Ferdinand "Ferdy" Kübler

Dr Ferdy Kübler 1954
Personedate
Spitzname	Ferdy National
Geburtsdatum	24. Juli 1919
Sterbedatum	29. Dezember 2016
Nation	Schweiz Schwiz
Disziplin	Stross
Internationali Team
1945–1947 1948–1949 1948–1955 1949 1950 1951–1957 1952–1955 1956	Cilo (Schwiiz) Peugeot - Dunlop (Frankriich) Tebag (Schwiiz) Bartali (Italie) Frejus (Italie) Fiorelli (Italie) La Perle - Hutchinson (Frankriich) Carpano - Coppi (Italie)
Wichtigsti Erfolg
Strosse-Schwiizermeisterschaft 1950 Erste bi dr Tour de Suisse 1942, 1948, 1951 Erste bi dr Tour de France 1950 Tour de Romandie 1948, 1951 Strossewältmeister 1951
Infobox zletzt aktualisiert: 30. 12. 2016

Dr Ferdinand "Ferdy" Kübler (* 24. Juli 1919 z Marthale; † 29. Dezember 2016 z Züri) isch en ehemolige Schwiizer Velorennfahrer gsii und der erst Schwiizer, wo d Tour-de-France gwunne het.

Mit siim charakteristisch kampfbetonte Fahrstil het dr Kübler zu den erfolgriichste Velorennfahrer us der Schwiiz ghört. Er het si Laufbahn als Profirennfahrer 1940 agfange und het 1942 mit der Tour de Suisse si ersts bedütends Renne gwunne. Aber erst won er elter worden isch, het er sich eso chönne steigere, ass er zur domolige Wältelite het muesse zellt wärde. Im Kübler si gröscht Erfolg isch dr Gsamtsiig bi der Tour de France 1950 gsi, won er scho 31 Johr alt gsi isch.

1951 isch er Strossewältmeister worde. Vo 1948 bis 1951 het er viermol noch enander d Schwiizer Strosse-Velomeisterschafte gwunne. Si grösst Schwiizer Konkurränt zu sällere Ziit isch dr Hugo Koblet gsi.

Dr Kübler isch näben em Koblet der einzig Schwiizer, wo d Tour de France het chönne gwünne. Bis 2009, wo dr Fabian Cancellara ihn überholt het, isch er au der Schwiizer gsi, wo s Maillot Jaune vom Füehrende am hüfigste drait het, nämlig währed zwölf Etappe.

Dr „Ferdy National“, wie men em Ferdy Kübler au gsait het, het 1957 si Velosportkarriere beändet. Nochhär isch er im Sportmarketing dätig gsi. Er isch der eltist vo de Tour-de-France-Siiger, wo no läbe (Stand 2010). 1983 isch er zum populärste Schwiizer Sportler vo de letzte 50 Johre gwehlt worde.

• Strossewältmeister 1951
• Siiger in der Tour de Suisse 1942, 1948, 1951
• Siiger in der Tour de Romandie 1948, 1951
• Gwünner vom grüene Trikot bi der Tour de France 1954 (2. Gsamtrang)
• 5 Tour de France Etappesiig (3 x 1950, 2 x 1954)

2010 het dr Ferdy Kübler dr "lifetimeAward" vom Schwiizer Färnsehe für si Läbenswärk übercho.^[1]

D Anne Cuneo und der Bertrand Duboux händ 2003 der Dokumäntarfilm «'Ferdi national' Kübler» dräit.

Dr Ferdy Kübler hät mit siner Frau Christina, won er über 40 Johr zäme gsii isch, z Birmesdorf bi Züri gwohnt.^[2]

Martin Born, Hanspeter Born et. al.: Ferdy Kübler. „Le fou pédalant“. Zürich 2006. ISBN 978-3909111251

• Palmarès – Liste vo de Erfolg und Platzierige (Memento vom 10. März 2012 im Internet Archive)
• Grand Prix Ferdy Kübler

1. ↑ Der «lifetimeAward» 2009, Ferdy Kübler – Radsportlegende, uf sf.tv vom 9. Januar 2010. Archiviert vom Original am 14. Januar 2010; abgruefen am 31. Mai 2010. 
2. ↑ «Ferdy National» wurde 97 Jahre alt uf schweizer-illustrierte.ch am 30. Dezember 2016

Dä Artikel basiert uff ere fräie Übersetzig vu dere Version vum Artikel „Ferdy_Kübler“ vu de dütsche Wikipedia. E Liste vu de Autore un Versione isch do z finde.