علاء الدين كجك
علاء الدين كجك هوه حاكم مصر رقم علاء الدين كجك |
---|
| ||||
---|---|---|---|---|
معلومات شخصيه | ||||
الميلاد | سنة 1334 | |||
الوفاة | سبتمبر 1345 (10–11 سنة) | |||
مواطنه | ![]() | |||
الاب | الناصر محمد بن قلاوون | |||
عيله | المماليك البحريه | |||
معلومات تانيه | ||||
المهنه | سياسى | |||
اللغه الام | عربى | |||
اللغات المحكيه او المكتوبه | عربى | |||
تعديل مصدري - تعديل ![]() |
الملك الأشرف علاء الدين كجك بن الناصر محمد بن قلاوون (اتولد فى القاهرة 1334 - اتوفى فى سرياقوس، شمال القاهره 1345). تانى اللى قعدوا على عرش السلطنة من ولاد السلطان الناصر محمد بن قلاوون و سلطان الدولة المملوكية الأربعتاشر .[1] الامرا بزعامة الامير قوصون الناصرى نصبوه سلطان سنة 1341[2] بعد ما خلعوا أخوه سيف الدين ابو بكر، و كان عمره و قتها بتاع خمس و لا سبع سنين.[3] فضل على تخت السلطنة بتاع خمس شهور. اسمه " كجك " لفظ أعجمى معناه " صغير " [4][5]
![](https://upload.wikimedia.org/wikipedia/commons/thumb/7/7b/Bahri_Dynasty_1250_-_1382_%28AD%29_ar.png/280px-Bahri_Dynasty_1250_-_1382_%28AD%29_ar.png)
اصله
[تعديل]كچك كان ابن السلطان الناصر محمد بن قلاوون .[6] وحفيد السلطان المنصور قلاوون. امه كانت مغوليه اسمها " أردو " [7] بعد ما الامير قوصون خلع أخوه ابو بكر وقبض عليه وعلى اخوته السته وسجنهم فى قوص اتفق مع الامرا على تنصيب كجك بلقب " الملك الأشرف ". الامرا كانو عايزين يعينو الامير أيدغمش نايب للسلطنه لكن مارضيش ، لكن قوصون وافق انه يبقى النايب بشرط انه يسكن فى قلعة الجبل
الامير قوصون
[تعديل]بكده الامير قوصون بقى هو حاكم مصر الحقيقى و السلطان الصغير مجرد لعبه كان بيمسك ايدها و يخليها تمضى على مستندات الدوله .[8][9] قوصون قبض على الامرا ورجال الدوله المواليين للسلطان المخلوع ابو بكر و حط مكانهم مماليك بقو مواليين ليه بعد ما اداهم هدايا كتيره و رقاهم و عملهم امرا.[10] عامة الناس اللى كانو بيكرهو قوصون زعلو على اللى بيحصل فى البلد و كتب شاعر : " سلطاننا اليوم طفل والأكابر فى خلف ".[11] لكن الامير احمد، اخو السلطان المخلوع ابو بكر والسلطان الحالى كچك، و اللى كان عايش فى بالكرك [12] ، كان هو مصدر التهديد الرئيسى لقوصون فبقى عايز يجيبه مصر عشان يقدر يقبض عليه ز يسجنه مع اخواته السته [10] ، فبعت الأمير طوغان على الكرك عشان يقول للأمير أحمد انه لازم يرجع مصر. لكن الأمير أحمد اللى افتكر ان قوصون عايز يجيبه مصر عشان يسلطنه رد بقوله انه مش حا يرجع مصر الا لما يطلعو اخواته من السجن و بعت الأمرا الكبار على الكرك عشان يبايعةوه. فرد عليه قوصون و قاله انه مش عايزه يرجع مصر عشان ينصبه سلطان لكن للتحقيق فى شكاوى شوية أمرا من الكرك منه ، و حاول يغريه بالرجوع و قاله انه مستنيه عشان يديله هدايا. لكن فيه ناس حذرو الأمير أحمد و نصحوه بانه ما يرجعش مصر. فلما عرف قوصون و الأمرا بتوعه انه مش عايز يرجع راحو باعتين قوه على الكرك عشان يقبضو عليه[13]
عملات علاء الدين كچك
[تعديل]فيه عملات لسه موجوده من ايام علاء الدين كچك منقوش عليهاألقابه دى : " السلطان الملك الأشرف علاء الدنيا والدين " .[14]
مصطلحات مملوكيه جت فى المقاله
[تعديل]- أتابك : القائد العام للجيش.
- استاذ : ولى نعمة المملوك يعنى سلطانه او اميره اللى بيدين له بالولاء.
