S Schwiizer Färnseh
| Schweizer Fernsehen | |
|---|---|
| Sänderlogo | |
| |
| Allgemeini Informatione | |
| Empfang: | Antenne (DVB-T) Kabel (analog, DVB-C), Satellit (analog, DVB-S) Zattoo & wilmaa (IPTV) vodafone live! (DVB-H)[1] |
| Länder: |  Schwiz  Liechteschtei  Europa
|
| Eigedümer: | Schweizerische Radio- und Fernsehgesellschaft SRG SSR |
| Gschäftsfüehrer: | Ueli Haldimann |
| Ersti Sändig: | 20. Juli 1953 |
| Rächtsform: | öffentlig-rächtlig |
| Programmtyp: | Vollprogramm |
| Website: | www.srf.ch |
S Schwiizer Färnseh isch s nationale Färnseh vo dr dütsche und dr rätoromanische Schwiiz. Es bildet, zsämme mit em Schwiizer Radio, sit em 1. Januar 2011 s Undernähme «Schweizer Radio und Fernsehen (SRF)», wo widerum sälber e Undernähmenseiheit vo dr SRG SSR (Schwiizerische Radio- und Färnsehgsellschaft) isch.
Bis 1993 het s Programm TV DRS oder usgschriibe Television der deutschen und rätoromanischen Schweiz gheisse, denn bis 2005 SF DRS (Schweizer Fernsehen der deutschen und rätoromanischen Schweiz). Bis Mitti Dezember 2012 isch dänn SF di offizielli Abchürzig für Schwiizer Färnseh gsi. Sit em 16. Dezember 2012 isch es jetzt SRF. D Bevölkerig sait hüfig eifach de «Schwiizer» (Sänder) oder no «SF».
Struktur
[ändere | Quälltäxt bearbeite]Offiziell isch s Schwiizer Färnseh e privaträchtligs Undernähme (d SRG isch e privaträchtlige Verein), het aber dur e Spezialkonzession vom Bundesroot dr Charakter von ere öffentlig-rächtligen Aastalt.
Sändekanäl
[ändere | Quälltäxt bearbeite]S Undernähme bedriibt momentan drei Färnsehprogrammkanäl: SRF 1 (2003: 33.8 % Märtaadeil), SRF zwei (8 %) und SRF info. Zum Vergliich: RTL isch mit 7 % Märtaadeil uf em dritte Blatz.
no mit em alte Logo.
Örtlichkaite
[ändere | Quälltäxt bearbeite]D Studio vom Schwiizer Färnseh befinde sich sit de 1970er-Johr im Gebiet am Leutschebach im Norde vo Züri. Dr Begriff «Leutschebach» wird vo de Dütschschwiizer hüfig metonymisch für s Undernähme bruucht. S Schwizer Färnseh betribt au im Mediezänter vom Bundeshuus z Bern es temporärs Studio.
Gwüssni Sändige wärded vom Technische Produkzionszänter (tpc) för s Färnseh i chlinnere und grössere Studios uf em Gländ produziert und uufzaichnet. S tpc hät au Fahrzüg underwägs för Reportasche vo Sportverastaltige oder för Sändige, wo diräkt us eme underschidlige Ort uusgrstahled wärded (z. B. SRF bi de Lüüt).
Z oberst uf em Hauptgeböi isch näbed de Funkaalage es Studio verusse uf em Dach, wo am Obig chorz vor em Achti för d Sändig Meteo bruucht werd.
Weblingg
[ändere | Quälltäxt bearbeite]- Website vom Schwiizer Radio und Färnsehe
- Videoportal bom Schwiizer Färnsehe
- Podcasts vom Schwiizer Färnsehe
- TV-Programm vom Schwiizer Färnsehe und vo andere dütschsproochige Sänder
- Website vo dr Radio e Televisiun Rumantscha (rätoromanisch)
Fuessnote
[ändere | Quälltäxt bearbeite]
Text is available under the CC BY-SA 4.0 license; additional terms may apply.
Images, videos and audio are available under their respective licenses.
