Marlene Dietrich
Marlene Dietrich![]() | |
---|---|
![]() | |
Vida | |
Nacimientu |
Rote Insel (en) ![]() |
Nacionalidá |
Reich alemán ![]() ![]() ![]() ![]() |
Llingua materna | alemán |
Muerte | VIII Distritu de París[3], 6 de mayu de 1992[1] (90 años) |
Sepultura |
III. Städtischer Friedhof Stubenrauchstraße (en) ![]() |
Causa de la muerte | insuficiencia renal |
Familia | |
Padre | Louis Erich Otto Dietrich |
Madre | Wilhelmina Elisabeth Joséphine Felsing |
Casada con | Rudolf Sieber (1923 – m. 1976) |
Pareyes |
Erich Maria Remarque Jean Gabin Mercedes de Acosta Yul Brynner John F. Kennedy Wilhelm Michel |
Fíos/es | Maria Riva |
Familia |
ver
|
Estudios | |
Estudios |
escuela de Goethe (es) ![]() Academia de Arte Dramático Ernst Busch (es) ![]() Escuela Superior de Música Franz Liszt Weimar (es) ![]() (1918 - |
Llingües falaes |
alemán[5] francés[6] italianu inglés[7] |
Oficiu | actriz de cine, cantante, autobiógrafa, animadora, violinera, actriz de teatru, actriz, actriz de televisión, militante de la resistencia |
Altor | 168 cm |
Llugares de trabayu | Los Angeles y Berlín |
Emplegadores |
Office of Strategic Services (es) ![]() |
Trabayos destacaos |
El ángel azul (es) ![]() |
Premios |
ver
|
Nominaciones |
ver
|
Seudónimos | Marlene Dietrich |
Mena de voz | contraltu |
Instrumentu musical |
violín sierra musical (es) ![]() voz |
Discográfica | Liberty |
Serviciu militar | |
Cuerpu militar |
United Service Organizations (es) ![]() |
Lluchó en | Segunda Guerra Mundial |
IMDb | nm0000017 |
marlene.com | |
![]() | |
![]() |
Marlene Dietrich (Schöneberg, 27 d'avientu de 1901 – París, 6 de mayu de 1992)[10], nacida col nome de Marie Magdalene von Losch, foi una actriz y cantante alemana nacionalizada d'Estaos Xuníos d'América en 1939. El so aspeutu sofisticáu, la so voz grave y sensual, los papeles qu'interpretó nos anicios de la so carrera y la so vida amorosa tumultuosa fadránla la personificación de la femme fatale y del glamour nel mundu del espectáculu dende los años 1930 hasta los 50.
Biografía
[editar | editar la fonte]Infancia
[editar | editar la fonte]Marie Magdalene Dietrich nació'l 27 d'avientu del 1901 en Berlín-Schöneberg, nel que daquella yera l'Imperiu alemán. Tenía una hermana un añu mayor qu'ella, Elisabeth, y yera la fía de Louis Erich Otto Dietrich, un llugarteniente de policía que sirviera na Guerra Francoprusiana y de Wilhelmina Elisabeth Josephine Felsing, una muyer de bona familia berlinesa.
El so padre va morrer nel añu 1907,[11] y la so madre va ponese a trabayar como mayordoma pa Eduard von Losch, un oficial del exércitu con quien va acabar casando'l 1916. Von Losch, sicasí, muerre poco depués por mor de les firíes feches na Primer Guerra Mundial, ensin tener adoptao oficialmente les fíes de la que yera la so muyer.
Dietrich va pasar la so infancia estudiando nun internáu pa moces y va recibir cursos de violín, que va haber d'aparar por una lesión na moñeca (más llueu deprendería a tocar la xerra musical), y na adolescencia va entamar a interesase pol teatru y la poesía.
Cuando tenía 11 años, va decidir facer un anagrama colos sos nomes, Marie y Magdalene, del que va remanecer "Marlene".
Entamu artísticu
[editar | editar la fonte]L'añu 1921 quier trabayar col prestixosu direutor de teatru Max Reinhardt, ensin aconseguilo. Sicasí, a fuercia d'insistir entama a actuar pa él como corista y faciendo pequeños papeles dramáticos.
En 1922 va actuar per primer vegada nun par de películes, So sind die Männer y Tragödie der Liebe y, nel rodaxe d'esta última, va conocer el que sería'l so futuru maríu, Rudolf Sieber, que yera ayudante de direición. Casáronse en 1923 y un añu depués van tener xuntos una única fía, Maria Elisabeth Sieber, que sería conocida más llueu como l'actriz Maria Riva.
