L'Union List of Artist Names, tamién conocíu pola so sigla ULAN ye un índiz y glosariu estructurado que contién cerca se 293 000 nomes d'artistes (contabilizando los sos seudónimos, les distintes maneres d'escribilo, treslliteraciones, variantes en diversos idiomes, cambeos de nome, por casu por matrimoniu, relixón o naturalización como ciudadanu d'un país que lu esixa). Nel rexistru, ta marcáu cuál ye'l nome más usáu o preferíu.

ULAN individualiza a cada artista con un númberu únicu que lu identifica. En total hai 125 000 artistes nel rexistru qu'inclúi amás la fonte y los artistes rellacionaos. La edición ta a cargu del Getty Research Institute (Institutu d'Investigación Getty).^[1]

Anque s'esplega como una llista, la so estructura ye la d'un tesauro y cumple coles normes ISO y NISO sobre la construcción de los mesmos.

ULAN representa un recursu importante p'archivos biblioteques y museos na clasificación y indexción de bienes culturales. El Getty Research Institute participa col so tesauro ULAN nel Virtual International Authority File.

Contribuciones y consultes

La manera en que s'amonta'l tesauro ye al traviés de contribuciones tantu internes (de los proyeutos Getty) como esternes, provenientes d'otres instituciones (archivos, biblioteques y museos, coleiciones, proyeutos de procesamientu documental y bibliográficu, grandes proyeutos de traducción). Puede dicise que contribuyentes y usuarios en bona midida coinciden.

Les consultes y usu de la información del tesauro pueden realizase ensin costu nel sitiu oficial de ULAN, cuando se trata de buscar datos individuales. Amás, puede llograse una llicencia p'aportar a los datos («en brutu», ensin procesar) en formatu XML y en forma de tables rellacionales. Finalmente, tamién ye posible llogralos en formatu LOD (linked open data).^[2]

Referencies

Enllaces esternos

• Union List of Artist Names, sitiu oficial (caxa de busca)