Boletín Oficial del Principáu d'Asturies
| Boletín Oficial del Principado de Asturias y Boletín Oficial del Principáu d'Asturies | |
|---|---|
 | |
| Tipu | diariu oficial |
| Estáu | España |
| Llingua orixinal | castellanu y asturianu |
| Creación | 1835 |
| Páxina web | Páxina web y Páxina web |
 | |
El Boletín Oficial del Principáu d'Asturies (BOPA)[1] ye'l Diariu oficial de la comunidá autónoma del Principáu d'Asturies. Nel asoléyense les disposiciones xenerales, actos alministrativos y testos que, en virtú de disposición llegal o reglamentaria, deban ser obligatoriamente asoleyaos nel mesmu pa la so validez llegal o eficacia xurídica.
Espublízase tolos díes sacante domingu y festivos. Dende'l xueves, 2 d'agostu de 2007, l'alministración, edición y distribución depende del Serviciu Central de Publicaciones, Archivos Alministrativos y Documentación adscritu a la Conseyería d'Alministraciones Públiques y Voceru del Gobiernu del Principáu d'Asturies. Semestralmente asoléyase un índiz sistemáticu y cronolóxicu coles disposiciones xenerales apaecíes nel boletín.
Historia
[editar | editar la fonte]La información oficial del Principáu d'Asturies ta contenía dende 1835 nuna publicación que la so denomación tien esperimentao variaciones a lo llargo d'esti periodu:
- Boletín Oficial del Principáu d'Asturies: 1835
- Boletín Oficial de la provincia d'Uviéu: 1836 a 28-2-1838
- Boletín Oficial d'Uviéu: 3 de marzu 1838 a 31-12-1857
- Boletín Oficial de la provincia d'Uviéu: 1-1-1858 a 18-1-1979
- Boletín Oficial del Conseyu Rexonal d'Asturies: 19-1-1979 a 3-3-1982
- Boletín Oficial del Principáu d'Asturies: 19-5-1982 a 1-10-1982
- Boletín Oficial del Principáu d'Asturies y de la provincia: 15-10-1982 a 4-4-1995
- Boletín Oficial del Principáu d'Asturies dende 5-4-1995
A partir del 20 de xineru de 2009, desapaez la edición impresa del BOPA entamando a publicase solamente n'edición dixital.
Referencies
[editar | editar la fonte]- ↑ Academia de la Llingua Asturiana (2007). Cartafueyos Normativos. Abreviatures, rotulaciones y propuestes d’espresión y llocución. ISBN 978-84-8168-421-6.
Enllaces esternos
[editar | editar la fonte]- Páxina del BOPA Archiváu 2007-10-28 en Wayback Machine
- Testu del BOPA en vLex.com
Datos: Q8250530
Text is available under the CC BY-SA 4.0 license; additional terms may apply.
Images, videos and audio are available under their respective licenses.