A lo llargo d'estos años, Dietrich va dir trabayando en teatru y cine ente Berlín y Viena. Nel teatru va interpretar papeles d'estremada importancia, mesmo obres de Shakespeare que de Bernard Shaw, pero lo que va atrayer más l'atención del públicu fueron les sos participaciones en revistes musicales. Pa contra finales de la década, va escomenzar a obtener papeles más importantes nel cine, en películes como Café Elektric (1927), Ich küsse Ihre Hand, Madame (1928) y Das Schiff der verlorenen Menschen (1929).
Tamién empecipia a facer delles grabaciones musicales: en 1928 va facer un dúu con Margo Lion, Wenn die Beste Freundin; esti cantar, con una connotación esplícita d'homosexualidá, va ser un gran éxitu nel Berlín de la dómina.
Creación del mitu
[editar | editar la fonte]En 1929, el direutor austriacu Josef von Sternberg escueye a Dietrich como protagonista de la película sonora Der blaue Engel, estrenada en 1930)[12] Dietrich interpreta Lola Lola, una actriz de cabaré que causa la perda d'un respetable profesor, y na mesma interpreta un cantar que se convierte n'emblemática del so repertoriu: Ich bin von Kopf bis Fuß auf Liebe eingestellt ("Toi fecha pa querer de la tiesta a los pies", Falling in love again, n'inglés). La película representa l'empiezu de la collaboració ente estos dos artistes, onde Von Sternberg va actuar como un verdaderu pigmalión, tresformando radicalmente la carrera de l'actriz.
Daquella, la Paramount buscaba una estrella capaz de rivalizar con Greta Garbo, que trabayaba pa la Metro. Von Sternberg vio potencial en Dietrich y va convencer a la Paramount pa que la contratare. Asina, van treslladase a los Estaos Xuníos d'América y en tando en Hollywood van facer xuntos seis filmes más que van contribuyir de manera decisiva a crear el "mitu" Dietrich.
Col so estilu cinematográficu barrocu, enllenu de fetichismos y d'escenarios exóticos, coles téuniques de fotografía qu'emplegaba y con un vestuariu fechu a midida, Sternberg va sublimar la imaxe de Dietrich. Ella, empara d'ello, va aceptar confiar ciegamente n'él y obedecer les sos órdenes a vegaes dictatoriales; va endelgazar, va acentuar la so palidez o, inclusive, va depilase les ceyes.
Hollywood
[editar | editar la fonte]En Hollywood, Dietrich va presentase davezu vistida con pieles, plumes, xoyes y maquillaxes sofisticaos, viaxando nun Rolls-Royce descapotable de la Paramount y viviendo nuna casa llena d'espeyos y alfombres lleopardu.
Si bien estos primeros papeles van contribuyir a facela una lleenda del cine, va costa-y muncho desfacese del so personaxe d'espía, vampiresa y de muyer aventurera de sexualidá ambigua, y depués de la so collaboración con Von Sternberg, que va acabar l'añu 1935, la so carrera enxamás va recuperar la rellevancia d'esti periodu. Sicasí, va trabayar con direutores tan prestixosos como George Marshall, Ernst Lubitsch, Billy Wilder, Alfred Hitchcock y Orson Welles, y en películes d'éxitu como A Foreign Affair, Witness for the Prosecution, Touch of Evil, Judgment at Nuremberg y Stage Fright .
D'esta miente, va consiguir interpretar dalgunos personaxes que-y separtaríen la so imaxe de la habitual y que van permiti-y afondar nes sos cualidaes d'actriz. Nel western Destry Rides Again (1939), con James Stewart, onde fai'l papel d'una muyer de salón yá un poco madura ya interpreta unu de los cantares más importantes del so repertoriu, See what the boys in the back room will have. Tamién interpretará un papel asemeyáu en 1942 con John Wayne en The Spoilers y, en Touch of Evil, va facer de xitana que llee'l futuru.
L'añu 1930 va obtener la so única nominación a los Oscars pola so interpretación na película Morocco, dirixida por von Sternberg.
