Moreda
Alministración
País	España
Autonomía	Principáu d'Asturies
Provincia	provincia d'Asturies
Conceyu	Xixón
Partíu xudicial	Xixón
Tipu d'entidá	barriu
Xeografía
Coordenaes	43°32′13″N 5°40′57″W / 43.5369°N 5.6824°O / 43.5369; -5.6824
Moreda Moreda (Asturies)
Más información
Estaya horaria	UTC+01:00

Moreda^[1] ye un barriu que ta asitiáu nel estremu oeste de Xixón (Asturies, España), ente los barrios de La Calzada y El Natahoyo.

Cuenta con una población cercana a los 1.000 habitantes. Tá asitiada a 400 metros de la playa de Poniente y a un quilómetru del centru ciudá.

El Barriu de Moreda nació na década de los noventa a consecuencia de los Fondos Mineros d'Asturies, en calidá de Cooperativa ente Comisiones Obreres y la UXT. Diversos organismos sindicales y patronatos de trabayadores construyeron los edificios que güei puen contemplase nel barriu.

El Barriu de Moreda tien una conexón direuta coles llinies d'autobús urbanu de Xixón (EMTUSA); asina como la Estación de Ferrocarril de Xovellanos, interconectada con Lleón y Uviéu. Amás, tien una salida direuta cola autovía A-66 (Y).

El barriu tien un centru de salú propiu, un institutu d'Educación Secundaria (IES Emilio Alarcos), diversos bares y restaurantes, supermercaos, etc... Tamién tien un gran parque dotáu de numberoses instalaciones deportives como'l polideportivu, la piscina municipal y la pista del Mundial de Patinaxe 2008.

Añalmente, el barriu celebra les fiestes de l'Asociación de Vecinos. Suelen ser el segundu fin de selmana de setiembre.

• Wikimedia Commons acueye conteníu multimedia sobre Moreda .