Uitlaatgas
Die uitlaatgas van 'n motor is die resultaat van die verbrandingsreaksie in 'n enjin se verbrandingskamer.
Die uitlaatgasse bestaan gewoonlik uit die volgende:
- Koolwaterstowwe, wat die gevolg is van onvolledige verbranding van die brandstof, gewoonlik petrol of diesel.
- Stikstofoksiede wat ontstaan wanneer die stikstof in die lug met suurstof reageer by baie hoë temperature en drukke. Hierdie verbindings lewer 'n betekenisvolle bydrae tot rookmis en suurreën.
- Koolstofmonoksied wat ook die gevolg van onvolledige verbranding is. Die gas verminder die bloed se vermoë om suurstof te vervoer en is giftig en kan selfs teen laer konsentrasies gevaarlik wees vir mense met hartkwale.
- Koolstofdioksied wat die gevolg is van volledige verbranding van die koolstof in die brandstof en kom ook algemeen in die atmosfeer voor. Dit is noodsaaklik vir plantlewe en het geen onmiddellike nadelige impak op mens en dier nie, maar word as besoedeling beskou omdat te hoë konsentrasies uiteindelik kan aanleiding gee tot 'n kweekhuisverskynsel in die aarde se atmosfeer.
- Swaeloksiede word ook gevorm as gevolg van die swaelinhoud in die brandstof. Swaeloksiede maak 'n groot bydrae tot suurreën.
Kyk ook
[wysig | wysig bron]
Verwysings
[wysig | wysig bron]
Text is available under the CC BY-SA 4.0 license; additional terms may apply.
Images, videos and audio are available under their respective licenses.
Cover photo is available under {{::mainImage.info.license.name || 'Unknown'}} license.
Cover photo is available under {{::mainImage.info.license.name || 'Unknown'}} license.
Credit:
(see original file).