Filmografía destacada
[editar | editar la fonte]- 1922: So sind die Männer (Der kleine Napoléon), Georg Jacoby
- 1922: Tragödie der Liebe, Joe May
- 1923: Der Mensch am Wege, Wilhelm Dieterle
- 1923: Der Sprung ins Leben, Johannes Guter
- 1925: Eine Dubarry von heute, Alexander Korda
- 1925: Manon Lescaut, Arthur Robinson
- 1926: Der Juxbaron, Willi Wolff
- 1926: Der Tänzer meiner Frau, Alexander Korda
- 1926: Kopf hoch, Charly!, Willi Wolff
- 1926: Madame wünscht keine Kinder, Alexander Korda
- 1927: Prinzessin Olala, Robert Land
- 1927: Sein größter Bluff, Harry Piel
- 1927: Café Elektric, Gustav Ucicky
- 1928: Ich küsse Ihre Hand, Madame, Robert Land
- 1929: Das Schiff der verlorenen Menschen, Maurice Tourneur
- 1929: Die Frau, nach der man sich sehnt, Kurt Bernhardt
- 1930: Gefahren der Brautzeit, Fred Sauer
- 1930: Der blaue Engel, Josef von Sternberg
- 1930: Morocco, Josef von Sternberg con Gary Cooper
- 1931: Dishonored, Josef von Sternberg
- 1932: Shanghai Express, Josef von Sternberg
- 1932: Blonde Venus, Josef von Sternberg con Cary Grant
- 1933: The Song of Songs, Rouben Mamoulian
- 1934: The Scarlet Empress, Josef von Sternberg
- 1935: The Fashion Side of Hollywood (curtiumetraxe)
- 1935: The Devil is a Woman, Josef von Sternberg
- 1936: I Loved a Soldier (inacabada)
- 1936: Desire, Frank Borzage con Gary Cooper
- 1936: The Garden of Allah, Richard Boleslawski con Charles Boyer
- 1937: Knight Without Armour, Jacques Feyder
- 1937: Angel, Ernst Lubitsch
- 1939: Destry Rides Again, George Marshall con James Stewart
- 1940: Seven Sinners, Tay Garnett con John Wayne
- 1941: The Flame of New Orleans, René Clair
- 1941: Manpower, Raoul Walsh
- 1942: The Lady Is Willing, Mitchell Leisen
- 1942: The Spoilers, Ray Enright
- 1942: Pittsburgh, Lewis Seiler
- 1943: Show Business at War (curtiumetraxe)
- 1944: Follow the Boys, Edward E. Sutherland
- 1944: Kismet, William Dieterle
- 1946: Martin Roumagnac, Georges Lacombe con Jean Gabin
- 1947: Golden Earrings, Mitchell Leisen con Ray Milland
- 1948: A Foreign Affair, Billy Wilder con Jean Arthur
- 1949: Jigsaw, Fletcher Markle (apaición curtia)
- 1950: Stage Fright, Alfred Hitchcock con Jane Wyman
- 1951: No Highway in the Sky, Henry Koster, con James Stewart
- 1952: Rancho Notorious, Fritz Lang con Mel Ferrer
- 1956: The Monte Carlo Story, Samuel A. Taylor y Giulio Machi
- 1956: Around the World in 80 Days, Michael Anderson con David Niven, Charles Boyer, etc. (apaición curtia)
- 1957: Witness for the Prosecution, Billy Wilder con Charles Laughton y Tyrone Power
- 1958: Touch of Evil, Orson Welles con Charlton Heston y Janet Leigh
- 1961: Judgment at Nuremberg, Stanley Kramer con Spencer Tracy y Burt Lancaster
- 1962: Black Fox: The True Story of Adolf Hitler, Louis C. Stoumen (documental) (narradora)
- 1964: Paris, When It Sizzles, Richard Quine, con Audrey Hepburn y William Holden (apaición curtia)
- 1972: An Evening With Marlene Dietrich (I Wish You Love), Clark Jones (reportaxe sobro un conciertu en Londres)
- 1979: Just a Gigolo, David Hemmings con David Bowie
- 1984: Marlene, Maximilian Schell (documental) (voz)
Esbilla musical
[editar | editar la fonte]Cantares
[editar | editar la fonte]- Nimm dich in Acht vor blonden Frau'n
- Ich bin von Kopf bis Fuß auf Liebe eingestellt
- Wenn die beste Freundin
- Quand l'Amour meurt
- Wenn ich mir was wünschen dürfte
- Die Welt war jung
- Ich hab noch einen Koffer in Berlin
- Es liegt in der Luft
- Ich bin die fesche Lola
- Give Me the Man
- Falling in Love Again
- Kinder, heut' abend, da such ich mir was aus
- Johnny, wenn du Geburtstag hast
- Paff, der Zauberdrachen (auch englisch Puff, the Magic Dragon)
