Rəfayel Məcidov
Zaqatala Rayon İcra Hakimiyyətinin Başçısı
1993 – 2002
Əvvəlki	İbadulla Qurbanov
Sonrakı	Vaqif Rəhimov
Şəxsi məlumatlar
Doğum tarixi	11 mart 1949(1949-03-11) (75 yaş)
Doğum yeri	Zaqatala rayonu, Azərbaycan SSR, SSRİ
Partiya	Yeni Azərbaycan Partiyası
Fəaliyyəti	siyasətçi

Rəfayel Məcid oğlu Məcidov (11 mart 1949, Zaqatala rayonu) — Zaqatala Rayon İcra Hakimiyyətinin Başçısı (1993–2002-ci illərdə).

1949-cu il martın 11-də Azərbaycan SSR Zaqatala rayonunun Qımır kəndində anadan olub. 1971-ci ildə Azərbaycan Politexnik İnstitutunu, 1987-ci ildə Azərbaycan Kommunist Partiyası Mərkəzi Komitəsi yanında Ali Partiya Məktəbini bitirib. Əmək fəaliyyətinə 1971-ci ildə Mingəçevir Toxuculuq Kombinatında növbə ustası kimi başlayıb. 1973–1975-ci illərdə Zaqatala Tütün Fermentləmə Zavodunda baş usta, 1975–1980-ci illərdə Zaqatala Rayon Xalq Nəzarəti Komitəsində inspektor işləyib. 1980-ci ildə partiya işinə irəli çəkilib, 1980–1983-cü illərdə Zaqatala rayon partiya komitəsində təlimatçı, Sənaye-Nəqliyyat şöbəsinin müdiri, 1983–1985-ci illərdə II katib olub. 1985–1987-ci illərdə Zaqatala rayon Xalq Deputatları Soveti İcraiyyə Komitəsinin sədri işləyib. 1987–1988-ci illərdə Azərbaycan KP Xaçmaz rayon komitəsinin birinci katibi olub.

1988–1991-ci illərdə Zaqatala rayon partiya komitəsi yanında Partiya Komissiyasının sədri, Zaqatala rayon İcra Hakimiyyətinin şöbə müdiri vəzifələrində işləyib. 1993-cü ildən 2002-ci ilədək Zaqatala Rayon İcra Hakimiyyətinin başçısı olub. 2002–2010-cu illərdə fərdi əmək fəaliyyəti ilə məşğul olub. 2010–2012-ci illərdə Azərbaycan Respublikası Dini Qurumlarla İş üzrə Dövlət Komitəsinin Şimal-Qərb bölgəsi üzrə şöbə müdiri işləyib. 2012-ci ilin aprelindən pensiyaçıdır. 1986-cı ildə Zaqatala rayon XDS İcraiyyə Komitəsinin sədri işləyərkən, rayonun sosial-iqtisadi inkişaf sahəsində əldə etdiyi nailliyyətlərə görə SSRİ Ali Soveti Rəyasət Heyətinin Fərmanı ilə "Şərəf nişanı" ordeni ilə təltif edilmişdir. 1993-cü ilin fevral ayında Yeni Azərbaycan Partiyası Zaqatala rayon təşkilatını yaratmış və onun sədri seçilmişdir.

Ailəlidir, 4 övladı vardır.

Zaqatala rayonunun rəhbərləri
Azərbaycan SSR	Rayon Partiya Komitəsinin birinci katibləri Bala Əfəndiyev (1935–1937) Hətəm Əhmədov Əli Səfərov (1942–1948) Rüstəm Səfərəliyev (1952–) Sadıq Murtuzayev (1959–1962) Səfiyyə Dibirova (1962) Nəzir Əhmədov (1965–) Rəşid Mahmudov (1973–1980) Əbdüləli Mürsəlov (1980) Nadir Abdurəhmanov (1980–) Qalib Qurbanov (1990–1991) Kolxoz-Sovxoz İstehsalat İdarəsi Partiya Komitəsinin katibləri Təmraz Əbdürrəhmanov (1963–1965) Rayon Xalq Deputatları Soveti İcraiyyə Komitəsinin sədrləri Həzrət Süleymanov (1931–1934) Əhməd Zəngiyev (1951–) Məmməd Rzayev (1952–) Asiyət Yusifova (1963–1964) İnqilab Quliyev (1982–1985) Rəfayel Məcidov (1985–1987)
Azərbaycan Respublikası	Rayon Sovetinin sədrləri Qalib Qurbanov (1991) Rayon İcra Hakimiyyəti başçıları Qalib Qurbanov (1991–1992) İbadulla Qurbanov (1992–1993) Rəfayel Məcidov (1993–2002) Vaqif Rəhimov (2002–2006) Asif Əsgərov (2006–2009) Mübariz Əhmədzadə (2009–)
Qeyd 1: Zaqatala rayonu 8 avqust 1930-cu ildə təşkil olunmuşdur. 4 yanvar 1963-cü ildə Balakən və Qax rayonları ləğv edilərək Zaqatala rayonuna birləşdirilmişdir. 17 iyun 1964-cü ildə Qax rayonu, 6 yanvar 1965-ci ildə isə Balakən rayonu müstəqil rayon olaraq təşkil olunmuşdur. Qeyd 2: Xalq Deputatları Soveti 1977-ci ilədək Zəhmətkeş Deputatları Soveti adlanmışdır.