- نايب السلطنه: نايب السلطان فى القاهره و كان من ألقابه " كافل الممالك الشريفة الاسلامية الامير الأمرى" و ده بيوضح مركزه الكبيره.
- خشداش : مفرد خشداشيه و دول كانو مماليك بينتمو لنفس السلطان او الامير.
- نابب : كان امير بيعينهالسلطان نايب ليه فى مدينه او منطقه. زى نايب الشام او نايب الكرك او نايب الشوبك. و هو مش نايب السلطنه المباشر اللى موجود فى القاهره.
- دار النيابه : مكان شغل و مكاتب نايب السلطان.
شوف كمان
[تعديل]فهرست وملحوظات
[تعديل]- ↑ فيه مؤرخين بيعتبروا شجر الدر أول سلاطين الدوله المملوكيه. فى الحاله دى يبقى الأشرف علاء الدين كچك السلطان المملوكى الخمستاشر مش الأربعتاشر (قاسم، 22 ) - .( الشيال، 2/108).
- ↑ الأمير قوصون الناصرى: من أهم الأمرا فى عهد السلطان الناصر محمد و ولاده سيف الدين أبو بكر و علاء الدين كچك. جه مصر من بلاد الترك مع خند بنت أزبك خان التى اتجوزها الناصر محمد. و مع انه ما كانش مملوك لكن الناصر محمد اللى أعجب بيه اشتراه من أخوه صوصون و شغله ساقى فى البلاط، وبعدين رقاه لدرجة أمير، و بقى من خاصكيته، و جوزه بنت من بناته. العامه نهبت بيته و ممتلاكاته فى القاهرة وقت صراعه مع مجموعه من كبارالأمرا، و مات مخنوق فى سجنه فى اسكندريه. خلف كذا عيل من بنت الناصر محمد . - (ابن تغرى، أصل قوصون)
- ↑ ابن تغرى، سلطنة الأشرف علاء الدين كجك
- ↑ ابن اياس ، 105
- ↑ شفيق مهدى، 120-119
- ↑ تمانيه من ولاد الملك الناصر و اربعه من احفاده اتسلطنو .(الشيال، 2/192
- ↑ المقريزى،3/238
- ↑ شفيق مهدى، 119
- ↑ بيحكى المقريزى: " و كان اذا حضرت العلامة ادا قلما فى يده، وجاء فقيهه الذى يقرىء أولاد السلطان، فكيف العلامة والقلم فى يد السلطان (أى كچك). - ( المقريزى، 3/355 )
- ↑ أ ب المقريزى، 3/340
- ↑ المقريزى، 3/339
- ↑ الأمير أحمد اللى اتسلطن بعدين كان عايش فى الكرك بعد ما ابوه الملك الناصر بعته هناك عشان يتعلم الفروسيه.
- ↑ المقريزى، 3/341
- ↑ شفيق مهدى، 119-118
المراجع
[تعديل]- ابن اياس : بدائع الزهور فى وقائع الدهور، تحقيق محمد مصطفى - جمعية المستشرقين الألمانية، الهيئة المصرية العامة للكتاب، القاهرة 1982.
- ابن تغرى: النجوم الزاهرة فى ملوك مصر و القاهرة، دار الكتب و الوثائق القومية، مركز تحقيق التراث، القاهرة 2005
- ابو الفداء : المختصر فى أخبار البشر ، القاهرة 1325هـ.
- ابو بكر بن عبد الله بن أيبك الدوادارى : كنز الدرر وجامع الغرر،المعهد الألمانى للآثار الاسلامية، القاهرة 1971.
- جمال الدين الشيال (استاذ التاريخ الاسلامى) : تاريخ مصر الاسلامية, دار المعارف ، القاهرة 1966.
- المقريزى : السلوك لمعرفة دول الملوك ، دار الكتب, القاهرة 1996.
- المقريزى : المواعظ والاعتبار بذكر الخطط والأثار، مطبعة الادب, القاهرة 1968.
- شفيق مهدى ( دكتور) : مماليك مصر و الشام, الدار العربية للموسوعات, بيروت 2008.
- عز الدين بن شداد : تاريخ الملك الظاهر، دار نشر فرانز شتاينر، فيسبادن 1983.
- قاسم عبده قاسم (دكتور) : عصر سلاطين المماليك - التاريخ السياسى و الاجتماعى, عين للدراسات الانسانية و الاجتماعية, القاهرة 2007.
![](https://upload.wikimedia.org/wikipedia/commons/thumb/a/a9/Mameluke_Flag_unframed.png/150px-Mameluke_Flag_unframed.png)
سيف الدين ابو بكر | مدة الحكم: حوالى خمس تشهر | شهاب الدين احمد |
Text is available under the CC BY-SA 4.0 license; additional terms may apply.
Images, videos and audio are available under their respective licenses.