- Leben ohne Liebe kannst du nicht
- Cherche la Rose
- Sag mir, wo die Blumen sind
- Du hast ja keine Ahnung, wie schön du bist, Berlin
- Die Antwort weiß ganz allein der Wind
- Wo hast du nur die schönen blauen Augen her
- Just a Gigolo
- Lili Marleen
- The Boys in the Backroom'
- Awake in a Dream
- Illusions
- The Laziest Gal in Town
- I May Never Go Home Anymore
- Allein in einer großen Stadt
- Bitte geh nicht fort (Ne me quitte pas)
- Mein blondes Baby
- Blond Woman
- You've Got That Look
- Peter
- Hot Voodoo
- Lieber Leierkastenmann
- Untern Linden… untern Linden
- Das war in Schöneberg
- Das war sein Milljöh
- Wenn du einmal eine Braut hast
- Mein Mann ist verhindert
Álbumes
[editar | editar la fonte]- 1951: Marlene Dietrich Overseas
- 1954: Live at the Café de Paris
- 1959: Dietrich in Rio
- 1960: Wiedersehen mit Marlene
- 1964: Marlene singt Berlin
- 1964: Die neue Marlene
- 1964: Dietrich in London
Coleiciones
[editar | editar la fonte]- 1949: Souvenir Album
- 1952: M.D. Live 1932-1952
- 1959: Lil Marlene
- 1969: Marlene Dietrich
- 1973: The Best of Marlene Dietrich
- 1974: Das war mein Milljöh
- 1982: Her Complete Decca Recordings
- 1992: The Marlene Dietrich Album
- 1992: Art Deco Marlene Dietrich
- 2007: Marlene Dietrich with the Burt Bacharach Orchestra
Galería de semeyes
[editar | editar la fonte]- Dietrich en delles películes
-
Con Gary Cooper na película Morocco (1930).
-
nel tráiler d'A Foreign Affair (1948).
-
Nel tráiler de la película Stage Fright (1950).
-
En Touch of Evil (1958).
-
En Judgment at Nuremberg (1961).
Bibliografía
[editar | editar la fonte]- Maria Riva, Marlene Dietrich, Plaza y Janés, 1992. ISBN 84-01-35196-0.
- Donald Spoto, Marlene Dietrich, el ángel azul, Ediciones B, 1992. ISBN 84-406-3161-8
- Josef von Sternberg, Diversión en una lavandería china. Memorias, JC, 2002. ISBN 84-95121-23-9 (o Fun in a Chinesse Laundry)
Referencies
[editar | editar la fonte]- ↑ 1,0 1,1 Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: The New York Times. Títulu: Marlene Dietrich Returns To Become Citizen of U. S.. Data de consulta: 2 xunu 2021. Data d'espublización: 25 payares 1938. Páxina: 5. Editorial: The New York Times Company. ISSN: 0362-4331. Llingua de la obra o nome: inglés.
- ↑ Afirmao en: Gemeinsame Normdatei. Data de consulta: 30 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ URL de la referencia: https://www.berlin.de/senuvk/umwelt/stadtgruen/friedhoefe_begraebnisstaetten/downloads/eg-liste.pdf.
- ↑ Identificador CONOR.SI: 22616931. Afirmao en: CONOR.SI.
- ↑ Afirmao en: Encyclopædia Britannica Online. Identificador Encyclopædia Britannica Online: biography/Marlene-Dietrich. Cita: Marlene, [...], studied at a private school and had learned both English and French by age 12.. Data de consulta: 22 ochobre 2021. Llingua de la obra o nome: inglés.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ URL de la referencia: https://geoffreybeenefoundation.com/geoffrey-beene-lifetime-achievement-award-cfda-geoffrey-beene-design-scholar-award/. Data de consulta: 20 setiembre 2019.
- ↑ Afirmao en: Internet Movie Database. Identificador IMDb: ev0000003/1931. Llingua de la obra o nome: inglés.
- ↑ http://query.nytimes.com/gst/fullpage.html?res=9E0CE6D7163CF934A35756C0A964958260&sec=&spon=&pagewanted=all
- ↑ Bach, Steven. "Marlene Dietrich: Life and Legend". University of Minnesota Press, 2011, p. 19
- ↑ «Marlene Dietrich». L'Enciclopèdia.cat. Barcelona: Grup Enciclopèdia Catalana.
Text is available under the CC BY-SA 4.0 license; additional terms may apply.
Images, videos and audio are available under their respective licenses.