Gültac Məmmədəliyeva

Gültac Məmmədəliyeva
Gültac Məmmədəliyeva
Şəxsi məlumatlar
Tam adı	Gültac Mais qızı Məmmədəliyeva
Vətəndaşlığı	Azərbaycan
Doğum tarixi	20 sentyabr 1999 (24 yaş)
Doğum yeri	Sumqayıt, Azərbaycan;
Təhsili	Azərbaycan İdman Akademiyası;
Boyu	160 sm. (5 ft 6 in)
İdman növü	Cüdo
Karyera illəri	2008—
Məşqçisi	Zaur Rəcəbli
Komandası	Neftçi İdman Klubu
	Vikianbarda əlaqəli mediafayllar

Gültac Məmmədəliyeva (20 sentyabr 1999, Sumqayıt) — Azərbaycanı təmsil edən cüdoçu.

Karyerası

Gültac Məmmədəliyeva 2008-ci ildən Sumqayıt şəhərində cüdo ilə məşğul olmağa başladı. 2018-ci ildən isə Neftçi İdman Klubunu təmsil edir və şəxsi məşqçisi Zaur Rəcəblidir.

Karyerasının birinci uğuruna 2016-cı ildə İspaniyada yeniyetmələrin beynəlxalq turnirini bürünc medalla başa vurmaqla imza atan Gültac Məmmədəliyeva 2017-ci ildə Maribor şəhərində (Sloveniya) baş tutan gənclər arasında Avropa Çempionatının bürünc medalına sahib oldu.

2019-cu ildə Antalya şəhərində IJF Qran-Pri turnirini də bürünc medalla başa vurdu. 2019-cu ilin iyununda Belarusda Avropa Oyunlarını yeddinci pillədə tamamladı. Sentyabrda isə Vantaa şəhərində (Finlandiya) gənclər arasında Avropa Çempionatını beşinci pillədə başa vurdu.

2020-ci ilin noyabrında Xorvatiyanın Poreç şəhərində U-23 Avropa Çempionatının final görüşündə məğlub olaraq turnirin gümüş medalına sahib oldu. 2022-ci ildə Konya şəhərində V İslam Həmrəyliyi Oyunlarını bürünc medalla başa vurdu.

Gültac Məmmədəliyeva üçün 2023-cü il ən uğurlu mövsümlərdən biri oldu. 2023-cü ilin martında Gürcüstanda IJF Grand Slam turnirini bürünc, mayında Avstriyada IJF Qran-Pri turnirini bürünc, iyununda Özbəkistanda IJF Qran-Pri turnirini gümüş və Qazaxıstanda IJF Grand Slam turnirini bürünc medallarla başa vurdu. İyulda isə Çinin Çendu şəhərində baş tutan Universiada Oyunlarını beşinci pillədə tamamladı. Noyabrda Fransanın Monpelye şəhərində Avropa Çempionatını da beşinci pillədə başa vurdu.

Bütün bu uğurların nəticədəsində Gültac Məmmədəliyeva IJF olimpiya reytinq cədvəlində mövqeyini daha da yaxşılaşdırdı və olimpiya lisenziyasına sahib oldu.

Gültac Məmmədəliyeva Paris Olimpiadasının açılış mərasimində cüdoçu Məhəmməd Abdullayev ilə birgə Azərbaycan bayrağını apardı.^[1]

İstinadlar

↑ Azerisport.com idman portalı. "Азербайджанский состав дзюдоистов на Олимпиаду". www.azerisport.com ( (rus.)). 25.04.2024. 2024-07-20 tarixində arxivləşdirilib. İstifadə tarixi: 25.04.2024.


Əvvəl olan: Rüstəm Orucov Fəridə Əzizova 2020	Azərbaycan Olimpiya Komandasının bayraqdarı Məhəmməd Abdullayev ilə birgə 2024	Sonra gələn: 2028-ci ildə məlum olacaq