Muséu Arqueolóxicu d'Asturies
muséu arqueolóxicu
Llocalización
País	España
Autonomía	Principáu d'Asturies
Provincia	provincia d'Asturies
Conceyu	Uviéu
Coordenaes	43°21′47″N 5°50′32″W / 43.363115°N 5.842337°O / 43.363115; -5.842337
Muséu Arqueolóxicu d'Asturies Muséu Arqueolóxicu d'Asturies (Asturies)
Historia y usu
Apertura	1944
Xestión	Conseyu de Gobiernu del Principáu d'Asturies
Patrimoniu
Web oficial

El Muséu Arqueolóxicu d'Asturies ye un muséu inauguráu en 1952 y dedicáu a los restos arqueolóxicos alcontraos n'Asturies y asitiáu na cai San Vicente d'Uviéu, nel claustru del antiguu Monesteriu de San Vicente (Benedictín) (sieglu XVI). Ye de titularidá del Ministeriu español de Cultura y la so xestión ye de la Conseyería de Cultura del Principáu d'Asturies. Tien entrada gratuita.

Anguaño ta n'obres de reforma y ampliación del Muséu que terminarán en marzu de 2007. Estes obres permitieron el descubrimientu d'un bastión de la primitiva muralla d'Uviéu del sieglu VIII de 1,6 m d'altura. Sobro los restos d'esta muralla descansen les arcaes del claustru del Monesteriu. Modificóse'l proyeutu inicial de les obres pa dexar espuestes estes partes de la muralla de la ciudá como otra de les ayalgues del Muséu. Esti descubrimientu sofita la hipótesis del historiador Juan Uría Ríu sobro'l trazáu d'esta muralla irguía na dómina d'Alfonsu II.

• Instrumentos del Paleolíticu Inferior, Mediu, Superior, Epipaleolíticu y de la Edá de los Metales.
• Dos sales con elementos de la romanización astur:

• Mosaicu romanu de finales del sieglu V alcontráu en Mamorana (Ḷḷena).
• Epigrafía.
• Cerámiques.

• Dos sales relatives al prerrománico asturianu:

• Ara de Samiguel de Lliño.
• Ara de Santa María del Naranco.

• Sala del arte románicu

• Dellos componentes del Monesteriu de San Vicente.
• Sarcófagu de doña Gontrodo Petri (sieglu XII), fundadora del monesteriu de Santa María de la Vega.

• Sala del arte góticu:

• Restos arquiteutónicos del agora inexistente Conventu de San Francisco.
• Sarcófagu de Rodrigo Álvarez de las Asturias.
• Sarcófagu de Gonzalo Bernaldo de Quirós y Diego de Miranda.

• Etnografía:

• Muebles y cacía.
• Cerámica de Llamas del Mouro, Miranda, Vega de Poxa y Faro.
• Instrumentos musicales

• Prehistoria
• Cultura castreña
• Romanización
• Prerrománicu Asturiano
• Románicu
• Góticu
• Etnografía asturiana
• Heráldica
• Epigrafía Medieval y Moderna
• Numismática española
• Medallística europea
• Armería
• Celda y biblioteca del Padre Benito Jerónimo Feijoo (1676-1764), abad del antiguu Monesterio.

• Biblioteca del Muséu Arqueolóxicu d'Asturies