الاشرف قايتباى
الاشرف قايتباى هوه حاكم مصر رقم 442 |
---|
| ||||
---|---|---|---|---|
![]() | ||||
معلومات شخصيه | ||||
الميلاد | سنة 1416 | |||
تاريخ الوفاة | 8 اغسطس 1496 (79–80 سنة) | |||
مواطنه | ![]() | |||
ابناء | الناصر محمد بن قايتباى | |||
معلومات تانيه | ||||
المهنه | سياسى | |||
اللغه الام | عربى | |||
اللغات المحكيه او المكتوبه | عربى | |||
تعديل مصدري - تعديل ![]() |
السلطان الملك الاشرف ابو النصر سيف الدين قايتباى المحمودى الظاهرى ( 1412 - القاهره, 7 اغسطس 1496 ), سلطان الدوله المملوكيه البرجيه (الشركسيه) التسعتاشر. حكم 26 سنه و بيعتبر من اكبر سلاطين الدوله المملوكيه. من ابنيته المشهوره " قلعه قايتباى " فى اسكندريه.
![](https://upload.wikimedia.org/wikipedia/arz/thumb/c/c6/Qaytbay_on_his_throne_%28from_The_Pilgrimage_of_Arnold_von_Harrf%29.jpg/350px-Qaytbay_on_his_throne_%28from_The_Pilgrimage_of_Arnold_von_Harrf%29.jpg)
![](https://upload.wikimedia.org/wikipedia/arz/thumb/d/d9/Sultan_Qytbay_funerary_cairo.jpg/200px-Sultan_Qytbay_funerary_cairo.jpg)
نشاته
[تعديل]اتولد سنة 1421 فى بلاد القبجاق و هيا بلاد من اقاليم نهر الڤولجا فى روسيا دلوقتى و كانت من اهم اسواق العبيد اللى بيتباعو و يبقو مماليك فى الدوله العباسيه. لما بقى عنده تلاتاشر سنه اشتراه تاجر اسمه محمود ابن رستم و جابه مصر سنة 1435 و اشتراه منه سلطان مصر الملك الاشرف برسباى بخمسين دينار و بقى مملوك و بغته يتعلم و يتدرب مع باقى المماليك و بعد وفاة الاشرف برسباى وصل الظاهر جقمق عن طريق الشرا و اتعين (جمدار ) بعدها ( خاصكى ) بعدها بقى( دوادار ) و فى اخر الامر اعتقه و سابه فى الجيش واخذ فى الاترقا لحد ما وصل ( اتابك )- (قائد)الجيش فى عهد السلطان الظاهر تمربغا اللى عينه فى المنصب بعد تنصيبه سلطان مصر.
تنصيبه
[تعديل]هاج المماليك على السلطان الظاهر تمربغا و خلعوه من السلطنه كانو عايزين يخلو قايتباى سلطان و بعتو للخليفه العباسى المستنجد بالله فجه و معاه القضاه الاربعه و خلعو تمربغا و بايعو قايتباى و بقى اسمه الملك الاشرف ابو النصر سيف الدين قايتباى المحمودى الظاهرى و كان عمره وقتها خمسه و خمسين سنه. و مع كده مكنش عايز يبقى سلطان لانه كان خايف الامرا و مماليكه يقتلوه و يقول عنه ابن اياس انه بكى لما بايعوه و كان متمنع و لبسوه لبس الملك غصبن عنه.[1]
تصرفاته
[تعديل]كان زاهد و متقشف و ليه فى العلم و غاوى قرايه و فيه نزعه للصوفيه. كان شجاع و فارس وحكيم جدن و بخيل. اهتم بالجيش اهتمام عجيب و مبالغ فيه و قال ابن اياس انه صرف حوالى سبعه مليون و خمسميه و ستين الف دينار على الجيش و المبلغ ده كان كتير جدا كميزانيه للجيش بالنسبه لعصره و كان سخى فى العطايا على المماليك و العسكر لما كانو يرجعو من جبهات القتال لدرجة ان العطيه الواحده كانت بتوصل لتلاتين الف دينار و الصرف ده كله خلى الناس حالتها تضيق من كتر الفلوس المطلوبه لتغطيه مصاريف الجيوش و العسكر.[2]
مبانى بنيت فى عهده
[تعديل]بنيت مبانى كتيره متبقى منها لحد دلوقتى كتير زى قلعته المشهوره و جامعه و الليسته دى بيها اهم المبانى اللى اتبنت خلال فترة حكمه:
- جامع تمراز.
- جامع ازبك بن تتش.
- قصر يشبك.
- مدرسه ومقبره قايتباى
- مدرسه قايتباى فى المدينه
- وكاله قايتباى بجوار الازهر
- سبيل قايتباى
- وكاله قايتباى وباب النصر والسروجيه
- قبه قايتباى الفضويه
- قصر ومكان قايتباى
- احياء الابواب
- مدرسه الروضه
- جامع جانم
- مدرسه ابو بكر بن مزهر
- جامع قجماس
- مدرسه ازبك اليوسفى
المراجع
[تعديل]- ابن إياس: بدائع الزهور فى وقائع الدهور، الهيئة المصرية العامة للكتاب، 1982
- القلقشندى : صبح الأعشى فى صناعة الإنشا، دار الفكر، بيروت.
- شفيق مهدى ( دكتور) : مماليك مصر و الشام, الدار العربية للموسوعات, بيروت 2008.
الظاهر تمربغا | مدة الحكم: 26 سنه | ابو السعادات محمد |
لينكات برانيه
[تعديل]- الأشرف قايتباى – صور وتسجيلات صوتيه و مرئيه على ويكيميديا كومونز
- الأشرف قايتباى معرف مخطط فريبيس للمعارف الحره
- الأشرف قايتباى معرف ملف المرجع للتحكم بالسلطه فى WorldCat
- الأشرف قايتباى معرف النظام الجامعى للتوثيق
- الأشرف قايتباى المعرف المعيارى الدولى للاسماء
- الأشرف قايتباى ليبريس-مسار
- الأشرف قايتباى معرف اتحاد مكتبات البحوث الاوروبيه
- الأشرف قايتباى معرف القاموس الوطنى لاسماء المؤلفين
- الأشرف قايتباى معرف ليبريس
- الأشرف قايتباى معرف مكتبه الاسكندريه الجديده
مصادر
[تعديل]صور و ملفات صوتيه من كومنز
| ||||
---|---|---|---|---|
دوليه | |
---|---|
وطنيه | |
تراجم | |
غيرها |
Text is available under the CC BY-SA 4.0 license; additional terms may apply.
Images, videos and audio are available under their respective licenses.