Cáncer
Abreviatura	Cnc
Símbolu
Significáu	cámbaru
Xenitivu	Cancri
Ascensión reuta	9 h
Declinación	20°
Visible pa llatitúes	Ente+90° y -60°
Meyor visible en/n'	febreiru
Númberu d'estrelles con magnitú aparente < 3	0
Estrella más rellumante  - Magnitú aparente	Al Tarf (β Cnc) 3.5
Lluvia de meteoritos	δ Cancridi
Constelaciones que llenden	Lynx Xéminis Canis Minor Hidra Lleo

Cáncer (el cámbaru) ye una de les doce constelaciones del zodiacu. Cáncer ye pequeñu y pocu rellumante, y pa munches persones nun s'asemeya un res a un cámbaru. Allúgase ente Xéminis al oeste y Lleo al este. Nel norte allúgase Lynx y al sur Canis Minor y Hidra.

La estrella más rellumante ye β Cancri; nomada Al Tarf (el fin de la pinza del cámbaru), nuna distancia averada a 200 años lluz. Otres estrelles son Acubens (&alfa; Cancri) y las Asellis (los burros), Asellus Borealis (γ Cancri) y Australis δ Cancri que se correspuenden colos burros que Bacu y Silenu montaron na batalla. Amás la estrella 55 Cancri tien un sistema planetariu con dos planetes, en referencia a Xúpiter el primeru ye 0,84 vegaes y el segundu cinco vegaes la masa d'aquél.

Ye perafamada por tener la Praesepe (M44), un enxame estelar de forma carauterística, que contién a η Cancri. Ta a 520 años lluz y ye de sesta magnitú. Tamién ta l'enxame estelar de M67, ún de los más vieyos y ta a 2.700 años lluz y ye de sétima magnitú.

Yera un pequeñu cangrexu qu'unvió la diosa Hera p'acabar cola vida d'Heracles mentanto esti lluchaba escontra la Hidra.

Ta rellacionada col signu astrolóxicu de Cáncer (21 de xunu-22 de xunetu). Ta asociáu al elementu de l'Agua, xunta Escuripión y Piscis. El so opuestu ye Capricorniu.

• Wikimedia Commons tien conteníu multimedia tocante a Cáncer (constelación).