-ci illər)" kitabının, "İnflyasiya və maliyyə bazarı" monoqrafiyasının müəllifidir.

Azərbaycanın maliyyə nazirləri
Azərbaycan Xalq Cümhuriyyəti (1918–1920)	Maliyyə nazirləri (1918–1920) Nəsib bəy Yusifbəyli (1918) Əbdüləli bəy Əmircanov (1918) Məmmədhəsən Hacınski (1918) İvan Protasov (1918–1919) Əliağa Həsənov (1919) Rəşid xan Qaplanov (1919–1920)
Azərbaycan SSR (1920–1991)	Xalq maliyyə komissarları (1920–1946) Nəsir Tağıyev (1920–1922) Tevadros Mirzəbekyan (1923–1924) Mirzə Davud Hüseynov (1925–1925) Əlisəttar İbrahimov (1926–1926) Teymur Əliyev (1927–1930) Əli Məmmədov (1931–1932) Nadir İbrahimov (1932–1935) İsrafil Atakişiyev (1935–1936) Şahmar Tağıyev (1936–1937) Mirabutalıb Səmədov (1938–1946) Maliyyə nazirləri (1946–1991) Mirabutalıb Səmədov (1946–1949) Rza Sadıqov (1949–1958) Qurban Xəlilov (1958–1969) Baxşəli Baxşəliyev (1970–1987) Bədir Qarayev (1987–1991)
Azərbaycan Respublikası (1991-ci ildən)	Maliyyə nazirləri (1991–h. h.) Bədir Qarayev (1991–1992) Saleh Məmmədov (1992–1993) Fikrət Yusifov (1994–1999) Əvəz Ələkbərov (1999–2006) Samir Şərifov (2006–h. h.)